کراچی کی انسداد دہشت گردی عدالت نے نقیب اللہ قتل کیس میں مفرور دو ملزمان کی ضمانت منظور کر لی۔
تفصیلات کے مطابق نقیب اللہ قتل کیس میں مقدمات میں مفرور ملزمان کی درخواست ضمانت پر سماعت ہوئی تو عدالت نے ملزمان کی 2 مقدمات میں حفاظتی ضمانت منظور کرلی۔
عدالت نے کیس کی سماعت 13 جولائی تک ملتوی کرتے ہوئے ملزمان کو مجموعی طور پر مقدمات میں ڈیڑھ لاکھ جمع کرانے کا حکم دیا ہے۔
- Advertisement -
ملزمان نقیب اللہ قتل کیس میں مقدمے کی ابتدا سے مفرور تھے، جس پر انھیں انسداد دہشت گردی کورٹ نے اشتہاری قرار دے دیا تھا، ملزمان سندھ ہائیکورٹ سے حفاظتی ضمانت کے بعد انسداد دہشت گردی عدالت میں پیش ہوئے ہیں۔
یاد رہے کہ نقیب اللہ قتل کیس میں راؤ انوار سمیت 18 ملزمان بری ہوئے تھے۔ نقیب اللہ محسود کو 13 جنوری 2018 کو کراچی کے ضلع ملیر میں ایک جعلی مقابلے کے دوران مارا گیا تھا۔
