نوبل انعام یافتہ ملالہ یوسفزئی کی ہالی ووڈ دستاویزی فلم ’لاسٹ آف دی سی ویمن ‘ کا ٹریلر ریلیز کردیا گیا۔
بین الاقوامی میڈیا رپورٹس کے مطابق ملالہ یوسفزئی نے فلم ’لاسٹ آف دی سی ویمن ‘ کے ذریعے بطورِ پروڈیوسر ہالی ووڈ میں ڈیبیو کیا ہے، تاہم اب اس دستاویزی فلم کا ٹریلر ریلیز کردیا گیا۔
رپورٹ کے مطابق لاسٹ آف دی سی ویمن کی ہدایتکاری سو کم اور اے 24 نے ہے، دستاویزی فلم کے ٹریلر میں کورین خاتون کو غوطہ خوری کرتے ہوئے دیکھا گیا ہے۔
- Advertisement -
ملالہ یوسفزئی کی پروڈکشن کمپنی کے بینر تلے بننے والی فلم میں ایک غوطہ خور کورین خاتون کی کہانی دکھائی گئی ہے جو خوراک کی تلاش میں آکسیجن کے بغیر سمندر کی تہہ تک چلی جاتی ہے۔
دستاویزی فلم میں دکھایا گیا ہے کہ کورین خاتون تمام خطرات کے باوجود بھی خوراک تلاش کرنے کا اپنا کام جاری رکھتی ہے۔
