پیر, جون 23, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 24307

وفاقی کابینہ کا اجلاس: پیمرا کے ایگزیکٹو ممبر کی تعیناتی کی منظوری

کی طرف
ویب ڈیسک
-
0
meeting

اسلام آباد: وزیر اعظم شاہد خاقان عباسی کی زیر صدارت وفاقی کابینہ کا اجلاس ہوا جس میں پیمرا کے ایگزیکٹو ممبر کی تعیناتی کی منظوری اور اسلام آباد ایئرپورٹ کا نام قائد اعظم ایئرپورٹ رکھنے کی سفارش کی گئی۔

تفصیلات کے مطابق وزیر اعظم کی زیر صدارت اجلاس میں رہنماؤں نے کراچی پورٹ ٹرسٹ کے جنرل منیجر کی تعیناتی کی منظوری دی اور ملک کے  مختلف امور پر تبادلہ خیال کیا گیا۔

وفاقی کابینہ نے بجٹ تجاویز کی منظوری دے دی

اجلاس میں کابینہ نے سوئی سدرن کے بورڈ آف ڈائریکٹرز کے ناموں کی منظوری دی جس کے لیے کمیٹی کا قیام وزیر نجکاری دانیال عزیر کی سربراہی میں ہوگا جبکہ کابینہ نے چیئرمین ایئر کے عہدے کا اضافی چارج دینے کی بھی منظوری دے دی۔

اجلاس میں پاکستان اوریجن کارڈ کے لیے قواعد وضوابط تیار کرنے کی منظوری دیتے ہوئے کابینہ نے ای سی ی کے فیصلوں کی توثیق کردی، اور ایکسپورٹ پروسیسنگ زون اتھارٹی کے بورڈ آف ڈائریکٹرز کی تشکیل نو بھی زیر غور رہی۔

وفاقی کابینہ نےحج پالیسی 2017کی منظوری دے دی

کابینہ اجلاس میں اسٹیل ملز کی اراضی لیز پردینے کے لیے کمیٹی تشکیل دینے کا فیصلہ کیا گیا اور یوٹیلٹی اسٹورز کارپوریشن کے بورڈ آف ڈائریکٹرز کی تشکیل نو کی سمری منظور ہوئی۔

واضح رہے گذشتہ ماہ وزیراعظم شاہد خاقان عباسی کی زیر صدارت وفاقی کابینہ کا اجلاس ہواجس میں وفاقی کابینہ کی جانب سے ملکی سلامتی اور معاشی صورت حال کا جائزہ سمیت دس نکاتی ایجنڈے پر غور کیا گیا، جبکہ سندھ میں نئے آئی جی کی تعیناتی کے معاملہ پر بھی کابینہ نے سوچ بچار کی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

دس ہزار سے زائد پاکستانی غیر ملکی جیلوں‌ میں‌ قید ہونے کا انکشاف

کی طرف
ویب ڈیسک
-
0

اسلام آباد: وفاقی وزیر خارجہ خواجہ آصف نے مختلف ممالک میں گرفتار پاکستانیوں کی کی تفصیلات سینیٹ میں پیش کردیں جس کے مطابق دیگر ملکوں میں گرفتار یا نظر بند پاکستانیوں کی تعداد 10 ہزار 715 کے قریب ہے۔

تفصیلات کے مطابق سینیٹ اجلاس میں وزیرخارجہ خواجہ آصف نے بیرونِ ملک نظر بند کیے گئے پاکستانیوں کی تفصیل کا تحریری جواب ایوان میں جمع کرادیا جس کے مطابق 10 ہزار 715 پاکستانی باہر ممالک کی جیلوں میں موجود ہیں۔

وزیرخارجہ کی جانب سے جمع کرائے گئے جواب کے مطابق پاکستانیوں کی سب سے زیادہ تعداد 3 ہزار 87 سعودی عرب کی جیلوں میں موجود ہے جبکہ یو اے ای میں 2 ہزار 710 پاکستانی شہری نظر بند ہیں۔

خواجہ آصف کی جانب سے جمع کرائے گئے جواب کے مطابق بنگلا دیش میں 40، ملائشیا میں 226 پاکستانی نظر بند ہیں علاوہ ازیں یورپ، برطانیہ اور امریکا میں بھی پاکستانی شہری جیلوں میں موجود ہیں۔

واضح رہے کہ اچھی آمدن حاصل کرنے کے لیے پاکستانیوں کی بڑی تعداد مختلف ممالک کا رخ کرتی ہے، گزشتہ برس عدالت بنکاک میں حراست میں لیے گئے شہری کی والدہ نے درخواست دائر کی تھی کہ حکومتی سطح پر بیٹے کو ئی مدد فراہم نہیں کی جارہی۔

انہوں نے مؤقف اختیار کیا تھا کہ تفتیشی افسران کو اردو زبان نہیں آتی جبکہ بیٹا انگریزی نہیں سمجھ سکتا اس لیے عدالت نے اُس کا مؤقف سننے بغیر سزا سنادی۔

عدالت نے درخواست کو سماعت کے لیے منظور کرتے ہوئے حکومت کو ہدایت کی تھی کہ بیرونِ ممالک جیلوں میں موجود پاکستانیوں کی وطن واپسی یا انہیں قانونی مدد فراہم کرنے کے لیے کوئی فریم ورک تیار کیا جائے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

کراچی: جناح اسپتال کی بہترین کارکردگی، چیف جسٹس کا انعامی چیک

کی طرف
انور خان
-
0

اسلام آباد: چیف جسٹس آف پاکستان جسٹس ثاقب نثار نے جناح اسپتال کراچی کی بہتر کارکردگی کا اعتراف کرتے ہوئے ڈاکٹر سیمی جمالی کو ایک لاکھ روپے کا انعامی چیک بھیج دیا۔

تفصیلات کے مطابق سپریم کورٹ رجسٹری میں کیس کی سماعت کے بعد چیف جسٹس آف پاکستان نے اچانک دورہ کرنے کا اعلان کیا اور وہ کچھ ہی دیر  بعد جناح اسپتال پہنچے۔

جسٹس ثاقب نثار نے جناح اسپتال پہنچنے کے بعد ایمرجنسی، انتہائی نگہداشت وارڈ، نیوروسرجری اور ریڈیا لوجی سمیت دیگر شعبوں کا دورہ کرتے ہوئے اسٹاف کی خدمات کو قابل تعریف قرار دیا تھا۔

 چیف جسٹس نے ڈاکٹر سیمی جمالی کو جناح اسپتال میں بہترین انتظام چلانے پر سراہا اور صورتحال پر اطمینان کا اظہار کرتے ہوئے ایک لاکھ روپے دینے کا اعلان کیا تھا۔

جسٹس ثاقب نثار نے اپنے وعدے کے مطابق بہترین کارکردگی دکھانے پر اپنے ذاتی اکاؤنٹ سے ایک لاکھ روپے کا انعامی چیک ڈاکٹر سیمی جمالی کو بھیجا۔

واضح رہے کہ دورے کے دوران جسٹس ثاقب نثار نے جناح اسپتال میں داخل ملزمان کے وارڈز بھی گئے تھے، انہوں نے شاہ زیب قتل کیس کے مرکزی ملزم اور سابق صوبائی وزیر سمیت دیگر ملزمان کو فوری طور پر جیل منتقل کرنے کے احکامات بھی جاری کیے تھے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

عدلیہ حکمرانوں کے بنائے ہوئے قوانین کے بجائے عدل و انصاف پر فیصلے کرے، سراج الحق

کی طرف
ویب ڈیسک
-
0
ameer jamat e islami

لاہور : امیر جماعت اسلامی سراج الحق نے کہا ہے کہ حکمرانوں نے اپنی مفادات کے تحفظ کے لیے قانون سازی کی ہے اس لیے ایسے قوانین سے قطع نظر کرتے ہوئےعدلیہ عدل و انصاف کے تحت فیصلے کرے.

وہ منصورہ میں جماعت اسلامی کے سابق سیکرٹری اطلاعات صفدر علی چوہدری مر حوم کی یاد میں تعزیتی ریفرنس سے خطاب کر رہے تھے، امیر جماعت اسلامی نے کہا کہ جج حضرات اپنے حلف کے مطابق فیصلے کریں کیونکہ حکمرانوں کے بنائے گئے قوانین اور فیصلے صرف ذاتی مفادات کے گرد گھومتے ہیں۔

انہوں نے کہاکہ معاشرے میں عدل کا نظام قائم کرنے کے لیے اسلامی نظام ضروری ہے جماعت اسلامی محروم طبقات اور معاشرے میں پسے ہوئے حلقوں کے حقوق کے لیے آواز بلند کرتی رہے گی اور کرپشن سے پاک پاکستان کے لیے نیک اور صالح افراد پر مشتمل قیادت تیار کرنے کی مکمل صلاحیت رکھتی ہے.

امیر جماعت اسلامی نے کہا کہ پاکستان چار صوبوں یا پہاڑوں دریاؤں اور میدانوں کا نام نہیں ہے بلکہ یہ اسلامی نظریے اورعقیدے کی بنیاد پربنا تھا اور اسی نظریے اورعقیدے پرقائم رہے گا , جماعت اسلامی پاکستان کے نظریاتی اساس کی سب سے بڑی محافظ ہے اور ملک میں اسلام کے نفاز کے لیے اپنی کاوشیں جاری رکھے گی۔

انہوں نے کہا کہ عوام گلہ کرتے ہیں کہ اسمبلیوں میں عوام کے مفاد میں قانون سازی نہیں ہوتی ہے اس کی سادہ سے وجہ یہ ہے کہ جب بڑے بڑے سوداگر اور لٹیرے اقتدار کے ایوانوں میں پہنچیں گے تو وہ حکمراں قانون سازی کرنے کے بجائے قومی دولت لوٹ کر اپنی تجوریاں ہی بھریں گے۔

امیر جماعت اسلامی کا کہنا تھا کہ 2018 قوم کے لیے ایک آزمائش کا سال ہے، اگر قوم نے ایک بار پھر لٹیروں اور کرپٹ مافیا کو اپنی گردنوں پر سوار کرلیا تو انہیں بدامنی، غربت و جہالت اور مہنگائی و بے روزگاری جیسے مسائل سے نجات نہیں مل سکے گی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

اس بار پی ایس ایل کا ٹائٹل کراچی کنگز اپنے نام کرے گی: کوچ مکی آرتھر

کی طرف
ویب ڈیسک
-
0
مکی آرتھر

کراچی: کراچی کنگز کے ہیڈ کوچ مکی آرتھر نے کہا ہے کہ پی ایس ایل میں جیت کے لیے پوری ٹیم کو جان لگانا ہوگی، امید ہے میگا ایونٹ کے تیسرے ایڈیشن کا ٹائٹل کراچی کنگز ہی اپنے نام کرے گی۔

ان خیالات کا اظہار انہوں نے اے آر وائی نیوز سے خصوصی گفتگو کرتے ہوئے کیا، کوچ مکی آرتھر نے عزم کیا کہ کراچی کنگز میں تجربہ کار کھلاڑی موجود ہیں، امید ہے کہ کراچی میں ہونے والا فائنل کراچی ہی کی ٹیم جیتے گی۔

پی ایس ایل تھری:‌ دبئی میں‌ سنہری ٹرافی کی رونمائی

ان کا کہنا تھا کہ کراچی کنگز فائنل میں پہنچے اور جیتے اس سے زیادہ ان کے لیے اطمینان کی اور کیا بات ہوگی، لیکن فائنل جیتنے کے لیے پوری ٹیم کو جان لگانا ہوگی۔

ٹیم کے کپتان عماد وسیم سے متعلق مکی آرتھر نے کہا کہ عماد ایک باصلاحیت کھلاڑی ہیں امید ہے، وہ کپتانی میں بھی توقعات پر پورا اتریں گے۔

ایک سوال کے جواب میں ہیڈ کوچ کا کہنا تھا کہ شاہد آفریدی کے پاس تجربہ ہے، جس سے ٹیم کو بھرپور فائدہ ہوگا، عماد وسیم کو بھی ان سے سیکھنے کو ملے گا۔

معروف اداکارعدنان صدیقی کراچی کنگزکی حمایت میں میدان میں آگئے

خیال رہے آج دبئی انٹرنیشنل کرکٹ اسٹیڈیم میں پی ایس ایل ٹرافی کی رونمائی کے لئے خصوصی تقریب کا اہتمام کیا گیا، جس میں پاکستان کرکٹ بورڈ کے اعلیٰ‌ حکام، ٹیموں کے کپتان، فرنچائز مالکان اور مینجمنٹ نے شرکت کی.

یاد رہے کہ پی ایس ایل تھری کی افتتاحی تقریب 22 فروری کو دبئی انٹرنیشنل کرکٹ اسٹیڈیم میں ہوگی، ایونٹ کا افتتاحی میچ پشاور زلمی اور ملتان سلطانز کے درمیان کھیلا جائے گا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

نجم سیٹھی سلمان اقبال کے معترف، ٹیم کے لیے معروف شخصیات کی نیک خواہشات

کی طرف
ویب ڈیسک
-
0

دبئی: پاکستان کرکٹ بورڈ کے چیئرمین نجم سیٹھی نے کراچی کنگز کے مالک سلمان اقبال کی کرکٹ کے لیے کی جانے والی خدمات کو سراہتے ہوئے کہا ہے کہ نوجوان کرکٹر عماد وسیم کو کپتان بنا کر کراچی کنگز نے بڑا قدم اٹھایا، سیاسی و شوبز شخصیات نے بھی اپنی پسندیدہ ٹیم کے لیے نیک خواہشات کا اظہار کیا ہے۔

تفصیلات کے مطابق پی ایس ایل کے تیسرے سیزن کی تیاریاں زور و شور سے جاری ہیں اور شائقین کرکٹ بھی اپنی ہر دل عزیز ٹیم کو ایکشن میں دیکھنے کے لیے بے تاب ہیں۔

کراچی کنگز کی ٹیم نے دبئی پہنچنے کے بعد آج دوسرے روز بھی ہیڈ کوچ مکی آرتھر کی نگرانی میں سخت ٹریننگ کی، باؤلرز نے وکٹیں لینے کی پریکٹس کی تو بلے باز بھی جیت کی چال کھیلتے نظر آئے۔

ہیڈ کوچ مکی آرتھر نے کھلاڑیوں کو سپر فٹ کرنے کے لیے اسٹیڈیم کی خوب دوڑیں لگوائیں، پی ایس ایل کا آغاز جمعرات سے ہوگا مگر کراچی کنگز کے پاس ابھی دو روز باقی ہیں کیونکہ عماد الیون 23 فروری کو پہلا مقابلہ کوئٹہ گلیڈی ایٹرز سے کھیلے گی۔

پاکستان کرکٹ بورڈ کے چیئرمین نجم سیٹھی نے عماد وسیم کو کپتان بنانے کو بڑا اقدام قرار دیتے ہوئے کہا کہ کراچی کنگز کے مالک نے کرکٹ کے لیے بہت سی خدمات سرانجام دیں جو قابلِ تعریف ہیں۔

دوسری جانب ملک کی نامور شخصیات خصوصا کراچی سے تعلق رکھنے والے سیاستدانوں اور فنکاروں نے اپنی پسندیدہ ٹیم کے لیے نیک خواہشات کا اظہار کیا۔

مراد علی شاہ


صوبائی وزیر ناصر حسین شاہ

اداکارہ حریم فاروق

اداکارہ ندا یاسر


دینو علی

کراچی کنگز کا آفیشل گانے کو لوگوں نے اس قدر سراہا کہ انٹرنیشنل ویڈیو شیئرنگ کی ویب سائٹ پر یہ نغمہ ٹاپ ٹرینڈ بن گیا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

نوازشریف سپریم کورٹ پر 1998 سے بڑاحملہ کرنے والے ہیں: قمرزمان کائرہ

کی طرف
ویب ڈیسک
-
0
kaira

لاہور: پیپلزپارٹی کے مرکزی رہنما قمر زمان کائرہ نے کہا ہے کہ نواز شریف ساری زندگی استحصالی نظام کاحصہ رہے ہیں. وہ ہرحال میں عدالت پرحملہ آورہوں گے.

ان خیالات کا اظہار انھوں‌ نے اے آر وائی کے پروگرام ’پاور پلے‘ میں‌ گفتگو کرتے ہوئے کیا. قمر زمان کائرہ کا کہنا تھا کہ نواز شریف کا نظریہ لوٹ مار ہی ہوسکتا ہے.

پیپلزپارٹی کے مرکزی رہنما کا کہنا تھا کہ پارلیمان سے اعتماد میاں صاحب نے خود ہی ختم کروا دیا. ن لیگ میرٹ کی پالیسی کی قائل نہیں. شریف برادران ماتحتوں کے ذریعے حکومت کرنا چاہتے ہیں.

قمر زمان کائرہ نے خدشہ ظاہر کیا کہ نوازشریف ہرحال میں عدالت پر حملہ آورہوں گے، نوازشریف سپریم کورٹ پر 1998 سے بڑاحملہ کرنے والے ہیں. ان کا مزاج ہی ایسا ہے، وہ میرٹ کی پالیسی کے قائل ہی نہیں.

ان کا کہنا تھا کہ انتقام، مفادات پرمبنی قانون سازی کی مزاحمت کریں گے، قانون سازی کے لئے بنیادی شرط نیت کی درستگی ہے.

میاں صاحب، ابھی آپ کی اور بھی چوریاں پکڑی جائیں گی: قمر زمان کائرہ

انھوں نے ن لیگ کو ماضی یاد دلاتے ہوئے کہا کہ گیلانی صاحب کے کیس میں تومیاں صاحب کوسب باتیں اچھی لگ رہی تھیں، ان کا مسئلہ یہ ہے کہ یہ اپنے خلاف آنے والے فیصلوں کےعادی نہیں، ن لیگ احتساب عدالت کے جج پردباؤ ڈال رہی ہے.

قمرزمان کائرہ نے کہا کہ ن لیگ لڑائی کی طرف جارہی ہے، میاں صاحب انقلابی نہیں، وہ ریلیف ڈھونڈرہےہیں، میاں صاحب سپریم کورٹ پرحملے کرچکے ہیں،ان کا یہ وتیرہ نیا نہیں.

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

آئی سی سی ون ڈے رینکنگ، ویرات کوہلی بیٹنگ اور راشد خان باؤلنگ میں سرفہرست

کی طرف
ویب ڈیسک
-
0

انٹرنیشنل کرکٹ کونسل کی نئی ون ڈے رینکنگ میں ویرات کوہلی بہترین بلے باز، افغانستان کے راشد خان باؤلر اور بنگلہ دیش کے شکیب الحسن بہترین آل راؤنڈر قرار پائے ہیں جب کہ بہترین ٹیم کے لیے انڈیا نے بازی مارلی ہے.

حال ہی میں معروف اداکارہ انوشکا شرما کے ساتھ ازدواجی رشتے سے منسلک ہونے والے ویرات کوہلی کی عمدہ کارکردگی کا سلسلہ جاری ہے اور انہوں نے 9 سو سے زائد پوائنٹس حاصل کر کے پہلی پوزیشن حاصل کرلی ہے جب کہ ٹیسٹ رینکنگ میں بھی کوہلی 9 سو سے زائد پوائنٹس حاصل کرکے دونوں طرح کی کرکٹ میں نو سو پوائنٹس لینے والے اے بی ڈیولیئرز کے بعد دوسرے بلے باز بن گئے ہیں۔

آئی سی سی کی ون ڈے رینکنگ میں بلے باز ویرات کوہلی پہلے نمبر پر براجمان ہیں جب کہ دوسرے نمبر پر جنوبی افریقہ کے اے بی ڈیویلیرز 844 پوئنٹس کے ساتھ مطمئن کھڑے نظر آتے ہیں اور 823 پوئنٹس کے ساتھ آسٹریلیا کے ڈیوڈ وارنر تیسرے نمبر پر ہیں جب کہ پاکستان کے نوجون بلے باز بابر اعظم کا چوتھا نمبر ہے انہوں نے 813 پوائنٹس حاصل کیے۔

باؤلنگ کے شعبے میں افغانستان کے راشد خان 787 اور بھارتی بولر جسپرٹ بومرہ 787 پوائنٹس لے کر یکساں طور پر پہلے نمبر پر موجود ہیں جب کہ 20 بہترین باؤلرز میں پاکستان کے حسن علی پانچویں نمبر تک پہنچنے میں کامیاب ہو گئے ہیں انہوں نے 711  پوائنٹس حاصل کیے اسی طرح آل راؤنڈ کیٹیگری میں بنگلہ دیش کے شکیب الحسن پہلے نمبر پر اور پاکستان کے محمد حفیظ دوسرے نمبر پر براجمان ہیں۔

آئی سی سی ون ڈے رینکنگ کے مطابق بھارت بہترین ٹیم ثابت ہوئی ہے اور اس فہرست میں پاکستان کا نمبر چھٹا ہے جب کہ جنوبی افریقہ اور انگلینڈ بالترتیب دوسرے اور تیسرے نمبر تک پہنچنے میں کامیاب ہو سکیں اسی طرح سری لنکا اور ویسٹ انڈیز توقع کے مطابق کارکردگی دکھانے میں ناکام ثابت ہوئی ہیں.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ایسے فیصلے نہیں آنے چاہییں، جن کے ثبوت بعد میں‌ ڈھونڈنے پڑیں: مریم اورنگزیب

کی طرف
ویب ڈیسک
-
0

اسلام: وزیر مملکت برائے اطلاعات و نشریات مریم اورنگزیب نے کہا ہے کہ ایسے فیصلے نہیں آنے چاہییں، جن کے ثبوت بعد میں ڈھونڈنے پڑیں.

تفصیلات کے مطابق مریم اورنگزیب نے عدلیہ کو تنقید کا نشانہ بناتے ہوئے کہا کہ پاکستان کےوزیراعظم کوگاڈ فادر کہا گیا، حکومت کو سسلین مافیاکہا گیا، ایسے ایسےریمارکس سے بلایا جاتا ہے، کیا اس عہدےکی کوئی عزت نہیں.

وزیر مملکت نے جارحانہ انداز اختیار کرتے ہوئے کہا کہ پی سی اوپرحلف لیناغلطی نہیں، بلکہ گناہ تھا، غلطی تب بھی ہوئی جب سیاست دانوں پربھینس چوری کامقدمہ ہوا.

مریم اورنگزیب نے کہا کہ بھٹوکی پھانسی پر شادیانے بجانا غلطی تھا، عدلیہ کی عزت کسی فقرے کی مرہون منت نہیں.

وزیر مملکت کا کہنا تھا کہ اداروں کوآئینی حدودمیں رہنا چاہیے، فیصلے ثبوتوں‌ پر کیے جانے چاہییں، یہاں پاکستان کے وزیراعظم کو گاڈ فادراورمافیا کہا جاتا ہے.

نوازشریف نے پہلے عدلیہ کو آزاد کرایا تھا،اب پاکستان میں عدل بحال کرائیں گے،مریم اورنگزیب

یاد رہے کہ آج وزیر مملکت برائے اطلاعات و نشریات مریم اورنگزیب نے میڈیا سے گفتگو کرتے ہوئے کہا تھا کہ نوازشریف نے پہلے عدلیہ کو آزاد کرایا تھا، اب نوازشریف پاکستان میں عدل بحال کرائیں گے.

مریم نواز کا ردعمل

ایک جانب ن لیگی اکارن میڈیا پر نکتہ چینی کر رہے ہیں، دوسری طرف پارٹی قائدین کی جانب سے ان کی حوصلہ افزائی کی جارہی ہے.

مریم اورنگزیب کی عدلیہ پر کڑی تنقید پرسابق نااہل وزیر اعظم کی بیٹی مریم نواز کی جانب سے ٹویٹر پر انھیں سراہا گیا.

مریم نواز کا کہنا تھا کہ مریم اورنگزیب نےآج بہت زبردست گفتگوکی ، خوشی ہےن لیگ میں نظریاتی ارکان کی تعدادبڑھتی جارہی ہے.

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

کینڈین وزیراعظم کا دورہ بھارت، مودی حکومت کا مکروہ چہرہ بے نقاب

کی طرف
ویب ڈیسک
-
0

نئی دہلی: بھارتی وزیراعظم نریندر مودی اور اُن کی حکومت کا شدت پسند چہرہ ایک بار پھر سامنے آگیا، بھارت کے 7 روزہ دورے پر آئے کینڈین وزیراعظم کو بین المذاہب ہم آہنگی اور  مظلوم مسلمانوں کے حق میں آواز اٹھانے پر سرکاری پروٹوکول تک نہیں دیا گیا۔

تفصیلات کے مطابق کینڈا کے وزیراعظم جسٹس ٹروڈو اپنے اہل خانہ کے ہمراہ 7 روزہ سرکاری دورے پر پیر کے روز بھارت پہنچے تو مودی حکومت نے ان کے دورے کو کوئی اہمیت نہیں دی بلکہ نظر انداز کیا۔

واضح رہے کہ کینڈا کے نوجوان وزیراعظم کا شمار اُن سربراہانِ مملکت میں ہوتا ہے جو اپنے ممالک میں بین المذاہب ہم آہنگی کو فروغ دیتے ہوئے دنیا بھر میں بالخصوص مسلمانوں کے خلاف ہونے والے مظالم پر آواز بلند کرتے ہیں۔

امریکی صدر ٹرمپ نے گزشتہ برس جب مسلم ممالک کے مہاجرین کی امریکا آمد پر پابندی لگائی تو کینڈا کے وزیر اعظم نے جنگ سے متاثرہ علاقوں کے مسلمانوں کو گلے لگانے کا اعلان کرتے ہوئے مہاجرین کو خوش آمدید کہا تھا۔

مزید پڑھیں: جسٹن ٹروڈو کی ’دیوالی مبارک‘ پر ہندو انتہا پسند آگ بگولہ

دوسری جانب شدت پسند مودی حکومت نے گزشتہ دنوں بھارت پہنچنے والے اسرائیلی وزیراعظم نیتن یاہو (جن پر ہزاروں فلسطینیوں) کے قتل کا الزام ہے اُن کا نہ صرف پرتپاک استقبال کیا بلکہ بھارتی وزیر اعظم ہرجگہ اُن کے ساتھ ساتھ نظر آئے۔

بھارتی تجزیہ نگاروں کے مطابق حکومت نے دانستہ طور پر جسٹس ٹروڈو کے دورے کو اہمیت نہیں دی یہی وجہ ہے کہ جب وہ اپنے اہل خانہ کے ہمراہ  تاریخی مقام تاج محل دیکھنے کے لیے پہنچے تو صرف گجرات کے وزیراعلیٰ یوگی آدتیہ اُن کے ہمراہ موجود تھے۔

اسے بھی پڑھیں: خواتین کیا پہنیں اور کیا نہیں ‘ حکومت کو اس میں دخل نہیں دینا چاہیے، جسٹن ٹروڈو

کالم نگار وویک دبیجیا نے برطانوی خبر رساں ادارے کو بتایا کہ ’کینڈین وزیر اعظم کے سرکاری دورے کو حکومتی سطح پر نظر انداز کیا جارہا ہے جس کی واضح مثال یہ ہے کہ ایک چھوٹے وزیر کو اُن کے استقبال کے لیے بھیجا گیا‘۔

کینیڈا میں تعینات بھارت کے سابق سفیر نے مودی حکومت کے اس رویے کو مثبت قرار دیتے ہوئے کہا کہ ’کینڈا کی حکومت سرکاری سطح پر خالصتا تحریک کے علیحدگی پسندوں سے ہمدردی رکھتی ہے کیونکہ  مطالبات کے باوجود اُن کے خلاف کارروائی نہیں کی‘۔

بھارتی میڈیا کے مطابق دونوں ممالک کے وزرائے اعظم کے درمیان ملاقات جمعے کے روز متوقع ہے تاہم حکومتی رویہ دیکھ کر یہ بھی محسوس ہوتا ہے کہ شاید اب نریندر مودی جسٹس ٹروڈو سے ملاقات نہیں کریں گے‘۔

اسے بھی پڑھیں: اسرائیلی وزیراعظم کے ساتھ بالی ووڈ اسٹارز کی تصاویر، مسلمان سیخ پا

کینڈین میڈیا نے مودی حکومت کے متعصبانہ رویے پر شدید تنقید کرتے ہوئے کہا کہ اس طرح کے اقدامات سے مظلوموں کی مدد کا سلسلہ کبھی بند نہیں ہوگا اور جو لوگ بھی بھارت کی حکومت سے تنگ ہوں گے ان کے لیے انسانی حقوق کے تحت کینڈا کی سرزمین اُن کے لیے موجود رہے گی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

1...24,30624,30724,308...30,737صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025