مٹیاری: دریائے سندھ میں نہاتے ہوئے 5 بچے ڈوب گئے، تین بچوں کو مقامی افراد نے بچا لیا۔
تفصیلات کے مطابق مٹیاری میں ہالا پرانا پکنک پوائنٹ پر دریائے سندھ میں نہاتے ہوئے پانچ بچے ڈوب گئے تھے جن میں سے 3 بچوں کو مقامی افراد کی مدد سے فوراً بچا لیا گیا۔
پکنک منانے والے آنے والی فیملی کے بچے پکنک پوائنٹ پر نہاتے ہوئے اچانک تیز بہاؤ کی وجہ سے گہرے پانی میں چلے گئے تھے۔
ڈپٹی کمشنر کے مطابق ڈوبنے والے دو بچوں کی لاشیں رات گئے نکالی گئیں، جن کی شناخت 12 سال کے فیضان قریشی اور 10 سال کے عبدالرزاق کے نام سے ہوئی ہے، لاشیں ورثا کے حوالے کر دی گئی ہیں۔
میں خود کشی کر رہا ہوں تم سب خوش رہو، آن لائن ٹیکسی ڈرائیور کی دوسری بیوی کو آخری کال
دریائے سندھ میں نہانے کے لیے جانے والے بچوں کا تعلق قریشی برادری سے ہے جو ہالا پرانا کے رہائشی ہیں، دوسری جانب ڈپٹی کمشنر مٹیاری یوسف شیخ کا کہنا تھا کہ ہالا پرانا پکنک پوائنٹ پر دریائے سندھ میں پانی گہرا ہونے کے باعث واقعہ پیش آیا ہے۔