The news is by your side.

Advertisement

آواران میں دہشت گردوں کے ٹھکانے پر آپریشن، حوالدار شہید

کوئٹہ: آئی ایس پی آر کا کہنا ہے کہ آواران کے علاقے سلک کور میں سیکورٹی فورسز نے دہشت گردوں کے ٹھکانے پر آپریشن کیا۔

تفصیلات کے مطابق سیکورٹی فورسز نے خفیہ اطلاع پر بلوچستان کے ضلع آواران میں سلک کور میں دہشت گردوں کے ٹھکانے پر آپریشن کیا، جس میں ایک دہشت گرد ہلاک جب کہ ایک گرفتار کر لیا گیا۔

آئی ایس پی آر کا کہنا ہے کہ دہشت گردوں کے ساتھ فائرنگ کے تبادلے میں حوالدار شعیب شہید ہو گئے۔

آپریشن کے دوران دہشت گردوں کے ٹھکانے سے بھاری مقدار میں اسلحہ و گولہ بارود اور مواصلاتی آلات بھی برآمد کیے گئے۔

لائن آف کنٹرول پر بھارتی دراندازی، 22 سالہ سپاہی شہید، پاک فوج کا بھرپور جواب

یاد رہے کہ دو دن قبل بھی سیکورٹی فورسز نے آواران میں دہشت گردوں کے خلاف بھرپور کارروائی کرتے ہوئے 7 دہشت گردوں کو ہلاک کر دیا تھا، یہ کارروائی آواران کے علاقے کیل کور میں دہشت گردوں کی موجودگی کی اطلاع پر کی گئی تھی۔

اس سے ایک دن قبل بھی پاک فوج نے آوران میں خفیہ اطلاعات پر آپریشن کیا تھا، دہشت گردوں سے فائرنگ کے تبادلے کے دوران لانس نائیک محمد اقبال شدید زخمی ہوئے تھے جو اسپتال منتقلی کے دوران شہید ہوگئے۔

Comments

یہ بھی پڑھیں