ساؤتھ فلم انڈسٹری کے سپر اسٹار اللو ارجن کے مداحوں نے یوٹیوب چینل ریڈ ٹی وی کے دفتر پر دھاوا بول دیا۔

بھارتی میڈیا رپورٹس کے مطابق پشپا کے اداکار اللو ارجن کے مداحوں نے مبینہ طور پر اداکار اور ان کی اہلیہ کی قابل اعتراض ویڈیوز شیئر کرنے پر یوٹیوب چینل ریڈ ٹی وی کے دفتر پر دھاوا بولا۔

مداحوں کے گروپ نے خود کو آل انڈیا اللو ارجن فینز اینڈ ویلفیئر ایسوسی ایشن کی نمائندگی کرنے کا دعویٰ کیا۔

پرستاروں نے کہا کہ ہم گزشتہ چند ماہ سے دیکھ رہے ہیں اللو ارجن اور ان کی اہلیہ سنیہا ریڈی اور بچوں کے خلاف مہم چلائی جارہی ہے۔

اداکار کے مداحوں نے دعویٰ کیا کہ اللو ارجن کو نقصان پہنچانے والے تھمب نیلز بھی پوسٹ کیے گئے ہیں۔

وائرل ویڈیوز میں دیکھا جاسکتا ہے کہ اللو ارجن کے پرستار دفتر میں داخل ہوکر اداکار کے خلاف مواد شائع کرنے کا جواب طلب کررہے ہیں۔

’واضح رہے کہ اللو ارجن کی فلم پشپا 2: دی رول‘ کی ریلیز کے منتطر ہیں جس کی ہدایتکاری سوکمار نے کی ہے، جس میں راشمیکا مندانا، فہد فاضل دیگر بھی شامل ہیں۔

یہ فلم میتری مووی میکرز اور سوکمار رائٹنگز کے بینر تلے بنائی گئی ہے جبکہ اس کی موسیقی ٹی سیریز نے تیار کی ہے۔ فلم 5 دسمبر 2024 کو ریلیز ہوگی، جس کا شائقین بے حد انتظار کر رہے ہیں۔

شوبز انڈسٹری کی معروف اداکارہ ہانیہ عامر کی بھارتی ڈی جے کی پارٹی میں شرکت کی ویڈیو سوشل میڈیا پر وائرل ہوگئی۔

فوٹو اور ویڈیو شیئرنگ ایپ انسٹاگرام پر اداکارہ ہانیہ عامر کی ویڈیو وائرل ہورہی ہے جس میں وہ بھارتی پنجاب کے ڈی جے کی تقریب میں ہلا گلا کرتی دکھائی دے رہی ہیں۔

اداکارہ کی تقریب میں اچانک پہنچنے پر بھارتی ڈی جے بھی حیران رہ گئے اور اداکارہ کی آمد پر خوشی کا اظہار کیا۔

 

View this post on Instagram

 

A post shared by Galaxy Lollywood (@galaxylollywood)

ہانیہ عامر کی ویڈیو سوشل میڈیا کے مختلف پلیٹ فارمز پر وائرل ہورہی ہے اور مداحوں کی جانب سے اس پر ملے جلے ردعمل کا اظہار کیا جارہا ہے۔

واضح رہے کہ ہانیہ عامر نے اے آر وائی ڈیجیٹل کے بلاک بسٹر ڈرامہ سیریل ’کبھی میں کبھی تم‘ میں ’شرجینا‘ کا مرکزی کردار نبھایا تھا جس میں ان کے ہمراہ فہد مصطفیٰ شامل تھے۔

ڈرامے میں نعیمہ بٹ، عماد عرفانی، اریج چوہدری، جاوید شیخ، بشریٰ انصاری ودیگر نے اداکاری کے جوہر دکھائے تھے۔

اس سے قبل ٹورنٹو میں مداحوں کی تقریب میں شادی سے متعلق سوال کا جواب دیتے ہوئے اداکارہ کا کہنا تھا کہ میرا فی الحال شادی کرنے کا کوئی ارادہ نہیں ہے۔

ہانیہ عامر کا کہنا تھا کہ میں ایک سادہ سی لڑکی ہوں اور جب بھی میری شادی ہوگی تو میں سب کو بتا کر کروں گی کسی سے کچھ نہیں چھپاؤں گی۔

ان کا کہنا تھا کہ جب آپ کسی کو اپنے دل کی گہرائی سے پیار کرتے ہیں تو کوئی بھی پابندی آپ کو روک نہیں سکتی، اداکارہ نے ایک اور سوال پر کہا کہ سرحدیں لوگوں کو الگ نہیں کر سکتیں۔

بھارتی ٹی وی انڈسٹری کے اداکار شعیب ابراہیم نے انکشاف کیا ہے کہ انہوں نے بگ باس کی آفر ٹھکرا دی تھی۔

بھارتی میڈیا رپورٹس کے مطابق ٹی وی انڈسٹری کے اداکار شعیب ابراہیم نے کہا کہ بگ باس رئیلٹی شو کے بجائے مواد پر مبنی ہوگیا ہے۔

فوٹو اور ویڈیو شیئرنگ ایپ انسٹاگرام پر سوال و جواب کے سیشن کے دوران جب مداح نے ان سے پوچھا کہ انہوں نے بگ باس میں کام کرنے سے کیوں انکار کیا؟

جواب میں اداکار نے کہا کہ ہوسکتا ہے کہ میں غلط ہوں لیکن مجھے ایسا لگتا ہے کہ بگ باس اب پرسنالٹی کا شو نہیں رہا بلکہ کانٹینٹ کا شو بن گیا ہے۔

شعیب ابراہیم نے بتایا کہ ان سے رواں برس بگ باس 18 ایڈیشن میں شمولیت کے لیے رابطہ کیا گیا تھا لیکن انہوں نے انکار کردیا۔

اداکار نے کہا کہ اس بار تو میں خود کو راضی نہیں کرسکا لیکن اگر آگے کرلیا تو دیکھیں گے، اس وقت تو شو میں ایسا لگتا ہے یا تو کسی کو بہت زیادہ سپورٹ کررہے ہوتے ہیں یا پھر بہت زیادہ تذلیل کی جاتی ہے۔

واضح رہے کہ شعیب ابراہیم نے 2018 میں بگ باس 12 کی امیدوار دپیکا ککڑ سے شادی کی تھی اور ان کا ایک بیٹا ہے۔

یاد رہے کہ بگ باس 18 کی میزبانی کے فرائض سپر اسٹار سلمان خان انجام دے رہے ہیں جبکہ رئیلٹی شو میں شلپا شروڈکر، عرفین خان، چاہت پانڈے ودیگر امیدوار شریک ہیں۔