اسرائیلی وزیراعظم نیتن یاہو عوامی حمایت کھو بیٹھے۔ صرف 15 فیصد اسرائیلی چاہتے ہیں کہ غزہ جنگ کے بعد نیتن یاہو وزیراعظم کے عہدے پر برقرار رہیں۔
خبر رساں ادارے رائٹرز کے مطابق کم تعداد کے باوجود، بہت سے لوگ اب بھی غزہ پر ان کی جنگ کی حمایت کرتے ہیں۔
رپورٹ میں اسرائیل ڈیموکریسی انسٹی ٹیوٹ (IDI) کے ایک نئے سروے کا حوالہ دیا گیا ہے۔
آئی ڈی آئی کے سروے میں پتا چلا ہے کہ پوچھ گچھ کرنے والوں میں سے 56 فیصد نے کہا کہ فوجی کارروائی جاری رکھنا اسرائیلی اسیران کی بازیابی کا بہترین طریقہ ہے۔
دریں اثنا، 24 فیصد کا خیال تھا کہ اسرائیل کی جیلوں سے مزید ہزاروں فلسطینی قیدیوں کی رہائی سمیت تبادلے کا معاہدہ بہترین ہوگا۔
نیتن یاہو کے سیاسی حریف اور موجودہ جنگی کابینہ کے ساتھی، بینی گینٹز نے 23 فیصد انٹرویو لینے والوں کی حمایت حاصل کی۔ تقریباً 30 فیصد نے کوئی پسندیدہ لیڈر نہیں بتایا۔
IDI نے بتایا کہ یہ سروے 25 دسمبر سے 28 دسمبر کے درمیان 746 جواب دہندگان کے درمیان کیا گیا جس میں 95 فیصد اعتماد کی سطح تھی۔
پے در پے سروے سے پتا چلا ہے کہ 7 اکتوبر سے ان کی مقبولیت میں تیزی سے کمی آئی ہے۔
