کویت: العمریہ کے علاقے میں ایک افسوسناک واقعہ رونما ہوا جب ایک بھارتی عاشق نے اپنی 35سالہ فلپائنی محبوبہ کو موت کی نیند سلادیا۔
بین الاقوامی خبر رساں ادارے کی رپورٹ کے مطابق قاتل نے خاتون کو بے رحمی سے چاقو کے وار کرکے قتل کیا، جس کے بعد اس نے خودکشی کی کوشش کی، مگر اس کی زندگی بچالی گئی۔
ریسکیو اہلکاروں نے قاتل بھارتی شہری کو اسپتال منتقل کیا، جہاں اسے انتہائی نگہداشت کے وارڈ میں رکھا گیا ہے، ڈاکٹرز بھارتی شہری کی زندگی بچانے کی کوششوں میں مصروف ہیں۔
اطلاعات کے مطابق وزارت داخلہ کے آپریشنز روم کو ایک رپورٹ موصول ہوئی، جس میں انہیں العمریہ کے علاقے میں ہونے والے قتل سے آگاہ کیا گیا۔
اطلاع موصول ہوتے ہیں سیکیورٹی اہلکار اور ایمبولینس مذکورہ مقام پر روانہ کردی گئی، تحقیقاتی ادارے گھر میں لگے سی سی ٹی وی کیمرے کے مدد سے واقعے کے اصل حقائق جاننے کی کوشش کررہے ہیں۔