ایشیا کپ میں قومی ٹیم کو ناقص کارکردگی پر سابق کرکٹرز اور شائقین کرکٹ کی جانب سے تنقید کا نشانہ بنائے جانے پر نجم سیٹھی ٹیم کے دفاع میں سامنے آگئے۔
سماجی رابطے کی ویب سائٹ ایکس پر سابق چیئرمین پی سی بی مینجمنٹ کمیٹی نجم سیٹھی نے لکھا کہ ’سوشل میڈیا پر پاکستان ٹیم کے بارے میں طرح طرح کی باتیں ہورہی ہیں، کوئی گروپنگ کی بات کررہا ہے تو کوئی پلیئرز اور مینجمنٹ پر تنقید کررہا ہے۔‘
انہوں نے لکھا کہ ’بابر اعظم، شاہین آفریدی، شاداب خان، فخر زمان، محمد رضوان اور نسیم شاہ چیمپئن کرکٹرز ہیں جبکہ کھلاڑیوں کے ساتھ قابل ٹیم مینجمنٹ کام کررہی ہے۔‘
نجم سیٹھی نے کہا کہ ’پاکستانیوں، حرف نفی پھیلانے کی بجائے ٹیم کو سپورٹ کریں۔‘
Plenty of angry talk on social media about PAK Team – groupings etc – blaming cricketers and team management staff. But
Babar, Shadab, Shaheen, Fakhar, Rizwan, Naseem, et al are champion cricketers. They have a very able team management to support them.
Come On, Pakistanis!…— Najam Sethi (@najamsethi) September 16, 2023
واضح رہے کہ ایشیا کپ سپر فور مرحلے کے اہم میچ میں سری لنکا نے پاکستان کو سنسنی خیز مقابلے کے بعد شکست دے کر ٹورنامنٹ سے باہر کردیا تھا۔
ایشیا کپ کا فائنل کل سری لنکا اور بھارت کے درمیان کولمبو میں کھیلا جائے گا۔
