عمران خان کی گرفتاری کے لیے پولیس کا زمان پارک میں آپریشن جاری ہے اور زخمیوں کی تعداد 65 سے زائد ہوگئی ہے۔
اے آر وائی نیوز کے مطابق پی ٹی آئی چیئرمین وسابق وزیراعظم عمران خان کی گرفتاری کے لیے پولیس کا زمان پارک میں آپریشن گزشتہ روز سے تاحال جاری ہے۔ پولیس اور کارکنوں کی آنکھ مچولی جاری رہنے کے باعث علاقہ میدان جنگ بنا ہوا ہے۔
آپریشن کے باعث لاہور کے اسپتالوں میں ایمرجنسی کا نفاذ برقرار اور جھڑپوں میں زخمیوں کی تعداد 65 سے تجاوز کرگئی ہے۔ سروسز اسپتال میں 65 زخمیوں کو لایا گیا ہے ان میں 55 پولیس اہلکاروں کے ساتھ 8 شہری بھی شامل ہیں جب کہ میئو اسپتال میں تصادم سے زخمی تین پولیس اہلکار زیرعلاج ہیں۔
ڈاکٹرز کے مطابق ڈنڈوں سے تشدد کے باعث پولیس اہلکاروں کو فریکچرز آئے ہیں۔ بیشتر اہلکاروں کے سر، ہاتھوں اور ٹانگوں پر زخم آئے ہیں۔ ایم ایس سروسز اسپتال کا کہنا ہے کہ معمولی زخمیوں کو ڈسچارج کیا جا رہا ہے۔
