لاہور : مسلم لیگ ن کے قائد نواز شریف کے صاحبزادے حسن اور حسین نواز 7 سال بعد وطن واپس پہنچ گئے، نواز شریف نے جاتی امرا میں دونوں بیٹوں کااستقبال کیا۔
تفصیلات کے مطابق مسلم لیگ ن کے قائد نوازشریف کےبیٹےحسن اور حسین نواز لندن سے لاہور پہنچ گئے۔
ذرائع کا کہنا ہے کہ حسن اور حسین نواز کو لاہور ائیرپورٹ سے سخت سیکیورٹی میں جاتی امرا پہنچایا گیا، نواز شریف نےجاتی امرامیں دونوں بیٹوں کااستقبال کیا۔
وزیراعلیٰ پنجاب مریم نوازنےبھی بھائیوں سے ملاقات کی، حسن اورحسین نوازنےوالدہ کی قبر پر فاتحہ خوانی بھی کی۔
یاد رہے 7 مارچ کو احتساب عدالت نے نواز شریف کے صاحبزادوں حسن اور حسین نواز کے دائمی وارنٹ گرفتاری معطل کئے تھے ، دونوں نے وارنٹ معطلی کیلئے عدالت سے رجوع کیا تھا۔
خیال رہے ایون فیلڈ یفرنس میں سابق وزیراعظم نوازشریف، مریم نواز، حسن اورحسین نوازکے علاوہ کیپٹن ریٹائرڈ صفدرملزم نامزد تھے، تاہم عدالت نےعدم حاضری کی بنا پر نواز شریف کے صاحبزادے حسن اور حسین نواز کو اشتہاری قرار دیا تھا۔
