کراچی: پولیس کا کہنا ہے کہ صدر میں ہونے والا دھماکا پلانٹڈ ڈیوائس کے ذریعے کیا گیا۔
پولیس کے مطابق بظاہر لگ رہا ہے دھماکے سے کوسٹ گارڈ کی گاڑی کو نشانہ بنایا گیا جیسے ہی کوسٹ گارڈ کی گاڑی گزری تو دھماکا ہو گیا۔
پولیس کا کہنا ہے کہ کوسٹ گارڈ کی گاڑی گزرتے ہی کچرے میں رکھا دھماکا خیز مواد پھٹ گیا، سرکاری گاڑی پر بال بیرنگ کے نشانات زیادہ ہیں جس سے لگتا ہے کہ دھماکے کا نشانہ سرکاری گاڑی ہی تھی۔
- Advertisement -
دھماکا اس قدر زوردار تھا کہ دور دور تک آواز سنائی دی گئی اور قریبی عمارتوں کے شیشے ٹوٹ گئے۔ دھماکے میں متعدد افراد کے زخمی ہونے کی بھی اطلاعات ہیں جنہیں قریبی اسپتالوں میں منتقل کر دیا گیا ہے۔
ڈائریکٹرجناح اسپتال ڈاکٹر شاہدرسول کا کہنا ہے کہ دھماکےمیں جاں بحق ایک شخص کی لاش لائی گئی ہے جب کہ اب تک8 زخمیوں کو لایا گیا ہے، بال بیرنگ سےزیادہ افرادزخمی ہیں۔
