ویلنگٹن: نیوزی لینڈ کی پولیس نے بتایا ہے کہ جمعے کے روز ایک چور پولیس اسٹیشن سے 11 جدید خود کار ہتھیار چوری کر کے لے گیا۔

غیر ملکی خبررساں ادارے کے مطابق کارروائی میں ایک ہی چور نے حصہ لیا اور اُس نے وہ بندوقیں چرائی جو لوگوں نے کرائسٹ چرچ حملے کے بعد پولیس کو جمع کرائی تھیں۔ پولیس حکام کے مطابق مشتبہ شخص کی تلاش جاری ہے، ملزم کو سی سی ٹی وی فوٹیج میں تھانے سے فرار ہوتا بھی دیکھاگیا۔

رپورٹ کے مطابق چوری کا واقعہ نیوزی لینڈ کے شمالی آئس لینڈ میں پیش آیا، پولیس نے کارروائی کر کے وہ گاڑی برآمد کرلی جس میں مشتبہ شخص اسلحہ لے کر فرار ہوا تھا۔ ڈسٹرکٹ کمانڈر انسپیکٹر سارا سٹورٹ کا کہنا تھا کہ ’ جمعرات کے روز ہونے والے واقعے میں 1 تھانے کے اسٹور روم سے جدید ہتھیار چوری ہوئے، مذکورہ اسلحے کے حوالے سے معلومات جمع کی جارہی ہیں‘۔

مزید پڑھیں: سانحہ کرائسٹ چرچ، نیوزی لینڈ میں‌ جدید اسلحہ رکھنے پر پابندی کا بل منظور

یاد رہے کہ کرائسٹ چرچ میں گزشتہ ماہ دو مساجد پر مسلح شخص نے اندھا دھند فائرنگ کی تھی جس میں 50 سے زائد نمازی شہید ہوگئے تھے، بعد ازاں نیوزی لینڈ کی حکومت نے ہتھیار رکھنے کے قانون میں ترمیم کرتے ہوئے سخت قوانین متعارف کرائے تھے جس کے تحت لوگ اپنے خودکار اور نیم خودکار ہتھیار پولیس کے پاس جمع کراہے ہیں۔

حکومت کی جانب سے عوام کو ازخود ہتھیار جمع کرانے کے لیے 30 ستمبر تک کی مہلت دی گئی ہے، بعد ازاں جس شخص کے پاس سے اسلحہ برآمد ہوگا اسے سزا کے طور پر جیل بھیجا جائے گا۔

ابوظبی: سابق امریکی سفیر جان کیری نے کہا ہے کہ عراق پر حملہ امریکا کی سب سے بڑی غلطی تھی۔

غیرملکی خبررساں ادارے کے مطابق ابوظبی میں عالمی کتب میلے سے خطاب کرتے ہوئےسابق امریکی سفیر جان کیری نے کہا کہ غیرریاستی عناصر کی جانب سے تشدد کی روک تھام دنیا کے لیے ایک چیلنج بن گیا ہے۔

[bs-quote quote=”جنگ کی منظوری میں میری رضامندی بھی شامل تھی جس پر بے حد افسوس ہے” style=”style-8″ align=”left” author_name=”جان کیری”][/bs-quote]

انہوں نے کہا کہ موجودہ صدی میں ریاستی عناصر کی جانب سے تشدد میں کمی واقع ہوئی ہے جبکہ غیرریاستی عناصر میں تشدد کی نئی لہر دیکھی گئی جس کو کم کرنا ہوگا۔

جان کیری نے کہا کہ امریکا کا عراق کے خلاف جنگ کا آغاز کرنا بہت غلط اقدام تھا، بش کے دور حکومت میں پارلیمنٹ میں جنگ کی منظوری میں میری رضامندی بھی شامل تھی جس پر بے حد افسوس ہے۔

انہوں نے کہا کہ میں جب اس کے متعلق سوچتا ہوں تو کہ کاش میں ماضی میں جاکر اپنی رائے کو تبدیل کرسکتا۔

سابق امریکی سفیر نے کہا کہ میری 28 سالہ سیاست میں سب سے بڑی غلطی عراق پر حملے کے لیے رضامندی ظاہر کرنا تھا جس پر مجھے ہمیشہ افسوس رہے گا۔