اتوار, مئی 25, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 26198

شاہد حیات کینیا کے اسپتال میں داخل، حالت تشویشناک

کی طرف
ویب ڈیسک
-
0

اسلام آباد: ڈائریکٹر ایف آئی اے شاہد حیات طبیعت ناساز ہونے کے باعث کینیا کے شہر نیروبی کے اسپتال میں داخل ہوگئے، خاندانی ذرائع نے اُن کی حالت بگڑنے کی تصدیق کردی ہے۔

تفصیلات کے مطابق ایک سال کی رخصت لے کر کینیا کے شہر نیروبی ٹریننگ حاصل کرنے جانے والے ڈائریکٹر ایف آئی اے شاہد حیات کی اچانک طبیعت ناساز ہوئی جس کے بعد انہیں کینیا کے شہر نیروبی کے مقامی اسپتال میں داخل کروایا گیا۔

خاندانی ذرائع نے حالت بگڑنے کی تصدیق کرتے ہوئے کہا کہ ’‘ڈاکٹرز نےبگڑی طبیعت دیکھ کر مرض کی تشخیص کے لیے کچھ ٹیسٹ لکھ کر دیئے جن کی رپورٹس آنے پر پتہ چلا کہ انہیں پھیپھڑوں کا مرض لاحق ہے‘‘۔

پڑھیں: ڈائریکٹر ایف آئی اے شاہد حیات نے عہدہ چھوڑ دیا

 خاندانی ذرائع نے اس بات کی بھی تصدیق کی کہ انہیں ڈاکٹر نے سفر کرنے سے منع کردیا ہے اور وہ اس وقت تشیوشناک حالت میں نیروبی کے نجی اسپتال میں داخل ہیں تاہم جلد اہل خانہ میں سے کوئی فرد کینیا روانہ ہوگا۔

یاد رہے ڈائریکٹر ایف آئی نے رواں سال جولائی کی 29 تاریخ کو شاہد حیات نے حکومت سے رخصت طلب کی اور وہ چارج نیشنل انسٹیوٹ آف مینجمنٹ کے کورس کی ٹریننگ حاصل کرنے کے لیے روانہ ہوگئے تھے۔ڈائریکٹر کی جگہ آصف قائم خانی کو ایڈیشنل ڈائریکٹر ایف آئی اے کا چارج دے دیا گیا تھا۔

یاد رہے شاہد حیات کو کراچی کے مختلف کیسس کی تحقیقات کی ذمہ داری دی گئی تھی، انہوں نے مصطفیٰ کمال کی واپسی کے بعد اں کی جانب سے بھارتی خفیہ ایجنسی راء اور ایم کیو ایم کے تعلقات کے حوالے سے لگائے جانے والے الزمات تحقیقات شروع کی تھیں۔

قبل ازیں شاہد حیات نے ایگزیکٹ اسکینڈل سمیت دیگر بڑے کیسوں کی تحقیقات مکمل کی ہیں۔

انسانوں جیسا روبوٹ جسے پہچاننا مشکل

کی طرف
ویب ڈیسک
-
0

بیجنگ: چین میں منعقدہ عالمی روبوٹ کانفرنس میں خاتون سے مماثلت رکھنے والا ایسا حیرت انگیز روبوٹ متعارف کرایا گیا جسے دیکھ کر خاتون اور روبوٹ میں تمیز کرنا مشکل ہے جسے خاتون روبوٹ کا نام بھی دیا جاسکتا ہے۔

تفصیلات کے مطابق بیجنگ میں منعقدہ ’’ورلڈ روبوٹ کانفرنس 2016ء‘‘ میں لوگوں کی توجہ حاصل کرنے والا یہ روبوٹ ایک ادارے  نے تیار کیا ہےجسے ’’جیا جیا‘‘ کا نام دیا گیا ہے جو آپ سے بات کرسکتا ہے اور آپ کے چہرے کو پہچاننے کی صلاحیت بھی رکھتا ہے۔

جیا جیا نامی روبوٹ خاتون سے منسوب ہے ، یہ خاتونی روبوٹ چہرے کی پہچان ، جنس کی امتیاز اور لوگوں کی عمر کے ساتھ ساتھ چہرے کے تاثرات بھی شناخت کرنے کی اہلیت رکھتی ہے۔ اس میں ایسی ٹیکنالوجی شامل کی گئی ہے جو انسانی زبان اور چہرے کے تاثرات کو سمجھنے میں کافی حد تک مدد دیتی ہے۔

robot-2

ورلڈ روبوٹ کانفرنس میں پیش کیے جانے والے جیا جیا نے لوگوں کے سوالات کے جواب دیے اور ان کے تاثرات سمجھنے کے ساتھ ساتھ لوگوں سے باقاعدہ بات چیت بھی کی۔

روبوٹ بنانے والی ٹیم کے سربراہ لوڈونگ چی نے غیر ملکی خبر رساں ادارے سے بات کرتے ہوئے اپنی کامیابی پر مسرت کا اظہار کیا اور کہا کہ  یہ رواں سال کے ابتداء میں مکمل ہوگیا تھا تاہم ابھی بھی ہمیں مختلف چیلنجز کا سامنا ہے۔

robot-4

انہوں نے کہا کہ جیا جیا کو جب نمائش میں پیش کیا گیا تو اُس وقت کئی مسائل درپیش آئے جن میں چہرے کے تاثرات کو دیکھ کر قدرتی ردعمل دیکھنے میں مشکلات پیش آئیں چونکہ یہ تاثرات انسان کی خامیوں یا خوبیوں کو بیان کرتے ہیں۔

پڑھیں: چین میں روبوٹس کی سالانہ کانفرنس کا تصویری احوال

 نمائش میں متعدد انسانی روبوٹس پیش کیے گئے تھے جو مختلف اہمیت کے حامل تھے، جس میں ایک بیٹ منٹ تھا جو انسانوں کے ساتھ مختلف کھیل کھیلنے میں مصروف تھا جبکہ بائیونک پرندوں اور تتلیوں کو بھی کانفرنس کا حصہ رکھا گیا تھا۔

robot-5

اس موقع پر ایک ایسا روبوٹ بھی پیش کیا گیا جو خطاطی کی صلاحیتوں سے لوگوں کو حیران کررہا ہے، اسے تیار کرنے والی ٹیم کا کہنا ہے کہ یہ ابھی ابتدائی مراحل میں ہے، اگلے مرحلے میں یہ انسانوں کی نقل اتارنے اور آخری مرحلے پر یہ اُن کے متبادل کی صورت اختیار کرجائے گا۔

robot-3

یاد رہے کہ گزشتہ  برس بھی نمائش میں ایک خاتون روبوٹ کو پیش کیا گیا تھا جو اب ایک فلم میں مرکزی کردار بھی ادا کررہی ہے۔

اسلام آباد دھرنا: ایف سی کی تنخواہیں‌ اور گریڈ بڑھانے کا فیصلہ

کی طرف
ویب ڈیسک
-
0

اسلام آباد: ایف سی کی تنخواہوں میں اضافہ کرکے پنجاب پولیس کے برابر کرنے کا فیصلہ کرلیا گیا، وزیر داخلہ نے کانسٹیبلز اور ہیڈ کانسٹیبلز کے گریڈ بڑھانے کی بھی منظوری دے دی۔

یہ پڑھیں: دھرنے سے قبل، اسلام آباد پولیس کے گریڈز میں‌ اضافہ

اطلاعات کے مطابق وزارت داخلہ نے ایف سی (فرنٹیر کانسٹیبلری) کی تنخواہوں میں پچاس فیصد اضافہ کرنے کا فیصلہ کیا ہے ساتھ ہی کانسٹیبلز اور ہیڈ کانسٹیبلز کے گریڈ بھی بڑھائیں گے۔

پہلے مرحلے میں تنخواہوں میں پچاس فیصد اضافہ کیا جائے گا، دوسرے مرحلے میں کانسٹیبل کا گریڈ بڑھا کر 5 سے 7 اور ہیڈ کانسٹیبل کا گریڈ 7 سے بڑھا کر 9 کردیا جائے گا۔

وزارت داخلہ کے ذرائع کے مطابق ایف سی کے اہلکاروں کی ریٹائرمنٹ کی عمر 35 سے بڑھا کر 45 کردی جائے گی جبکہ انہیں ہائی سیکیورٹی رسک الائونس بھی ملے گا۔

یہ بھی پڑھیں: دھرنا روکنے کیلئے: اسلام آباد پولیس کا 46 کروڑ روپے کا مطالبہ منظور

وزیر داخلہ چوہدری نثار علی نے ان مراعات کی منظوری دے دی ہے تاہم وزیراعظم سے حتمی منظوری کے بعد کل باضابطہ طور پر اس کا اعلان کیا جائے گا اور نوٹی فکیشن جاری ہوگا۔

قبل ازیں اسلام آباد پولیس کے گریڈ میں اضافہ کیا جاچکا ہے،دھرنے کو روکنے کے لیے اسلام آباد پولیس نے 46 کروڑ روپے کے مطالبات پیش کیے تھے جسے منظور کرلیا گیا ہے۔

چوہدری نثار،نواز شریف کی ضد کی بھینٹ چڑھ رہے ہیں،شیخ رشید

کی طرف
ویب ڈیسک
-
0

راولپنڈی: عوامی مسلم لیگ کے سربراہ شیخ رشید نے کہا ہے کہ وزیر داخلہ چوہدری نثار کی پریس کانفرنس پر دکھ ہوا،پرویز رشید خبر رکواسکتے ہیں تو نوازشریف کے کہنے پر لگوا بھی سکتے ہیں، نثار نواز شریف کی ضد کی بھینٹ چڑھ رہے ہیں۔

وزیر داخلہ چوہدری نثار کی پریس کانفرنس پرعوامی مسلم لیگ کے سربراہ شیخ رشید کا ردعمل ایک ویڈیو پیغام کے ذریعہ سامنے آیا ہے۔

یہ پڑھیں: صوبائی حکومت کا وفاق پر حملہ کرنا ٹھیک نہیں، نثار

انہوں نے کہا ہے کہ چوہدری نثار اچھے اور شریف آدمی ہیں لیکن وہ نواز شریف کی ضد کی بھینٹ چڑھ رہے ہیں، اگر وزیر اطلاعات پرویز رشید قومی سلامتی سے متعلق خبر کو شائع ہونے سے رکواسکتے تھے تو وہ نواز شریف کےکہنے پر یہ خبر لگوا بھی سکتے ہیں۔

انہوں نے کہا کہ مسئلہ پرویز رشید کا نہیں بلکہ قومی سلامتی کا ہے جس کی مکمل تحقیقات ہونی چاہیے اور اصل کرداروں کو بے نقاب ہونا چاہیے تا کہ قوم کو حقائق کا علم ہو سکے۔

عوامی مسلم لیگ کے سربراہ شیخ رشید نے مزید کہا کہ قومی سلامتی سے متعلق حساس خبر کو شائع کروانے میں وزیراعظم اورچند اہم سرکاری افسران بھی شامل ہیں۔

انہوں نے کہا کہ میرے پاس صرف سگار تھا لیکن چوہدری نثار نے سڑکوں پر 158 کنٹینر رکھ کر لال حویلی کی جانب جانے والے سارے راستے بن کردیے جس سے اطراف کی آبادی محصور ہو کر رہ گئی ہے۔

پرویز رشید نے اپنے ویڈیو پیغام میں وفاقی حکومت سے سوال کیا کہ لال حویلی کے اطراف کے محصور لوگوں کو اگر کوئی ایمرجنسی پیش آئی تو وہ کہاں جائیں گے؟میرے علاقے کے لوگوں کا کوئی پرسانِ حال نہیں ہے۔

بنی گالامیں پینے پلانے کی محفلیں جم رہی ہیں،رانا ثنا اللہ

کی طرف
ویب ڈیسک
-
0

فیصل آباد: وزیر قانون پنجاب رانا ثنا اللہ نے الزام عائد کیا ہے کہ بنی گالا میں پینے پلانے کی محافل جم رہی ہیں، انہوں نے دھمکی دی کہ دارالحکومت میں حالات خراب کیے تو انجام برا ہو گا۔

یہ پڑھیں: اسلام آباد پرچڑھائی کسی صورت نہیں کرنے دیں گے، رانا ثناء اللہ

فیصل آباد میں میڈیا سے بات چیت کرتے ہوئے رانا ثنا اللہ نے کہا کہ 28 اکتوبر کو اسلام آباد پر حملہ ہونا تھا، پانچ دس منٹ میڈیا کی پناہ میں رہنے کے بعد شیخ رشید میدان سے بھاگ گئے، کسی وزیراعلیٰ کو دوسرے صوبے پر چڑھائی نہیں کرنے دیں گے۔

یہ بھی پڑھیں: دھرنے والے خبردار رہیں، آہنی ہاتھوں سے نمٹیں‌ گے، رانا ثناء اللہ

رانا ثنا اللہ نے دعویٰ کیا کہ خیبر پختونخوا سے 1500 مسلح افراد اسلام آباد لائے گئے ہیں، خٹک حکومت نے حالات خراب کرنے کی کوشش کی تو انجام برا ہو گا، پرویز خٹک کچھ کرنا چاہتے ہیں تو پہلے استعفیٰ دیں۔

اسی سے متعلق: حکومت ہمیں‌ باغی بننے پر مجبور نہ کرے، وزیراعلیٰ پرویز خٹک

رانا ثناء اللہ نے دعویٰ کیا کہ قومی سلامتی سے متعلق خبر کا بہتر حل نکال لیا گیا ہے۔

شنگھائی پاور نے کراچی الیکٹرک کے اکثر شیئرز خرید لیے

کی طرف
ویب ڈیسک
-
0

کراچی: متحدہ عرب امارات کی کمپنی ابراج گروپ نے کراچی الیکٹرک کے اکثر حصص چین کی کمپنی شنگھائی پاور کو فروخت کرنے کا اعلان کیا ہے، جس کا معاہدہ بھی حتمی مراحل میں ہے۔

تفصیلات کے مطابق 2009 میں کراچی الیکٹرک سپلائی کارپورشن کے حصص خریدنے والے متحدہ عرب امارات کے گروپ ابراج نے اعلان کیا ہے کہ کے الیکٹرک کے اکثر حصص چینی کمپنی شنگھائی الیکٹرک پاور کو دینے کا معاہدہ حتمی مراحل میں داخل ہوچکا ہے۔

متحدہ عرب امارات کی کمپنی ابراج گروپ کی جانب سے جاری کردہ اعلامیے میں اعلان کیا گیا ہے کہ کراچی الیکٹرک کے 66.4 فیصد شیئرزکو چینی الیکٹرک کمپنی کو فروخت کیا جائے گا۔ جس کی  قیمت  1 ارب 77 کروڑ ڈالر بنتی ہے جس کی ادائیگی کے لیے معاہدہ حتمی مراحل میں ہے۔

ابراج گروپ کی جانب سے جاری کردہ اعلامیے میں کہا گیا ہے کہ کے الیکٹرک کے حصص کی فروخت حتمی مراحل میں ہے اس سلسلے میں گروپ نے پاکستان میں نجی شعبے سے لین دین کا عمل شروع کردیا ہے، معاہدے کی تکمیل اور شیئرز کی فروخت کے بعد پاکستان کی تاریخ میں نجی شعبے کا سب سے بڑا لین دین ہونے جارہا ہے۔

اس ضمن میں شنگھائی الیکٹرک پاور کے چیئرمین وانگ یوندان کا کہنا ہے کہ ’’گزشتہ 7 سالوں میں کے الیکٹرک نے ابراج گروپ کے ساتھ بڑی کامیابیاں حاصل کی ہیں جس پر دونوں کمپنیاں خراج تحسین کی مستحق ہیں۔ انہوں نے کہا کہ شنگھائی الیکٹرک کے الیکٹرک انتظامیہ کی کارکردگی اور صلاحیتوں کی معترف ہے۔

انہوں نے امید ظاہر کی کہ شنگھائی الیکٹرک پاور پاکستان کے لوگوں اور حکومت کو بہتر سروس فراہم کر کے اُن کی خدمت کرنا چاہتی ہے اس کے لیے ہم نے اپنے سرمایہ کاروں اور کے الیکٹرک کے اشتراک سے حکمت عملی تشکیل دی ہے، جس کے تحت کےالیکٹرک کی صلاحیت مزید بہتر ہوگی اور ہم اسے پاکستان کی بہترین کمپنیوں میں سے ایک بنانے کے لیے پرعزم ہیں۔

پڑھیں:  شنگھائی الیکٹرک کا کے الیکٹرک خریدنے میں اظہار دلچسپی

اعلامیے میں کہا گیا ہے کہ کراچی شہر میں بجلی کے صارفین کی تعداد 2 کروڑ 50 لاکھ سے زائد ہے۔ سب سے پہلے بجلی کی ترسیل کے لیے 1913 میں کراچی الیکٹرک سپلائی کمپنی کا قیام وجود میں آیا۔ جو شہر میں توانائی کی ضروریات پوری کرنے اور اس کی پیداوار کے علاوہ تقسیم کی ذمہ دار تھی۔

کراچی الیکٹرک سپلائی کمپنی کو 2005 میں نجی شعبے میں تبدیل کردیا گیا تھا اور چار سال بعد دبئی کے ایک گروپ نے اس کے حصص خرید لیے تھے جس کے بعد 2009 سے یہ کمپنی ابراج گروپ کے ماتحت ہوگئی تھی۔

شارجہ ٹیسٹ ، 4 کھلاڑیوں کی نصف سنچریاں ، قومی ٹیم بڑے اسکور میں ناکام

کی طرف
ویب ڈیسک
-
0

شارجہ: پاکستان اور ویسٹ انڈیز کی ٹیموں کے مابین کھیلے جانے والے تیسرے ٹیسٹ کے پہلے دن کے اختتام پر پاکستانی ٹیم چار کھلاڑیوں کی نصف سنچری کے باوجود بڑا اسکور کرنے میں ناکام رہی اور اُس کے 225 رنز پر 8 کھلاڑی آؤٹ ہوگئے۔

تفصیلات کے مطابق شارجہ ٹیسٹ کے پہلے دن ویسٹ انڈین بولرز کی عمدہ کارکردگی کے نتیجے میں پاکستانی بیٹسمین بڑا سکور کرنے میں ناکام نظر آئے اور کھیل کے اختتام پر پاکستان نے 8 کھلاڑیوں کے نقصان پر 255 رنز بنائے۔

پاکستان کی جانب سے سمیع اسلم، یونس خان مصباح الحق اور سرفراز احمد نے نصف سنچریاں اسکور کیں لیکن ٹیم بڑا اسکور کرنے میں ناکام رہے۔میچ کے پہلے اوور میں گرنے والی دو وکٹوں نے ٹیم کو بڑا دھچکہ دیا ۔

اظہر علی کوئی رن بنائے بغیر پہلے اوور کی دوسری گیند پر گیئریئل کی گیند کھیلتے ہوئے گریگ بریتھ ویٹ کے ہاتھوں کیچ آؤٹ ہوئے تاہم اگلی گیند پر اسد شفیق ایل بی ڈبلیو ہوکر پویلین روانہ ہوگئے انہوں نے بھی کوئی رن اسکور نہیں کیا۔

پڑھیں: تیسراٹیسٹ میچ :پاکستان کاٹاس جیت کربیٹنگ کافیصلہ

 دس سال بعد یہ پہلا موقع ہے کہ پاکستانی ٹیم نے ٹیسٹ کے پہلے ابتدائی پہلے اوور میں تین وکٹیں گنوائیں قبل ازیں کراچی میں روایتی حریف بھارت کے بالر عرفان پٹھان نے 2006 میں ہیٹ ٹرک کی تھی۔

ایک رن پر دو وکٹیں کھونے کے بعد یونس خان اور سمیع اسلم نے ذمہ داری سے بیٹنگ کرتے ہوئے تیسری وکٹ کی شراکت میں 106 رنز کا اضافہ کر کے ٹیم کی پوزیشن بہتر بنائی تاہم سمیع اسلم نے جو بڑے اعتماد سے بیٹنگ کر رہے تھے 74 کے انفرادی سکور پر ریورس سوئپ کرنے کی کوشش میں اپنی وکٹ دیویندرا بشو کو تحفے میں تھما دی۔

سمیع اسلم کی اس سیریز میں یہ تیسری اور مجموعی طور پر پانچویں نصف سنچری ہے تاہم وہ اپنے کرئیر میں چوتھی مرتبہ سنچری کے قریب آکر آؤٹ ہوئے ہیں۔ تاہم یونس خان بھی آؤٹ ہوکر پویلین روانہ ہوئے نئے آنے والے کھلاڑیوں مصباح الحق اور سرفراز احمد نے پانچویں وکٹ کی شراکت میں 80 رنز کا اضافہ کیا تاہم مصباح الحق بشو کی گیند پر ریورس سوئپ کھیلتے ہوئے ڈورچ کے ہاتھوں آؤٹ ہوگئے۔

نئے آنے والے کھلاڑی محمد نواز 6 رنز اسکور کرسکے بعد ازاں سرفراز احمد اور وہاب ریاض بھی پویلین لوٹ گئے۔ وکٹ کیپر سرفراز احمد 51 رنز کی اننگز کھیلنے کے بعد گیبریئل کا شکار بنے۔

مصباح الحق پاکستان کی طرف سے سب سے زیادہ 49 ٹیسٹ میچوں میں قیادت کرنے والے کپتان بن گئے۔ انہوں نے سیریز میں لگاتار تیسری مرتبہ ٹاس جیت کر بیٹنگ کا فیصلہ کیا لیکن شارجہ کی وکٹ ابتدائی لمحات میں بیٹسمینوں کے لیے پریشانی کا سبب بننے کے لیے مشہور ہے اور پاکستانی بیٹسمین اس ابتدائی وار کو سہہ نہ سکے۔

دیویندرا بشو ویسٹ انڈیز کے سب سے کامیاب بولر رہے وہ اب تک چار وکٹیں حاصل کرچکے ہیں۔دونوں ٹیمیوں میں دو، دو تبدیلیاں کی گئیں ہیں۔ پاکستانی ٹیم میں سہیل خان اور راحت علی کی جگہ محمد عامر اور وہاب ریاض کو شامل کیا گیا ہے جبکہ مخالف ٹیم نے شائے ہوپ اور میگوئل کی جگہ شین ڈورچ اور الزاری جوزف کوموقع دیا ہے۔

کے پی کے حکومت وفاق کے خلاف کچھ نہیں‌ کررہی، جہانگیر ترین

کی طرف
ویب ڈیسک
-
0

اسلام آباد: پاکستان تحریک انصاف کے رہنما جہانگیر ترین نے کہا ہے کہ خیبر پختون خوا حکومت وفاق کے خلاف کچھ نہیں کررہی، قانون کو صرف پی ٹی آئی کے خلاف استعمال کیا جارہا ہے۔

یہ بات انہوں نے علیم خان کی بنی گالا کے کمیپوں کے دورے کے بعد میڈیا سے گفت گو کرتے ہوئے کہی۔

جہانگیر ترین نے کہا کہ حکمرانوں نے بنی گالا کا محاصرہ کیا ہوا ہے،معلوم نہیں حکمرانوں کو بنی گالا میں کس سے مقابلہ کرنا ہے، یہاں دہشت گرد نہیں پاکستانی کے عوام ہی رہتے ہیں سمجھ نہیں آرہا ہےکہ محاصرہ کیوں ہے۔

انہوں نے کہا کہ وزیراعلٰی کے پی کے پرویز خٹک کے ساتھ کوئی پولیس والا نہیں آرہا، وفاق کی مرضی ہے کہ وہ پرویز خٹک کو پروٹول دیتے ہے کہ نہیں،خیبر پختون خوا حکومت وفاق کے خلاف کچھ نہیں کررہی لیکن وہ راستے بند کرنے کی اجازت نہیں دے گی،قانون کو صرف پی ٹی آئی کے لیے استعمال کیا جارہا ہے ۔

انہوں نے کہا کہ عمران خان عوام کو مایوس نہیں کریں گے، ہمارے جدوجہد کرپشن پر صرف وزیراعظم کے خلاف ہے،عمران خان نے کال دی ہے مزید لوگ آئیں گے میں نے انہیں دیکھا ہے عمران خان کا اس وقت مورال بہت بلند ہے، گجرات، وزیرآباد اور گلگت سے لوگ یہاں پہنچ چکے ہیں۔

انہوں نے شکوہ کیا کہ بنی گالا میں موجود کارکنوں کو کھانا پینا نہیں پہنچ رہا، کارکنان کھانے پینے اور بستر کے بغیر بھی گزارا کرسکتے ہیں لیکن کھانا پینا نہ پہنچنے پر لوگوں سے معذرت خوا ہوں۔

جمہوری حکومت مردم شماری تک نہ کراسکی،مصطفیٰ کمال

کی طرف
ویب ڈیسک
-
0

کراچی: پاک سرزمین پارٹی کے چیئرمین مصطفی کمال نے کہا ہے کہ ہمیں ہرایک کو گلے لگانا ہے چاہے کوئی کسی جماعت میں ہو، کسی فرقے سے تعلق ہو اور کوئی سی بھی بولی بولتا ہو اگرکوئی اپنی اصلاح نہیں کرسکتا تو پاک سرزمین پارٹی چھوڑی دے، جمہوری حکومت اب تک مردم شماری بھی نہ کراسکی۔

سربراہ پاک سرزمین پارٹی مصطفی کمال طارق روڈ میں واقع نور گراؤنڈ میں کارکنان کے اجلاس سے خطاب کر رہے تھے۔

انہوں نے کہا کہ کامیابی اور ناکامی ہمارے اختیار میں نہیں لیکن ہمیں صرف سچ بولنا چاہیے ہماری راہ میں صرف ہمارے اعمال رکاوٹ بن سکتے ہیں۔

انہوں نے کارکنان کو پیغام دیا کہ اپنے اپنے علاقوں میں موجود ایم کیو ایم ،جماعت اسلامی، پیپلز پارٹی سمیت ہر سیاسی جماعت کے کارکنان تک اپنا پیغام پہنچائیں اور کوئی مان جائے تو ٹھیک ہے نہ مانے تب بھی اسے گلے لگائیں،کوئی کسی فرقہ سے تعلق رکھتا ہو کوئی سی زبان بولتا ہو محبت،امن اور اتحاد و اتفاق کا پیغام دیے۔

مصطفی کمال نے کہا کہ سنا ہے پاکستان میں جمہوریت ہے لیکن جمہوری حکومت آج تک مردم شماری نہ کراسکی کیوں کہ حکومت کو خطرہ ہے کہ مردم شماری ہوگئی تو ان کی نشستیں آگے پیچھے ہوجائیں گی۔

واضح رہے کہ مصطفی کمال متحدہ قومی موومنٹ کے اہم رکن تھے اور 2005 سے 2010 تک شہر کراچی کے ناظم رہے،اس سے قبل وہ انفارمیشن ٹیکنالوجی کے وزیر بھی رہے اور بعد ازاں سینیٹر بنائےگئے تا ہم 2013 میں پارٹی سے اختلافات کے باعث ملک سے باہر چلے گئے تھے اور مارچ 2016 میں واپس آکے اپنی سیاسی جماعت ‘پاک سرزمین پارٹی’ کی بنیاد رکھی۔

حکومت ہمیں‌ باغی بننے پر مجبور نہ کرے، وزیراعلیٰ پرویز خٹک

کی طرف
ویب ڈیسک
-
0

نوشہرہ : وزیراعلیٰ خیبر پختونخوا پرویز خٹک نے کہا کہ ملک کو لوٹا جارہا ہے،یہ ملک ڈاکوؤں کے لیے نہیں بنا،کرپٹ حکومت کو نکال کر دم لیں گے۔

وزیر اعلیٰ خیبر پختونخوا پرویز خٹک نوشہرہ میں ایک بڑے جلسے سے خطاب کر رہے تھے۔

انہوں نے اس عزم کا اعادہ کیا کہ چاہے کتنی ہی رکاوٹیں کیوں نہ کھڑی کر دی جائیں ہر حال میں بنی گالہ پہنچیں گے، آج ہم ایک مقصد کے لیے اکٹھے ہوئے ہیں ہمیں حکمرانوں کو تخت سے اتارنا ہے حکومت کے پاؤں لرز رہے ہیں اور ہاتھ کانپ رہے ہیں۔

انہوں نے دعویٰ کیا کہ کل صبح کارکنان کی کثیر تعداد صوابی انٹر چینج پر جمع ہوں گی اور وہاں سے ہم بنی گالہ کے لیے روانہ ہوجائیں گے، دونومبر کو اسلام آباد کو لاک ڈاؤن کردیں گے،حکومت ہمیں باغی بننے پر مجبور نہ کرے ،ہمیں روکو گے تو باغی ہو جائیں گے۔

انہوں نے کہا کہ یہ ملک بڑی قربانیوں کے بعد وجود میں آیا ہے تا کہ غریب اور کچلے ہوئے لوگوں کو ان کے حقوق مل سکیں،کیا یہ ملک اس لیے بنا تھا کہ یہاں حکمراں لوٹ مار کریں یہ ملک ڈاکوؤں کے لیے نہیں بنا تھا اس لیے چور حکمرانوں سےملک کو نجات دلائیں گے۔

وزیراعلٰی کے پی کے نے کہا کہ کسی میں جرأت نہیں کہ عمران خان کا بال بھی بیکا کر سکے،اسلام آباد بند کرنا تحریک انصاف کا آئینی اور جمہوری حق ہے جس سے ہمیں کوئی روک نہیں سکتا۔

انہوں نے کہا کہ پنجاب اور اسلام آباد کی پولیس آئین کی خلاف ورزی کر رہی ہے چوہدری نثار سے پوچھتا ہوں یہ کون سا قانون ہے؟ جب کہ آئین ہر قسم کی سیاسی اور احتجاجی سرگرمیاں جاری رکھنے کی اجازت دیتا ہے۔

وزیراعلیٰ کے پی کے نے کہا کہ وزیراعظم کہتے ہیں کہ کاروباری حضرات ملک میں کاروبار کریں اور اپنا پیسہ اپنے ملک میں لگائیں جب کہ خود اپنا پیسہ،جائیداد اور خاندان بیرون ملک منتقل کررکھا ہے۔

1...26,19726,19826,199...30,472صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025