بھارت میں پیش آنے والے ایک افسوسناک واقعے کے بعد ہر آنکھ اشکبار ہوگئی، نوبیاہتا دولہے کی موت کے بعد دلہن نے بھی اپنی زندگی کا خاتمہ کرلیا۔
غیر ملکی ذرائع ابلاغ کے مطابق شادی کے تین ماہ بعد دو خاندانوں کو ایسی نظر لگی کہ ہر کوئی افسردہ ہوگیا، دولہے کی موت پرغمزدہ دلہن نے بھی خودکشی کرلی۔
بھارتی میڈیا کا اس حوالے سے کہنا ہے کہ غازی آباد سے تعلق رکھنے والے 25 سالہ ابھیشیک اور انجلی 30 نومبر 2023 کو شادی کے بندھن میں بندھے تھے۔
نوبیاہتا جوڑا سیرو تفریح کی غرض سے دہلی گیا تھا، گزشتہ روز دونوں زو پارک گئے جہاں شوہر نے سینے میں درد کی شکایت کی، جس پر اسے قریبی اسپتال منتقل کیا گیا، مگر ڈاکٹروں نے نوجوان کی موت کی تصدیق کردی۔
ڈاکٹروں نے بتایا کہ نوجوان کی موت کا سبب ہارٹ اٹیک تھا،جس کے بعد لاش آبائی علاقے منتقل کردی گئی۔
غزہ میں مظالم کیخلاف خود سوزی کرنے والا امریکی فوجی دم توڑ گیا
شوہر کے اچانک انتقال پر انجلی انتہائی رنجیدہ تھی، اس نے انتہائی قدم اُٹھاتے ہوئے اپارٹمنٹ کی ساتویں منزل کی بالوکنی سے نیچے چھلانگ لگا دی جس کے باعث وہ شدید زخمی ہوگئی، جسے فوری طور پر اسپتال پہنچایا گیا مگر اُس وقت تک بہت دیر ہوچکی تھی۔
