لاہور : قومی احتساب بیورو (نیب) نے وفاقی وزیر داخلہ رانا ثنااللہ کیخلاف آمدن سے زائد اثاثوں کی انکوائری بند کردی اور حتمی منظوری کے لیے فائل چیئرمین نیب کو بھجوا دی۔
تفصیلات کے مطابق وفاقی وزیر داخلہ رانا ثنااللہ کو منشیات برآمدگی کیس کے بعد ایک اور انکوائری میں ریلیف مل گیا۔
ذرائع نے بتایا ہے کہ نیب لاہور نے رانا ثنااللہ کیخلاف آمدن سے زائداثاثوں کی انکوائری بند کردی اور ڈی جی نیب لاہور نے حتمی منظوری کے لیے فائل چیئرمین نیب کو بھجوا دی۔
نیب ذرائع کا کہنا ہے کہ لاہور ہائیکورٹ کا فیصلہ بھی سپریم کورٹ میں چیلنج نہ کرنے کا فیصلہ کیا ہے کیونکہ نیب ترمیمی آرڈیننس کے بعد بھی انکوائری جاری نہیں رہ سکتی۔
ذرائع کے مطابنق لاہور ہائیکورٹ بھی رانا ثنااللہ کی ضمانت کنفرم کر چکی ہے، راناثنااللہ کیخلاف 3 مختلف شکایات نیب کو موصول ہوئیں، جس پر ڈی جی نیب لاہور نےانکوائریوں کی منظوری 20 دسمبر 2019 کودی تھی۔
