کوئٹہ اورمکران ڈویژن میں گرج چمک کے ساتھ بارش کاامکان -
The news is by your side.

Advertisement

کوئٹہ اورمکران ڈویژن میں گرج چمک کے ساتھ بارش کاامکان

کراچی / کوئٹہ / اسلام آباد / کوئٹہ اور مکران ڈویژن میں گرج چمک کے ساتھ بارش کا امکان ہے مگر کراچی میں شدید گرمی پڑے گی، اور درجہ حرارت سینتیس ڈگری تک جا سکتا ہے۔

تفصیلات کے مطابق ایک بار پھر بارش کا نیا سلسلہ شروع ہونے والا ہے، محکمہ موسمیات نے رواں ہفتے بلوچستان، خیبر پختونخواہ، اسلام آباد، پنجاب، فاٹا، گلگت بلتستان اور کشمیر میں بادل برسنے کی پیشگوئی ہے۔

محکمہ موسمیات کے مطابق بارشوں کا سلسلہ جمعرات سے شروع ہوگا ۔ اس دوران گندم کی کاشت کے بارانی اور نہری علاقوں میں تیز ہواؤں کے ساتھ بارش کا امکان ہے۔

محکمہ موسمیات کا کہنا ہے کہ موسلادھار بارش کے باعث مقامی ندی نالوں میں طغیانی کا خدشہ ہے جبکہ بالائی خیبر پختونخواہ کے پہاڑی علاقوں گلگت بلتستان اور کشمیر میں لینڈ سلا ئنڈینگ کا خدشہ ہے۔

آئندہ چوبیس گھنٹے کے دوران ملک کے بیشتر علاقوں میں موسم خشک رہے گا تاہم کوئٹہ اور مکران ڈویژن میں بعض مقامات پر تیز ہواؤں اور گرج چمک کے ساتھ بارش کا امکان ہے۔

 

Comments

comments

یہ بھی پڑھیں