کراچی کے علاقے لیاقت آباد نمبر 10 کے قریب دو منزلہ عمارت گرنے کا واقعہ پیش آیا ہے، تاہم کسی جانی نقصان کی اطلاع نہیں آئی۔
اے آر وائی نیوز کے مطابق لیاقت آباد میں دو منزلہ عمارت زمین بوس ہوگئی جس کے گرنے کی فوٹیج بھی سامنے آگئی ہے، یہ رہائشی اور کمرشل علاقہ تھا جہاں پر اس بلڈنگ سے متصل پلاٹ پر تعمیر کے لیے کھدائی کا کام ہورہا تھا۔
عمارت گرنے کے بعد بڑی تعداد میں لوگ جمع ہوگئے، عینی شاہدین کا کہنا ہے کہ تعمیراتی کام کی وجہ سے متاثرہ عمارت کی بنیاد کو نقصان پہنچا جس وجہ سے یہ عمارت گری۔
View this post on Instagram
- Advertisement -
اس عمارت کے گرنے کا اندازہ لوگوں کو پہلے ہی ہوچکا تھا، اس لیے حفاظتی اقدامات اپناتے ہوئے تمام لوگ وہاں سے ہٹ گئے۔
ریسکیو ذرائع کا کہنا ہے کہ متاثرہ عمارت کی دونوں منزلوں پر گودام قائم تھے، مذکورہ عمارت کے نیچے ایک دوکان قائم تھی۔
