کراچی : پاکستان فیڈرل یونین آف جرنلسٹس کے فنانس سیکریٹری لالہ اسد پٹھان کا کہنا ہے کہ ن لیگ اے آر وائی نیوز پر حملہ آور ہے، پی ایف یو جے آج عدالت کا دروازہ کھٹکھٹائے گی۔
تفصیلات کے مطابق پاکستان فیڈرل یونین آف جرنلسٹس کے فنانس سیکریٹری لالہ اسد پٹھان نے اے آر وائی نیوز کی لائسنس معطلی کی شدید مذمت کرتے ہوئے کہا کہ پی ڈی ایم حکومت بننے کے بعد سے ن لیگ نے اےآروائی نیوز کو انڈر اٹیک کیا ہوا ہے ، ان کی خواہش ہے کہ اےآروائی نیوز کو جتنا نقصان پہنچایا جاسکتا ہے پہنچائیں۔
لالہ اسد پٹھان کا کہنا تھا کہ پاکستان کے 22 کروڑ لوگ اے آر وائی نیوز سے پیار کرتے ہیں، اسی پیار کی وجہ سے اے آر وائی نیوز عوام کے درمیان موجود ہے۔
پی ایف یو جے کے رہنما نے کہا کہ آج پھر سے عدلیہ کا امتحان شروع ہوگیا ہے، اس سے پہلے بھی جو ہمیں ریلیف ملا وہ عدلیہ کی جانب سے ملا، اعلیٰ عدلیہ آزادی صحافت پر پابندی اور نیوز چینلز کی بندش کی سازش کامیاب نہیں ہونے دے گی۔
ان کا کہنا تھا کہ پی ایف یو جے کل عدالت کا دروازہ کٹھکٹائے گی، پی ایف یوجے عدالت سے اپیل کرے گی کہ اے آر وائی نیوز کو ایک بار پھر انڈر اٹیک کیا گیا ہے۔
لالہ اسد پٹھان نے مزید کہا کہ پی ایف یو جے اظہار رائے کی آزادی پر یقین رکھتی ہے، ہم کبھی بھی نہیں چاہتے کہ کسی سیاسی جماعت کے رہنما پر پابندی لگائی جائے۔
پی ایف یو جے کے فنانس سیکریٹری کا کہنا تھا کہ پاکستان کےہرشہری کواپنی بات عوام کے سامنے رکھنے کا حق ہونا چاہیے، حکومت اپنی غیر مقبولیت یا سیاسی اختلاف پر کسی رہنما کی آواز کو بند کرنے کی کوشش کرے تو یہ غلط ہے۔
انھوں نے کہا کہ اےآروائی نیوز ن لیگ کی موجودہ حکومت کو ایک آنکھ نہیں بھاتا، اس کی وجہ اےآروائی نیوزہمیشہ ملک میں کرپشن کیخلاف آواز اٹھاتا ہے، ہمیشہ عام عوام کے بات کرتا ہے۔
لالہ اسد پٹھان نے خبردار کیا کہ حکمران اچھی طرح سمجھ لیں ملک میں آزادعدلیہ موجودہے، پیمراکےکندھےپررکھ کرکوئی اوربندوق چلارہا ہے۔
