The news is by your side.

Advertisement

جاپان کی ٹرین میں مسافروں کو ’ٹھونسنے‘ کا عجیب منظر

آپ نے پاکستان میں پر ہجوم بسیں اور ٹرینیں تو ضرور دیکھی ہوں گی جس میں لوگ چھت پر بیٹھے ہوتے ہیں اور دروازوں سے لٹکے ہوتے ہیں۔

یقیناً یہ منظر کسی حد تک مضحکہ خیز ہونے کے ساتھ ساتھ فکر انگیز بھی ہے جو اس بات کی طرف اشارہ کرتا ہے کہ کس طرح پاکستانی عوام اکیسویں صدی میں بھی جدید سفری سہولیات سے محروم ہے۔

لیکن مندرجہ ذیل ویڈیو دیکھ کر آپ کا غم یقیناً کم ہو جائے گا جس میں ایک ٹرین میں ٹھنسے مسافروں کو دبا کر ٹرین کے دروازے بند کیے جارہے ہیں۔

جاپان کے ایک فوٹوگرافر کی جانب سے پوسٹ کی گئی اس ویڈیو میں ٹوکیو کے ایک سب وے کا منظر دکھائی دے رہا ہے۔ جس وقت یہ ویڈیو ریکارڈ کی گئی وہ نہایت ہی مصروف وقت تھا اور عوام کی بڑی تعداد کام پر جانے کے لیے محو سفر تھی۔

ویڈیو میں ایک زیر زمین ٹرین کا منظر دکھایا گیا ہے جو مسافروں سے کھچا کھچ بھری ہے۔ جب ٹرین کے چلنے کا وقت قریب آیا تو ٹرین کے دروازے بند کرنے کے لیے اسٹیشن سیکیورٹی اہلکار حرکت میں آئے اور انہوں نے مسافروں کو اندر دبانا شروع کردیا تاکہ کسی صورت ٹرین کا دورازہ بند کیا جاسکے۔

خاصی دیر تک جدوجہد کے بعد بالآخر یہ اہلکار اپنی کوشش میں کامیاب ہوئے جس کے بعد ٹرین کے تمام دروزے بند ہوئے اور ٹرین چل پڑی۔ اس دوران دھکم پیل کا شکار بننے والے مسافر یوں پتھرائے ہوئے کھڑے رہے جیسے یہ ان کے لیے معمول کا عمل ہے۔

تو پھر کیا کہتے ہیں؟ کیا آپ اب بھی اپنی پبلک ٹرانسپورٹ کو برا بھلا کہیں گے؟


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں