بھارت میں اکثر ایسے واقعات بھی پیش آتے ہیں جن پر کسی فلمی سین کا گمان ہوتا ہے، مدھیہ پردیش میں ایک خاتون اپنے عاشق کے ساتھ رہنے کے مطالبے کو منوانے کے لیے بلند ٹاور پر چڑھ گئی۔
غیرملکی میڈیا رپورٹس کے مطابق ریاست مدھیہ پردیش کے شیو پری ضلع میں پیش آنے والے ایک فلمی واقعے کی ویڈیو وائرل ہورہی ہے جس میں ایک شادی شدہ خاتون بلند ٹاور پر چڑھ گئی، عورت کا یہ مطالبہ تھا کہ وہ اپنے مبینہ عاشق کے ساتھ رہنا چاہتی ہے۔
پولیس ذرائع نے انکشاف کیا کہ پن گھٹا پاور ہاؤس کے نزدیک بلند ٹاور پر چڑھ کر مبینہ عاشق کے ساتھ رہنے کا مطالبہ کرنے والی عورت دوبچوں کی ماں ہے۔
اس موقع پر مقامی گائوں کے رہائشیوں اور پولیس حکام نے عورت کو کافی سمجھایا تاہم وہ اپنی بات پر اڑی رہی کہ پہلے اس کے عاشق کو بلایا جائے۔
High Voltage Drama: A married woman climbs an electricity tower in Shivpuri and repeatedly called for her lover. SDRF team and police rushed to the spot for her safe rescue.#MPNews #Incident #MadhyaPradesh #viral pic.twitter.com/KNK1VRQMGX
— Free Press Madhya Pradesh (@FreePressMP) July 18, 2023
آخری اطلاعات تک پولیس اور انتظامیہ کی جانب سے خاتون کو بلند ٹاور سے اتارنے کی کوششیں جاری تھیں تاکہ اسے بحفاظت اس کے گھر بھیجا جاسکے۔
