کراچی: شہر قائد کے علاقے بلدیہ یوسف گوٹھ میں رینجرز کی کارروائی میں 3دہشت گرد ہلاک جبکہ 2اہلکار زخمی ہوگئے۔
تفصیلات کےمطابق کراچی کےعلاقے بلدیہ یوسف گوٹھ میں رینجرز اور گینگ وارملزمان کے درمیان مقابلے کے دوران تین دہشت گرد مارے گئے۔
ترجمان رینجرز کے مطابق ہلاک ملزمان کے قبضے سے جدید اسلحہ اور گولیاں برآمد کرلی گئی ہیں۔تاہم فائرنگ کے تبادلے کے دوران دو رینجرز اہلکار بھی زخمی ہوئے۔
دوسری جانب شاہ فیصل کالونی میں پولیس نے اسٹریٹ کرائم میں ملوث تین ملزموں کو گرفتار کرکے اسلحہ اور موبائل فونز برآمد کرلِئے۔
ادھر شہر قائد کے علاقے نیو کراچی سندھی ہوٹل کے قریب نامعلوم افراد کی فائرنگ سے بشیر نامی شخص جاں بحق جبکہ لانڈھی 6 میں بھی فائرنگ سے ایک شخص زخمی ہوگیا۔
مزید پڑھیں:کراچی میں پولیس / رینجرز کی کارروائی‘ملزم گرفتار
واضح رہے کہ رواں ہفتے شہر ِقائد کےعلاقے اورنگی ٹاؤن سے انتہائی مطلوب ٹارگٹ کلر گرفتار کرکے اسلحہ اور بارودی مواد برآمد کیا گیاتھا۔
