لکی مروت : خیبر پختونخواہ کے ضلع لکی مروت میں تھانہ غزنی اور تھانہ شہباز خیل پر دہشت گردوں کا حملہ ناکام بنادیا گیا ،پولیس کی بھرپور جوابی کارروائی پردہشت گرد فرار ہو گئے۔
تفصیلات کے مطابق خیبر پختونخواہ کے ضلع لکی مروت میں تھانہ غزنی اور تھانہ شہباز خیل پر دہشت گردوں نے حملہ کردیا ، پولیس کے ترجمان نے بتایا کہ دہشت گردوں نے تھانوں پرراکٹ لانچرز اوردیگربھاری اسلحہ سے حملہ کیا۔
پولیس نے بھرپورجوابی کارروائی کی ، اس دوران دہشت گردوں اورپولیس کےدرمیان فائرنگ کاتبادلہ کافی دیرتک جاری رہا، جس کے بعد دہشت گرد فرارہوگئے۔
ترجمان پولیس نے بتایا کہ فائرنگ سےکوئی جانی نقصان نہیں ہوا۔
گذشتہ روز ضلع لکی مروت پولیس نے ہیبت علی خان شہید پولیس اسٹیشن درہ پیزو پر دہشت گردوں کا حملہ پسپا کیا تھا۔
پولیس زرائع کا کہنا تھا کہ دہشت گردوں کی طرف فائرنگ کے بعد پولیس نے دہشت گردوں ہر بھاری ہتھیاروں سے بھر پور جوابی کاروائی کی، ڈی پی او لکی مروت طارق حبیب نے پولیس جوانون کو حملہ ناکام بنانے اور بہترین جوابی حملوں پر شاباش دی۔
ذرائع نے بتایا کہ اس سے پہلے پولیس چوکی 15 پر دہشت گردوں نے حملہ کیا تاہم پولیس کی برقت کاروائی سے انہیں ناکام بنا دیاتھا۔
