گلگت: داسو کے قریب لینڈ سلائیڈنگ سے قراقرم ہائی وے کو ہر قسم کی ٹریفک کیلئے بند کردیا گیا ہے جس کے باعث متعدد مسافر پھنس گئے۔
اے آر وائی نیوز کے مطابق پولیس کا کہنا ہے کہ داسو کے قریب لینڈ سلائیڈنگ سے قراقرم ہائی وے کو ٹریفک کیلئے بند کردیا گیا ہے، کے کے ہائی وے بندش سے بسیں و دیگر مسافر گاڑیاں پھنس گئیں۔
3 مسافر بسیں لینڈ سلائیڈنگ میں پھنس گئیں، تاہم مسافر نے گفتگو کرتے ہوئے کہا کہ رات ساڑھے 11 بجے لینڈ سلائیڈنگ کے بعد کوئی پوچھنے والا نہیں آیا۔
- Advertisement -
مسافر کا کہنا تھا کہ لینڈ سلائیڈنگ سے بسوں کو پتھر لگے نقصان ہوا ہے، مسافروں کو بھی چھوٹے پتھر لگے تاہم جانی نقصان نہیں ہوا۔
مسافر کا کہنا تھا کہ مسافر، خواتین اور بچوں نے رات کھلے آسمان تلے گزاری، لینڈ سلائیڈنگ کے مقام پر انٹرنیٹ سروس بھی نہیں ہے۔
