پاکستانی شوبز انڈسٹری کے معروف اداکار نعمان اعجاز کی اپنی اہلیہ رابعہ نعمان کے ساتھ ڈانس کی ایک ویڈیو سوشل میڈیا پر گردش کررہی ہے، جسے ان کے چاہنے والوں کی جانب خوب پسند کیا جارہا ہے۔
نعمان اعجاز کو سوشل میڈیا پر وائرل ڈانس ویڈیو میں اپنی اہلیہ رابعہ نعمان کے ساتھ ایک شادی کی تقریب میں بھارتی فلم ’اسٹوڈینٹ آف دی ایئر 2‘ کے مشہور گانے’یہ جوانی ہے دیوانی‘ پر ڈانس کرتے دیکھا جا سکتا ہے۔
View this post on Instagram
مذکورہ ویڈیو سامنے آنے کے بعد مداحوں کی جانب سے پسندیدگی کا اظہار کیا جارہا ہے۔
اس سے قبل نعمان اعجاز کی کچھ پرانی تصاویر سوشل میڈیا پر وائرل ہوگئیں تھیں ان کے مداح بھی ان کی یادوں میں شریک رہے۔
View this post on Instagram
نعمان اعجاز کی اہلیہ رابعہ نعمان نے شادی کی سالگرہ کے موقع پر فوٹو اینڈ ویڈیو شئیرنگ ایپ انسٹاگرام پر کچھ تصاویر پوسٹ کی تھیں جسے مداحوں کی جانب سے بہت پسند کیا گیا تھا۔
ان تصاویر میں نعمان اعجاز اور رابعہ نعمان کی شادی کی خوبصورت تصاویر سمیت شادی کے بعد کی جانے والی سیر و تفریح کی تصاویر بھی شامل ہیں۔
