حال ہی میں شادی کے بندھن میں بندھنے والی عالمی شہرت یافتہ اداکارہ ماہرہ خان کی نئی تصاویر سوشل میڈیا پر تیزی سے وائرل ہورہی ہیں۔
پاکستان شوبز انڈسٹری کی معروف اداکارہ نے سوشل میڈیا پلیٹ فارم انسٹاگرام پر مداحوں کیلئے تین نئی تصاویر اپلوڈ کی ہیں جس میں وہ نہ صرف کافی دلکش نظر آرہی ہیں بلکہ بیگ گراؤنڈ سے ظاہر ہورہا ہے کہ وہ کسی پرفضا مقام کی سیر پر گئی ہوئی ہیں۔
ماہرہ نے شیئر کردہ تصاویر کے کیپشن میں لکھا کہ ہائے، آئیے حساب کتاب کو ایک طرف رکھتے ہیں! اداکارہ نے سورج کی ایموجی بھی بنائی۔
انھوں نے کیپشن میں اپنے ڈائمنڈ گلو فیشل کا بھی تذکرہ کیا اور ساتھ ہی یہ بھی لکھا کہ کافی دنوں بعد ان کی جلد چمک رہی ہے۔
واضح رہے کہ پچھلے دنوں کاروبی شخصیت سلیم کریم کے ساتھ شادی کرنے والی ماہرہ آخری بار فلم ’دی لیجنڈ آف مولا جٹ‘ میں فواد خان کے ساتھ نظر آئی تھیں جس نے کامیابی کے نئے ریکارڈ قائم کیے تھے۔
آئندہ ماہرہ خان کی نئی فلم’نیلوفر‘ سینما اسکرین کی زینت بنے گی اور اس میں بھی ان کے مقابل فواد خان مرکزی کردار ادا کررہے ہیں جبکہ اگلی فلم میں ہمایوں سعید کے ساتھ جلوہ گر ہونگی۔