پی ایس ایل 9 ڈرافٹ کی سپلیمنٹری کیٹیگری میں کراچی کنگز نے قومی انڈر 19 کے کپتان سعد بیگ کا انتخاب کیا ہے۔
پی ایس ایل 9 کے پلیئرز ڈرافٹ کی تقریب لاہور میں جاری ہے جس میں فرنچائزز کے مالکان، چیئرمین پی سی بی منیجمنٹ کمیٹی ذکا اشرف اور کرکٹرز شریک ہیں۔
پاکستان کرکٹ بورڈ کے مطابق پی ایس ایل 9 کے لیے 22 ممالک کے 485 غیر ملکی کھلاڑیوں نے رجسٹریشن کروائی ہے۔
پی سی بی نے بتایا کہ پلاٹینم کیٹیگری میں 46، ڈائمنڈ کیٹیگری میں 76 غیر ملکی کھلاڑیوں نے رجسٹریشن کروائی۔
سپلیمنٹری کیٹیگری میں کراچی کنگز نے قومی انڈر 19 ٹیم کے کپتان سعد بیگ کا انتخاب کیا ہے، کراچی کنگز نے ایمرجنگ کیٹیگری میں نوجوان کھلاڑی سراج الدین کو منتخب کیا ہے۔
Pakistan U19 Skipper, stylish left handed batter Saad Baig will be repping in Kings' jersey ❤️#YehHaiKarachi | #KingsSquad | #HBLPSLDraft pic.twitter.com/0CCv6HB387
— Karachi Kings (@KarachiKingsARY) December 13, 2023
سلور کیٹیگری میں کراچی کنگز نے نوجوان فاسٹ بولر محمد عامر خان کا انتخاب کیا ہے، سلور کیٹیگری کی دوسری پک میں کراچی کنگز نے آل راؤنڈر انور علی کو منتخب کیا ہے، سلور کیٹیگری میں ہی کنگز نے نوجوان کھلاڑی عرفان منہاس کا انتخاب کیا ہے۔
اس سے قبل کراچی کنگز نے ڈائمنڈ کیٹیگری میں ٹم سائیفرٹ کو منتخب کیا ہے۔ کراچی کنگز نے پلاٹینیم کیٹیگری کے پہلے راؤنڈ میں کیرون پولارڈ کو منتخب کرلیا ہے۔
کراچی کنگز نے پلاٹینیم کیٹیگری کے دوسرے راؤنڈ میں ڈینئل سیمس اور آل راؤنڈر محمد نواز کو منتخب کیا ہے۔