کراچی : کراچی کے تاجر رہنما عتیق میر نے یوٹرن لیتے ہوئے کہا مریم نواز اور مرادعلی شاہ سے متعلق بیان مذاق تھا۔

تفصیلات کے مطابق کراچی کے تاجر رہنما عتیق میر نے مریم ہمیں دے دیں کے بیان پر وضاحت دیتے ہوئے کہا کہ مریم نواز اور مرادعلی شاہ سے متعلق بیان مذاق تھا۔

تاجر رہنما کا کہنا تھا کہ مریم نواز نے پنجاب میں کون سے ایسے جھنڈے گاڑ دیے جو ہم انہیں مانگیں گے۔

دوسری جانب سندھ حکومت کی ترجمان سعدیہ جاوید نے ردعمل دیتے ہوئے کہا عتیق میر نے یوٹرن لے لیا، پاکستان میں لوگوں کو یوٹرن لینے کی عادت پڑگئی ہے اور مخصوص تاجر ٹولہ سندھ کے مینڈیٹ کی توہین کررہا ہے۔

سعدیہ جاوید کا کہنا تھا کہ پنجاب میں صحت کے شعبے کا حال سب کے سامنے ہے، مریم نواز چاہیں تو سندھ آکر سیکھ سکتی ہیں۔

خیال رہے وفاقی وزیراحسن اقبال کراچی آئے توتاجروں کےساتھ بیٹھک لگائی، جس میں تاجروں نے اپنے اپنے مسائل بتائے۔۔ شہر قائد کے دُکھڑے سنائے۔

تاجر رہنما عتیق میر نے احسن اقبال سے مکالمے میں کہا کہ مریم نواز سندھ کو دے دیں۔۔ مراد علی شاہ آپ لے لیں، جس کے بعد ایک نیا محاذ کھل گیا۔

بزرگ شہری ہمارے معاشرے کا اہم حصہ ہیں ان کی فلاح اور بہبود کے لیے پہلی بار سرکاری سطح پر سینئر سٹیزن کلب قائم کیا جا رہا ہے۔

صوبہ خیبر پختونخوا کی حکومت عوام کے لیے کئی فلاحی اقدامات کر رہی ہے۔ اب وہاں بزرگ شہریوں کے لیے سینئر سٹیزن کلب قائم کیا جا رہا ہے۔

وزیر اعلیٰ خیبر پختونخوا علی امین گنڈاپور نے اس حوالے سے کہا ہے کہ پاکستان میں پہلا سرکاری سطح پر سینئر سٹیزن کلب قائم کے پی میں قائم کیا جا رہا ہے۔ اس منصوبے کی فزیبلٹی رپورٹ اور پی سی ون تیاری کے آخری مراحل میں ہے۔

علی امین گنڈاپور نے بتایا کہ ابتدائی طور پر اس کا آغاز پشاور سے کیا جائیگا۔ سینئر سٹیزن کلب میں 58 سال سے زائد عمر کے تمام افراد کو خدمات دی جائیں گی اور طبی امداد مفت فراہم کی جائے گی۔

ان کا کہنا تھا کہ کلب میں رہائشی کمرے میں بھی ہوں گے جہاں ممبران عارضی رہائش کر سکیں گے جب کہ یہاں کھانے پینے، انڈور گیمز، جم، سیلون اور دیگر سہولتیں بھی ہوں گی۔

وزیر اعلیٰ کے پی نے کہا کہ پشاور میں سینئر سٹیزن کلب کی کامیابی کے بعد اس کا دائرہ کار مزید اضلاع تک پھیلایا جائے گا۔

واضح رہے کہ 2014 میں اس وقت کی خیبر پختوںخوا حکومت نے سینئر سٹیزن ایکٹ منظور کیا تھا اور اس ایکٹ کے تحت بزرگ شہریوں کو کئی سہولتیں فراہم کی گئی تھیں۔

اسلام آباد : چیئرمین پبلک اکاؤنٹس کمیٹی جنید اکبر خان کا علی امین گنڈا پور کے وزیراعلیٰ رہنے یا نہ رہنے کے حوالے سے اہم بیان آگیا۔

تفصیلات کے مطابق چیئرمین پبلک اکاؤنٹس کمیٹی جنید اکبر خان نے اے آر وائی نیوز کے پروگرام ‘سوال یہ ہے’ میں گفتگو کرتے ہوئے کہا کہ علی امین گنڈاپور نے کٹھن وقت میں پارٹی کی قیادت کی، جب کوئی پارٹی قیادت سنبھالنے کو تیار نہیں تھاعلی امین نےقیادت سنبھالی۔

چیئرمین پبلک اکاؤنٹس کمیٹی کا کہنا تھا کہ بانی پی ٹی آئی مطمئن ہوں گے توعلی امین گنڈاپوروزیراعلیٰ رہیں گے، بانی پی ٹی آئی مطمئن نہیں ہوں گے تو علی امین وزیراعلیٰ نہیں رہیں گے۔

انھوں نے کہا کہ آٹھ فروری کے بعد دیکھیں گے پارٹی سیٹ اپ تبدیل کرنا ہےیا نہیں۔

رہنما پی ٹی آئی کا کہنا تھا کہ کوشش ہوگی ہر ضلع کا دورہ کروں، علی امین گنڈپور کو وقت نہیں ملا، علی امین گنڈا پور ذمہ داریوں کے باعث ہر ضلع کا دورہ نہیں کرسکے۔