اسلام آباد : ملک بھر میں بجلی چوروں کے خلاف کارروائیوں کے اعدادو شمار جاری کردیئے گئے، 5 تا 12 نومبر تک 360سے زائد گرفتاریاں ہوئیں جبکہ ، لاکھوں روپے کے جرمانے کئے گئے۔
تفصیلات کے مطابق پاکستان بھر میں بجلی چوروں کے لیے زمین تنگ کردی گئی ، حکومتی ایماء پر ماہ ستمبر سے ملک بھر میں بجلی چوروں کے خلاف سخت کریک ڈاوٴن کا آغاز کیا۔
اعداد و شمار میں بتایا کہ 5 تا 12 نومبر تک ملک بھر سے 360سے زائد گرفتاریاں ہوئیں ، لاہور میں 1289، ملتان میں 531، گوجرآنوالہ میں 146 اور فیصل آباد میں 93 ایف آئی آر درج ہوئی۔
آپریشن کے دوران پشاور میں 138 ایف آئی آر درج کی گئیں جبکہ حیدرآباد میں 24 ، سکھر میں 97، کوئٹہ میں 12 جبکہ اسلام آباد میں بجلی چوروں کے خلاف 18 ایف آئی آر درج کی گئیں۔
متعلقہ اداروں نے بجلی چوروں سے لاہور میں 0.59 ملین، گوجرآنوالہ میں 0.03 ملین، فیصل آباد میں 0.038 ملین اور ملتان میں 0.36 ملین روپے، اسلام آباد میں 0.04، پشاور میں 0.71،کوئٹہ میں 0.15، سکھر میں 0.48 اور حیدرآباد میں 0.65 ملین روپے جرمانہ وصول کیا گیا۔
بجلی چوروں کے خلاف آپریشن کے دوران لاہور سے 151، ملتان سے 90 اور پشاور سے 80 گرفتاریاں عمل میں لائی گئیں، سکھر اور فیصل آباد سے 32 بجلی چور گرفتار کیے گئے۔
نگران حکومت اور عسکری قیادت ملک بھر سے بجلی چوری کے مکمل خاتمے کے لیے پر عزم ہے۔
