رانا ثناللہ کے بیان پر پی ٹی آئی کا ردعمل آگیا، ترجمان تحریک انصاف نے کہا کہ رانا ثنااللہ کا بیان سراسرجھوٹ اور الزام تراشی پرمبنی ہے۔

پاکستان تحریک انصاف کے ترجمان نے کہا کہ کھیلوں کے شعبے سے متعلق حقائق کو مسخ کرنا حکومتی بےبسی کا اشارہ ہے، یہ اپنے جرم سے قوم کی توجہ ہٹانے کیلئے نئے بیانیے تشکیل دینے کی مہم میں مصروف ہیں۔

انھوں نے کہا کہ فی الوقت بانی پی ٹی آئی ہی ہیں جو نوجوان طبقے میں مقبول ترین لیڈر ہیں، پی ٹی آئی حکومت میں نوجوانوں اور کھیل کے شعبے کیلئے تاریخی اقدامات کیے گئے۔

ترجمان پی ٹی آئی کا کہنا تھا کہ نوجوان ہنرمند پروگرام اور بلاسود قرض کی فراہمی جیسے منصوبوں کا آغاز کیا گیا، ایسے علاقوں میں اسپورٹس کمپلیکس شروع کیے جہاں سہولیات نہ ہونے کے برابر تھیں۔

خیال رہے کہ وزیر اعظم کے مشیر برائے سیاسی امور رانا ثنا اللہ کا کہنا ہے کہ نوجوان اس ملک کا قیمتی اثاثہ ہیں جنھیں فسادیوں اور انتشاریوں کے ہاتھوں یرغمال نہیں ہونے دیں گے۔

کھیلوں کی تقریب سے خطاب کرتے ہوئے رانا ثنا اللہ کا کہنا تھا کہ ہمارے نوجوان باصلاحیت اور محنتی ہیں، نوجوانوں کیلیے متعدد پروگرام جاری ہیں۔

رانا ثنا اللہ نے کہا کہ پی ٹی آئی حکومت نے نوجوانوں کیلیے کوئی منصوبہ شروع نہیں کیا، پی ٹی آئی نے نوجوانوں کو نفرت اور شرپسندی کی طرف راغب کیا، نوجوان ملک دشمنی عناصر کی سرگرمیوں سے بخوبی آگاہ ہو چکے ہیں۔

نوجوانوں کو فسادیوں اور انتشاریوں کے ہاتھوں یرغمال نہیں ہونے دیں گے، رانا ثنا اللہ

فیصل آباد: باوا چک میں موبائل فون شاپ کے مالک کی فائرنگ سے دکان میں آنے والا گاہک جاں بحق ہوگیا جبکہ ایک شخص زخمی بھی ہوا۔

تفصیلات کے مطابق پولیس نے بتایا کہ موبائل فون شاپ میں گاہک آیا تھا جس سے تلخ کلامی کے بعد ملزم بابر نے فائرنگ کی، موبائل فون شاپ کے مالک کی فائرنگ سے نوجوان گاہک کی موت واقع ہوئی جبکہ جوس فروش شہباز بھی زخمی ہوا۔

پولیس نے بتایا کہ تھانہ ملت ٹاؤن پولیس نے دکاندار بابر سمیت 2 افراد کو حراست میں لےلیا ہے، جاں بحق نوجوان کی شناخت 20 سالہ وکیل خان کے نام سے ہوئی۔

کراچی: موبائل کی دکان پر ڈکیتی، ملزم ماڈل نمبر پسند کرکے موبائل فون اٹھاتا رہا

اس سے قبل پنجاب کے شہر ڈسکہ میں چوری کا انوکھا واقعہ بھی پیش آچکا ہے جہاں ایک چور خلا باز جیسے لباس میں دکان میں داخل ہوا اور 16 لاکھ روپے مالیت کے موبائل فون سمیت قیمتی اشیا لے اڑا۔

سی سی ٹی وی کیمروں سے جب چور کی شناخت کرنے کی کوشش کی گئی تو وہ اس میں خود کو سفید شاپنگ بیگز سے ڈھانک کر خلا باز جیسے لباس کے روپ میں نظر آیا تھا۔

یہ انوکھا چور چھت کے راستے دکان میں داخل ہوا اور صفایا کر کے فرار ہو گیا تھا، دکان مالک نے متعلقہ تھانے میں چوری کی اس واردات کی رپورٹ درج کرائی تھی جس کے بعد پولیس نے چور کی تلاش شروع کی تھی۔