اسلام آباد : ناروے نے پاکستان کو نیشنل تھریٹ اسیسمنٹ کی لسٹ سے نکال دیا، لسٹ میں پاکستان کا نام ہونے سے طلبا اور ریسرچرز کو کافی مشکلات پیش آ رہی تھیں۔
تفصیلات کے مطابق پاکستان کی کامیاب سفارتکاری کا ثمر سامنے آگیا ، ناروے نے پاکستان کو نیشنل تھریٹ اسیسمنٹ کی لسٹ سے نکال دیا۔
ناروے پولیس سیکیورٹی سروس کی رپورٹ میں لسٹ سے نکالنے کااعلان کیا گیا ، رپورٹ ناروے کی مقامی انٹیلی جنس اور سیکیورٹی سروس نے جاری کی۔
- Advertisement -
جس میں کہا کہ گزشتہ کئی سالوں سے پاکستان اور دیگر ممالک کو لسٹ میں شامل کیا جا رہا تھا اور لسٹ میں پاکستان کا نام ہونے سے طلبا اور ریسرچرز کو کافی مشکلات پیش آ رہی تھیں۔
لسٹ میں نام ہونےکی وجہ سے بھارتی میڈیا بھی پاکستان کیخلاف پروپیگنڈا کررہا تھا۔
