ساہیوال : پسند کی شادی کرنیوالی لڑکی کو شوہر کے دوستوں نے اجتماعی زیادتی کا نشانہ بنا ڈالا اور فرار ہوگئے۔

تفصیلات کے مطابق ساہیوال میں چک 6 چودہ ایل میں پسند کی شادی کرنیوالی لڑکی سے شوہر کے دوستوں کی اجتماعی زیادتی کا واقعہ سامنے آیا۔

پولیس نے شوہراقبال کی مدعیت میں مقدمہ درج کرکے 2ملزمان کوگرفتارکرلیا۔

ایف آئی آر میں کہا گیا کہ اقبال نے 7 دسمبر کو سے والدین کی مرضی کے بغیر لو میرج کی تھی، لو میرج کے بعد شوہر اقبال بیوی کو رشتہ دار ندیم کے گھر لے آیا تھا۔

مدعی مقدمے کا کہنا تھا کہ اقبال اگلے روز بیوی کو لے جانے کیلئے آیا تو دوستوں نے اسے کمرے میں بند کردیا اور ملزمان لڑکی سےاجتماعی زیادتی کے بعد موقع سے فرارہوگئے۔

مزید پڑھیں : ڈاکوؤں کی ناکہ لگا کر لوٹ مار اور خاتون سے مبینہ اجتماعی زیادتی

یاد رہے چند روز قبل شیخوپورہ ضلع شرقپورشریف میں ایک افسوسناک واقعہ پیش آیا تھا جہاں ڈاکوؤں نے ناکہ لگا کر لوٹ مار کرنے کے بعد خاتون کو مبینہ اجتماعی زیادتی کا نشانہ بنایا تھا۔

15کے قریب ڈاکوؤں نے شیخوپورہ روڈ پر واردات میں 20 شہریوں کو نقدی، موبائل فونز سے محروم کردیا تھا، متاثرہ افراد نے بتایا تھا کہ ہمارے ساتھ لٹنے والی خاتون سے 3 ڈاکوؤں نے زیادتی کی، زیادتی کا شکار خاتون روتی ہوئی گھر چلی گئی۔

راولپنڈی: شہر کے 70 فیصد علاقوں میں گیس کی فراہمی معطل ہوگئی، گیس کی قلت سے خواتین کو کھانا بنانے میں مشکلات کا سامنا ہے۔

تفصیلات کے مطابق راولپنڈی میں سردیاں آتے ہی گیس کا بحران شدت اختیار کرگیا اور شہرکے ستر فیصد علاقوں میں گیس کی فراہمی معطل ہوگئی۔

راولپنڈی کے علاقے چکلالہ، گلستان کالونی،محلہ عیدگاہ ،بنی محلہ ڈھوک حسو،ڈھوک کشمیریاں، صادق آباد میں گیس غائب ہوگئی جبکہ خرم کالونی،راولپنڈی کینٹ، خیابان سرسید اور ڈھوک کالاخان میں بھی گیس نہیں آرہی۔

مزید پڑھیں : گیس پریشر کی کمی کا حل نکال لیا گیا

گیس کی عدم دستیابی کے باعث گھروں میں خواتین کھانا پکانے سے محروم اور بچوں کو بغیر ناشتہ بچوں کواسکول بھیجنے پر مجبور ہوگئیں۔

شہر کے متعددعلاقوں میں گیس سپلائی معطل ہونےسےتندوربھی بندہوگئے

خیال رہے ملک میں گیس بحران کے باعث سب سے زیادہ گھریلو صارفین متاثر ہوتے ہیں، گیس دباؤ میں کمی کے باعث کھانا پکانے میں خواتین کو مشکلات کا سامنا رہتا ہے، اس صورت حال سے بچنے کے لیے بہت سے صارفین پائپ لائن سے گیس کا زیادہ پریشر حاصل کرنے کے لیے کمپریسر لگا لیتے ہیں۔

تاہم گیس پریشر کی کمی کا حل نکال لیا گیا، اس حوالے سے جی ایم سوئی نادرن اسلام آباد عدنان احمد نے کہا کم گیس کے پریشر کے مسئلے سے نمٹنے کیلئے اسلام آباد کو راولپنڈی سے منقطع کردیا گیا ہے۔

ان کا کہنا تھا کہ اسلام آباد کیلئے اڑھائی ارب کا گریڈ اسلام آباد پیکج دیاگیاہے، اب صارفین کو صبح پانچ سے رات گیارہ تک گیس دستیاب رہے گی ۔

بجلی تقسیم کارکمپنیوں کے زیرانتظام علاقوں میں ہلاکتوں کی تفصیلات جاری کی گئی ہیں، کےالیکٹرک کے سروس ایریا میں سب سے زیادہ ہلاکتیں ہوئیں۔

تفصیلات کے مطابق نیپرا نے 2023-24 میں شہریوں اور بجلی کمپنیوں کے ملازمین کی ہلاکتوں کا ڈیٹا جاری کیا ہے، نیپرا رپورٹ میں بتایا گیا ہے کہ کےالیکٹرک کے سروس ایریا میں سب سے زیادہ ہلاکتیں ہوئیں، مالی سال 2023-24 میں بجلی کمپنیوں کے زیرانتظام علاقوں میں 140 مہلک حادثات ہوئے۔

نیپرا رپورٹ میں بتایا گیا کہ کےالیکٹرک کے سروس ایریا میں سب سے زیادہ 34 ہلاکتیں ہوئیں، کےالیکٹرک کے انتظامی علاقوں میں 32 شہری اور 2 ملازمین کی ہلاکتیں ہوئیں۔

گزشتہ مالی سال میں آئیسکو کے زیر انتظام علاقوں میں 26 ہلاکتیں ہوئیں، پیسکو 20، لیسکو 18 اور گیپگو کے زیر انتظام علاقوں میں 9 مہلک حادثات ہوئے۔

رپورٹ کے مطابق حیسکو9، کیسکو 9 اور فیسکو کے زیر انتظام علاقوں میں 7 مہلک حادثات ہوئے، اس کے علاوہ سیپکو 5 اور میپکو کے زیر انتظام علاقوں میں 3 ہلاکتیں ہوئیں۔

نیپرا رپوٹ میں بتایا گیا کہ بجلی کمپنیاں سیفٹی کے معیارات پر پورا اترنے میں بری طرح ناکام رہی ہیں، اس قسم کے واقعات روکنے کے لیے سیفٹی معیارات پر سختی سے عمل کیا جائے۔

سابق لیفٹیننٹ جنرل (ر) فیض حمید کے کورٹ ماشل پر سابق کپتان شاہد آفریدی کا بھی بیان آگیا۔

اے آر وائی نیوز کے مطابق  سماجی رابطے کی ویب سائٹ ٹوئٹر پر سابق کپتان شاہد آفریدی نے لکھا کہ فیض حمید کیخلاف فیلڈ جنرل کورٹ مارشل کی باقاعدہ کارروائی کا آغاز ہوگیا ہے جس سے موجودہ قیادت کے خود احتسابی کے بیانیے کو تقویت ملے گی۔

انہوں نے کہا کہ کارروائی سے تاثر زائل ہوگا کہ طاقت ور احتساب سے بالاتر ہے۔

واضح رہے کہ جنرل (ر)  فیض حمید کے خلاف 12 اگست 2024 کو فیلڈ جنرل کورٹ مارشل شروع ہوا، اگلے مرحلے میں سابق آئی ایس آئی چیف کو باضابطہ طور پرچارج شیٹ کردیا گیا۔

الزامات میں سیاسی سرگرمیوں میں ملوث ہونا، آفیشل سیکریٹ ایکٹ کی خلاف ورزیاں کرکے ریاست کے تحفظ اور مفاد کو نقصان پہنچانا، اختیارات اور سرکاری وسائل کا غلط استعمال اور افراد کو ناجائز نقصان پہنچنانا شامل ہیں۔

فیض حمید کے خلاف انتشار اور بدامنی کے پرتشدد واقعات میں ملوث ہونے کی علیحدہ تفتیش بھی جاری ہے۔

ان واقعات میں نو مئی سے جڑے واقعات بھی شامل تفتیش ہیں، پرتشدد واقعات میں مذموم سیاسی عناصر کی ایما اور ملی بھگت بھی شامل تفتیش ہے۔ آئی ایس پی آر کا کہنا ہے فکہ یلڈ جنرل کورٹ مارشل کے دوران لیفٹیننٹ جنرل فیض حمید کو قانون کے مطابق تمام حقوق فراہم کیے جارہے ہیں۔

سینیٹر فیصل واوڈا نے کہا ہے کہ بانی پی ٹی آئی کا ٹرائل ملٹری کورٹ میں ہوگا تو میرے لیے سرپرائز نہیں، فیض حمید کے کرائم کے ثبوت جمع کرلیےگئے۔

اے آر وائی کے پروگرام الیونتھ آور میں گفتگو کرتے ہوئے فیصل واوڈا نے کہا کہ آرمی چیف نے ایک بنیاد رکھی ہے کہ کوئی قانون سے بالاتر نہیں، سپہ سالار نے اپنے ادارے کے تگڑے انسان کو بھی ٹرائل میں کھڑا کیا، فیض حمید نے جو کرائم کیے تھے اس کے ثبوت ایک جگہ کرلیے گئے ہیں۔

فیصل واوڈا نے کہا کہ بانی پی ٹی آئی کیخلاف فیض حمید شواہد اور گواہیاں دے چکے ہیں، ایسا نہیں ہوسکتا کہ فوج اپنے فوجی کا ٹرائل کرے اور دوسرے کا نہ کرے۔

انھوں نے بتایا کہ ارشد شریف کا کیس بھی ابھی باقی ہے، آگے ابھی بہت کچھ ہونا ہے ہوسکتا ہے سزائے موت نہ ہو عمرقید ہوجائے، پشاور میں سب سے پہلے پی ٹی آئی نے احتجاج کیا تھا اس وقت فیض حمید کورکمانڈر تھے۔

سینیٹر کا کہنا تھا کہ فیض حمید اس لیول تک کیسے پہنچے اس میں انھیں وزیراعظم ہاؤس کی پشت پناہی حاصل تھی، بانی پی ٹی آئی کیساتھ کیساتھ اوربھی کئی لوگ اس میں آئیں گے۔

فیصل واوڈا نے کہا کہ مراد سعید، حماد اظہر کیوں بھاگے ہوئے ہیں اور بھی کئی نام ہیں، بی بی بانی پی ٹی آئی کی جان کیوں لینا چاہتی ہیں کیونکہ مقبولیت ہے، ہمیں دعائیں کرنی ہیں کہ پھانسی کی سزا نہ ہوعمرقید کی سزا ہوجائے۔

انھوں نے کہا کہ بی بی بانی پی ٹی آئی کو بچاسکیں نہ فیض حمید کو بچاسکیں، حواریوں علی امین گنڈاپور جیسے لوگوں نے بھی پوری کوشش کرلی

فیصل واوڈا نے کہا کہ فیض حمیدکوبچانےکی کوشش تھی اسی لیے24نومبرکواحتجاج کی کال دی گئی، دہشت گردی کی بنیاد پر احتجاج کرنے ہیں تو 3 یا 13 میں نہیں رہیں گے۔

انھوں نے کہا کہ کفن پوش واقعی میں کفن باندھ لیں توبہتر رہےگا، پی ٹی آئی کی پریس ریلیزیں ہیں انھیں لے ڈوبی ہیں۔