دنیا سعودی شاہی خاندان اور حکومتی اراکین کو مخصوص عربی لباس ’’بشت‘‘ میں دیکھنے کی عادی ہے لیکن ولی عہد شہزادہ محمد بن سلمان کے نئے انداز کو دیکھنے والے حیران رہ گئے۔
سعودی ولی عہد شہزادہ محمد بن سلمان کے نئے حلیے میں تصاویر نے سوشل میڈیا صارفین کی توجہ اپنی جانب مبذول کروالی۔
غیر ملکی میڈیا کے مطابق سعودی شاہی خاندان اور حکومتی اراکین اپنی نشست وبرخاست میں اور عوامی سطح پر ہمیشہ عرب کے مخصوص لباس ’’بشت‘‘ میں دیکھے گئے ہیں اور دنیا ان کو اس انداز میں دیکھنے کی عادی ہوگئی ہے اور اسی روایت کو سعودی ولی عہد شہزاد محمد بن سلمان بھی قائم رکھے ہوئے ہیں۔
تاہم سعودی عرب کو ترقی کی نئی منازل پر گامزن کرنے والے شہزادہ محمد بن سلمان کا نیا انداز سوشل میڈیا پر وائرل ہوا ہے جس نے سوشل میڈیا صارفین کی فوری توجہ حاصل کرلی جب کہ جو بھی ان کا یہ انداز دیکھ رہا ہے خوشگوار حیرت کا شکار ہوئے بغیر نہیں رہ پا رہا۔
#Saudi Crown Prince Mohammed bin Salman meets Egyptian President Abdel Fattah El-Sisi in Paris pic.twitter.com/q0QiALtYZA
— Saudi Gazette (@Saudi_Gazette) June 23, 2023
سعودی ولی عہد نے حال ہی میں اپنے دورہ فرانس کے دوران پیرس میں مصر کے صدر عبدالفتاح السیسی سے ملاقات کی جس میں دونوں ممالک کے مابین ممالک کی ترقی کے حوالے سے گفتگو ہوئی۔
اس ملاقات کی ایک تصویر سوشل میڈیا پلیٹ فارمز پر وائرل ہو رہی ہے جس میں سعودی ولی عہد مصری صدر کے برابر میں کھڑے ہیں اور روایتی عرب لباس کے بجائے سفید شرٹ، ہلکی سرمئی پینٹ اور بھوری بیلٹ اور جوتے پہنے ہوئے ہیں۔
سوشل میڈیا پر ان تصاویر کو دیکھنے والے صارفین پہلی نظر میں تو سعودی ولی عہد کو پہچان نہیں سکے پھر کچھ دیر غور کرنے کے بعد ان کو سمجھ آیا کہ مصری صدر کے ہمراہ یہ شخص کون ہیں۔
شہزادہ محمد بن سلمان 1985 میں متحدہ عرب امارات کی ریاست الریاض میں پیدا ہوئے اور گزشتہ سال ماہِ ستمبر میں ان کو سعودی عرب کا وزیرِ اعظم منعقد کردیا گیا تھا۔
