لندن: عالمی شہرت یافتہ برانڈ گوچی کے ملبوسات کی لندن میں نمائش ہوئی۔ نمائش ’گوچی کروز 2017‘ میں دیدہ زیب ملبوسات زیب تن کیے ماڈلز نے ریمپ پر جلوے بکھیرے۔
لندن کی معروف قدیمی عمارت ویسٹ منسٹر ایبے میں معروف برانڈ گوچی کے ملبوسات کی نمائش ہوئی۔
نمائش میں گوچی کے 2017 کے لیے نئے ڈیزائن کے ملبوسات کو متعارف کروایا گیا۔
بعض ملبوسات کے ساتھ اسکارف کا بھی استعمال کیا گیا۔
شو میں اسکرٹس کے علاوہ جدید اسٹائل کے بیگز اور کوٹ بھی پیش کیے گئے۔
فیشن شو میں نت نئے ملبوسات لوگوں کی آنکھوں کو خیرہ کرتے رہے اور ماڈلز منفرد انداز میں ریمپ پر جلوے بکھیرتی رہیں۔
