لاہور: حال ہی میں دوسری بار رشتہ ازدواج میں منسلک ہونے والی اداکارہ و ماڈل کرن اشفاق نے سوشل میڈیا صارفین کی تنقید کا کرارا جواب دیا ہے۔
عمران اشرف سے طلاق لینے کے بعد کرن اشفاق نے 4 دسمبر کو اتوار کے روز لاہور میں پاکستان پیپلز پارٹی (پی پی پی) کے فوکل پرسن اور سیاسی مشیر حمزہ علی چوہدری سے دوسری شادی کی۔
فوٹو اینڈ شیئرنگ ایپ انسٹاگرام پر اداکارہ کرن اشفاق نے اپنے شوہر کے ہمراہ تصویر شیئر کی، ان کی اس تصویر پر کچھ صارفین نے کرن اشفاق کو شدید تنقید کا نشانہ بنایا۔
سوشل میڈیا صارفین نے تنقید کرتے ہوئے کہا کہ ’’ آپ اس طرح کی حرکتیں کرکے بہت بُری لگ رہی ہیں، آپ ایک نوعمری لڑکی کی طرح ظاہر کررہی، آپ کو پتا ہے آپ عمران اشرف کی وجہ سے مشہور ہیں، آپ کو صرف 2 سے 4 لوگ ہی جانتے تھے، خوش رہنا سب کا حق ہے لیکن اس طرح دکھاوا کرنا ٹھیک نہیں ہے‘‘۔
اس تنقید پر کرن اشفاق برہم ہوگئیں اور کہا کہ’’ میں نے تو اپنے اکاؤنٹ پر اپنے شوہر کے ساتھ تصویر پوسٹ کی، آپ کو کیوں مسئلہ ہورہا ہے یہ بتادیں، میں نے آپ کو کوئی گالی دی یہ کچھ کہا؟‘‘۔
اداکارہ نے کہا کہ میرا اکاؤنٹ ہے میں کچھ بھی پوسٹ کروں میری مرضی ہے، یونہی ساری میری بھوبھی، چچی بن رہے ہیں جیسے دنیا میں پہلی بار کسی عورت کو طلاق ہوئی اور اس نے دوسری شادی کی ہو۔
کرن اشفاق نے صارف کو مزید کہا کہ ہاں مجھے 2 سے 4 لاگ ہی جانتے ہیں، اور کوئی نہیں جانتا، اگر کوئی مجھے جانتا تو یوں اپنی مرضی سے کچھ بھی نہیں لکھتے۔
ایک اور صارف نے لکھا کہ’ عمران اشرف نے آپ کے بارے میں ایک لفظ بھی نہیں کہا، آپ ہی ابھی تک ان کے جنون میں مبتلا ہیں انہیں ہر پوسٹ پر گھسیٹ رہی ہیں‘۔
جس کے جواب میں کرن اشفاق نے لکھا کہ ’ ان کے پاس کچھ بولنے کو نہیں ہے، وہ کیا بولیں گے کے میں نے اپنی بیوی کو طلاق دی؟ ایک دن کا ٹائم دے کر نکال دیا نہیں نا؟۔
واضح رہے کہ پاکستان کے مشہور اداکار عمران اشرف اور ماڈل کرن اشفاق 2018 میں رشتہ ازدواج میں منسلک ہوئے تھے اِن دونوں کا ایک بیٹا بھی ہے جس کا نام روہم ہے۔
سال 2022، اکتوبر میں عمران اشرف اور کرن اشفاق نے باضابطہ طور پر اپنی علیحدگی کا اعلان کیا تھا۔
