این اے120: سعد رفیق کا بھی پولنگ کاوقت بڑھانے کا مطالبہ -
The news is by your side.

Advertisement

این اے120: سعد رفیق کا بھی پولنگ کاوقت بڑھانے کا مطالبہ

لاہور : رہنما ن لیگ خواجہ سعد رفیق نے بھی پولنگ کاوقت بڑھانے کا مطالبہ کردیا، ان کا کہنا تھا کہ پولنگ اسٹیشنز کے باہرلمبی قطاریں ہیں، ووٹرز کو ووٹ ڈالنے کا پوراحق ملنا چاہیے۔

ان خیالات کا اظہار انہوں نے سماجی رابطے کی ویب سائٹ ٹوئٹر پر اپنے ایک پیغام میں کیا، انہوں نے کہا کہ گزشتہ تین گھنٹے سے الیکشن کمیشن کو کہہ رہے لیکن ہماری بات نہیں سنی جارہی۔

واضح رہے کہ لاہور میں قومی اسمبلی کے حلقہ این اے 120 میں ہونے والے ضمنی انتخاب کے لیے ووٹنگ کا آغاز صبح 8 بجے ہوگیا تھا جو بغیر کسی وقفے کے شام 5 بجے تک جاری رہا، مختلف سیاسی جماعتوں نے پولنگ کا وقت بڑھانے کا مطالبہ کیا جسے الیکشن کمیشن نے مسترد کردیا تھا۔

الیکشن کمیشن کے ترجمان نے مؤقف اختیار کیا کہ جو شکایات موصول ہوئیں ہیں انہیں فوری طور پر حل کردیا گیا ہے، ووٹنگ کے لیے مزید وقت نہیں بڑھایا جائے گا،جو لوگ 5 بجے تک پولنگ اسٹیشنز میں داخل ہوں گے انہیں ووٹ کاسٹ کرنے کی اجازت ہے۔

 


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں