اتوار, جون 22, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 26595

بھارت نے سرجیکل اسٹرائیک نہیں سرحد پار شیلنگ کی ہے،ملیحہ لودھی

کی طرف
ویب ڈیسک
-
0
Maleeha Lodhi

نیویارک :اقوام متحدہ میں پاکستانی مندوب ملیحہ لودھی نے کہا ہے کہ کوئی سرجیکل اسٹرائیک نہیں ہوئی ہے۔بھارت کی جانب سے سرحدپارشیلنگ کی گئی ہے۔

اقوام متحدہ میں پاکستان کی مندوب نے غیر ملکی ٹی وی کو انٹرویو دیتے ہوئے کہا کہ بھارت مقبوضہ کشمیر میں جنگی جرائم سے دنیا کی توجہ ہٹانا چاہتاہے۔ہم نے دراندازی کرنے والے ایک بھارتی فوجی کو بھی پکڑا ہے۔

ڈاکٹر ملیحہ لودھی کا کہنا تھاکہ 2پڑوسی ایٹمی ریاستوں کو ذمہ داری کا مظاہرہ اور مذاکرات سے مسائل حل کرنے چاہیے۔اقوام متحدہ کے سینئر اہلکاروں سے ملاقات کرکے صورتحال سے آگاہ کروں گی۔

مزید پڑھیں: بھارتی ہائی کمشنر کی دفتر خارجہ طلبی، فائرنگ پر احتجاج

انہوں نے کہا کہ عالمی برادری بھارت کو کسی بھی جارحیت سے باز رکھے۔بھارت نے جارحیت جاری رکھی تو تمام تر صلاحیتوں کے ساتھ جواب دینے کے لیے تیار ہیں۔

مزید پڑھیں:پاکستانی فوج کی فائرنگ سے آٹھ بھارتی فوجی ہلاک

یاد رہے کہ گزشتہ روز لائن آف کنٹرول پر پاکستانی فوج کی جوابی فائرنگ سے 7 تا 8 بھارتی فوجیوں کے مارے گئے جن کی لاشیں اب تک بھارتی فوجیوں کی جانب سے اٹھائی نہیں گئیں۔

مزید پڑھیں:بھارتی فائرنگ سرجیکل اسٹرائیک نہیں‌ لفاظی ہے، خواجہ آصف

واضح رہے کہ گزشتہ روز وزیر دفاع خواجہ آصف نےاے آر وائی نیوز کے پروگرام آف دی ریکارڈ میں میزبان کاشف عباسی سے ٹیلی فونک بات کرتے ہوئے کہا تھا کہ بھارت نے لائن آف کنٹرول کی خلاف وزری ضرور کی ہے لیکن یہ سرجیکل اسٹرائیک نہیں ہے۔

مذہبی دل آزاری کےجرم میں بلاگر کوقیدکی سزا

کی طرف
ویب ڈیسک
-
0

سنگاپور: 17 سالہ نوجوان بلاگر کوانٹرنیٹ پر اسلام اور عیسائی مذاہب کے خلاف ویڈیوز اور پیغامات شائع کرنے کے جرم میں چھ ہفتے کی قید کی سزا سنادی گئی۔

تفصیلات کےمطابق نوجوان بلاگر ایموس یی کو سزا سناتے ہوئے جج نے کہاآپ کی اس حرکت سے معاشرے میں بد امنی پھیلنے کا اندیشہ ہے۔

اس سے قبل 2015 میں اس نوجوان بلاگر کو عیسائی مذہب کی توہین کے جرم میں چار ہفتے قید کی سزا سنائی گئی تھی۔یہ دوسرا موقع ہے جب ایموس یی کو جیل کی سزا ہوئی ہے۔

خیال رہے کہ سنگاپور مذہب اور نسل کی توہین کو سنگین جرم تصور کیا جاتا ہے اور اس طرح کے جرائم کو برداشت نہیں کیا جاتا۔

نوجوان بلاگر ایموس یی کاعدالت کی جانب سے سزا سنائےجانے کے بعد میڈیا سے بات کرتے ہوئے کہنا تھا مجھے ملنے والی سزا ‘ منصفانہ’ ہے اور وہ اپنے کیے پر شرمندہ ہیں۔

یاد رہے کہ اس مقدمے پر انسانی حقوق کی تنظیمیں گہری نظر رکھی ہوئی تھیں اور ان کا موقف تھا کہ اس مقدمے سے آزادی رائے کو خطرہ لاحق ہوگیا ہے۔

مزیدپڑھیں: توہین اسلام کا ملزم اردن میں قتل

واضح رہے کہ گزشتہ دنوں توہین اسلام کے الزام میں گرفتار اردن کےمصنف ناہد حطار کو عدالت کے باہرفائرنگ کرکے قتل کردیاگیاتھا۔

امریکہ میں ٹرین حادثہ،3 افراد ہلاک

کی طرف
ویب ڈیسک
-
0

ہوبوکن: امریکی ریاست نیو جرسی میں مسافر ٹرین ہوبوکن اسٹیشن کی عمارت میں گھس گئی اور اس حادثے میں کم از کم 3افرادہلاک اور100سے زیادہ افراد زخمی ہو گئے۔

تفصیلات کےمطابق امریکی ریاست نیوجرسی میں گزشتہ روز مسافر ٹرین ہوبوکن اسٹیشن میں رکنے میں ناکام ہوئی اور عمارت سے ٹکرائی جس سے عمارت کوبھی نقصان پہنچا۔

حادثے کے بعد تصاویر میں دیکھا جا سکتا ہے کہ ٹرین کے ڈبوں کو اور اسٹیشن کی عمارت کو شدید نقصان پہنچا ہے جبکہ عمارت کی چھت کا ایک حصہ بھی ٹوٹ چکا ہے۔
tpost-1-roof

وائٹ ہاؤس کے ترجمان جوش ارنسٹ نے کہاہے کہ نیوجرسی میں ہونے والے ٹرین حادثےمیں دہشت گردی کے شواہد کاعلم نہیں ہے۔

جوش ارنسٹ کا کہناتھا کہ نیوجرسی ٹرین حادثے کے بارے میں نیشنل ٹرانسپورٹیشن سیفٹی بورڈ معاملےکاجائزہ لےرہاہے۔اس وقت دہشت گردی کاامکان مستردکرناقبل ازوقت ہوگا۔

نیوجرسی اسٹیشن کے ترجمان جنیفر نیلسن کا کہنا تھا کہ ہمارے پاس 100 سے زائد زخمی ہیں اور ان میں سے زیادہ تر کو شدید زخم آئے ہیں۔

tpost-2

نیلسن کا کہنا تھا کہ حادثہ صبح 9 بجے کے قریب پیش آیا اور اس وقت ٹرین میں 250 کے قریب افراد سوار تھے۔امریکی میڈیا کی رپورٹ کے مطابق مسافروں کا کہنا تھا کہ حادثہ تیز رفتاری کے باعث پیش آیا۔

t-post-3

سوئیٹ ہوم میں آتشزدگی سے5 بچےجاں بحق

کی طرف
ویب ڈیسک
-
0

میرپور خاص: صوبہ سندھ کے شہرمیرپور خاص میں بیت المال کے سوئیٹ ہوم میں آگ لگنے سے 5 بچے جاں بحق ہوگئے۔

تفصیلات کےمطابق آگ میرپور خاص کے علاقے لیاقت ٹاؤن میں واقع بیت المال کے سوئیٹ ہوم میں لگی۔پولیس کا کہنا ہےکہ آگ سوئیٹ ہوم میں شارٹ سرکٹ کے باعث لگی،جبکہ سوئیٹ ہوم سے دیگر بچوں کو بحفاظت نکال لیا گیا۔

شارٹ سرکٹ کے باعث آگ لگنے کے بعد فائر بریگیڈ کا عملہ وہاں پہنچ گیا اور آگ بجھانے کی کوششیں شروع کردیں۔

کمشنرجاویدعالم اوڈھو کا کہنا ہے کہ آگ سے5بچےجھلس کرجاں بحق ہوگئے ہیں،جبکہ 6 بچے زخمی ہیں جنہیں فوری طبی امداد فراہم کرنے کے لیے سول اسپتال منتقل کردیا گیا ہے۔

وزیر اعلیٰ سندھ مراد علی شاہ نے آگ کے باعث جھلسنے سے بچوں کے جاں بحق ہونے پر افسوس کا اظہار کیا۔انہوں نے آگ لگنے کے واقعے کا نوٹس لیتے ہوئے کمشنر میرپور خاص کو ٹیلی فون کیا اور واقعے کی تفصیلات معلوم کیں۔

پاکستانی فوج کی فائرنگ سے آٹھ بھارتی فوجی ہلاک

کی طرف
Waseem Nizami
-
0

اسلام آباد: لائن آف کنٹرول پر پاکستانی فوج کی جوابی فائرنگ سے 7 تا 8 بھارتی فوجیوں کے مارے جانے کی اطلاعات ہیں جن کی لاشیں بھارتی فوجی  خوف کےمارے اٹھانے کے لیے نہیں آرہے۔

اے آر وائی نیوز کے سینئر اینکر ارشد شریف نے بتایا کہ میرے پاس ایک نہیں بلکہ کئی ذرائع سے خبر آئی ہے کہ 7 سے آٹھ بھارتی فوجی جنہوں نے لائن آف کنٹرول سے پاکستان پر حملہ کرنے کے لیے باقاعدہ طور پر لائن آف کنٹرول پار کی تھی وہ پاکستانی فوج کی فائرنگ سے مارے گئے ہیں اور ان کی لاشیں تاحال وہیں پڑی ہیں بھارتی فوجیوں کی کوشش ہے جلد از جلد وہ لاشیں حاصل کرلی جائیں۔

ارشد شریف نے بتایا کہ اس قسم کے آپریشن عموماً رات میں ہی کیے جاتے ہیں لیکن پاکستانی فوجی مستعد بیٹھے ہیں جب بھارتی فوجیوں نے پانچ پاکستانی پوسٹوں پر حملے کا منصوبہ بنایا اور اس پر عمل کرنے کی کوشش کی تو ہمارے الرٹ فوجیوں نے بھارتی اہلکاروں کے رینج میں آتے ہی فائرنگ کردی تاہم بھارتی فوجیوں نے واپس بھاگتے وقت مارٹر گولے فائر کیے تھے جس سے ہمارے دو پاکستانی فوجی شہید ہوئے لیکن ہماری طرف سے فائرنگ ہوئی تو ان کے 7 سے 8فوجی اہلکار مارے گئے اور ابھی تک یہ لاشیں وہاں پڑی ہیں۔

انہوں نے کہا کہ بھارتی ڈی جی ایم او نے سرجیکل اسٹرائیک کادعویٰ یا لیکن تاحال ان حملوں کی کوئی تصاویر یا فوٹیج سامنے نہیں آسکی۔

ارشد شریف نے ذرائع سے بتایا کہ ان فوجیوں کی لاشیں فائرنگ کے بعد سے تاحال وہیں پڑی ہوئی ہیں لیکن بھارتی فوجی فائرنگ کے خوف سے اپنے ساتھیوں کی لاشیں اٹھانے نہیں آرہی۔

دوسری جانب بھارتی میڈیا نے دعویٰ کیا تھاکہ شام چھ بجے تک پاکستان میں کی گئی سرجیک اسٹرائیک کی فوٹیجز میڈیا کو جاری کردی جائیں گی لیکن تاحال بھارتی میڈیا اپنے دعوے کو ثابت نہ کرسکا اور فوٹیجز دکھائی نہ جاسکیں۔

قانون نافذ کرنے والے اداروں کا دہشت گردوں کے خلاف کومبنگ آپریشن جاری

کی طرف
ویب ڈیسک
-
0

کراچی: رینجرز ، پولیس اور قانون نافذ کرنے والے اداروں کا ملک بھر میں دہشت گردوں اور جرائم پیشہ افراد کے خلاف کومبنگ آپریشن جاری ہے۔

تفصیلات کے مطابق اسلام آباد کے قریب فتح جنگ میں حساس ادارے نے کارروائی کرتے ہوئے کالعدم تنظیم کے دہشت گرد کو دھر لیا، دہشت گرد ولی محمد عرف ابراہیم آرمی اور ایف سی اہلکاروں پر حملوں میں ملوث ہے، ولی محمد کے قبضے سے اسلحہ اورچارہینڈ گرنیڈ برامد ہوئے۔

ملتان میں سی ٹی ڈی نے ریلوے اسٹیشن کے قریب سے چار مشکوک افراد کو حراست میں لے لیا مشکوک افراد سے آٹھ دستی بم برآمد ہوئے۔

چنیوٹ میں ڈی ایس پی سٹی چنیوٹ نصراللہ خان کی زیر نگرانی پولیس اور دیگر حساس اداروں کا سرچ آپریشن شہر اور گرد و نواح کی پٹھان آبادیوں میں کیا گیا، سرچ آپریشن میں پولیس, ایلیٹ اور دیگر اداروں کی بھاری نفری شامل تھی۔

پولیس اور دیگر حساس اداروں نے کومبنگ آپریشن میں پانچ سو پچاس مشکوک افراد کی بائیومیٹرک چیکنگ کی، سات مشکوک افراد کو حراست میں لے کر اسلحہ برآمد کرلیا گیا۔

سکھر میں رینجرز اور پولیس نے نواں گوٹھ سے متعد افرادکو حراست میں لیا۔پولیس کے مطابق گرفتار افراد کے پاس شناختی کوائف نہیں تھے۔

کراچی کے علاقے لسبیلہ میں بھی رینجرز اور پولیس نے گھر تلاشی کے دوران دس افراد کو حراست میں لیا۔

دوسری جانب پنجاب پولیس نے بھی رائے ونڈ کے علاقے اڈا پلاٹ کے گرد کومبنگ آپریشن شروع کرنے کا اعلان کیا ہے۔

ملتان ریلوے اسٹیشن تباہی سے بچ گیا، چار دہشت گرد گرفتار

کی طرف
Waseem Nizami
-
0

ملتان: کاؤنٹر ٹیررازم ڈپارٹمنٹ (سی ٹی ڈی) نے بروقت کارروائی کرتے ہوئے ریلوے اسٹیشن کو بڑی تباہی سے بچالیا، گھر پر چھاپہ مار کر 4 مبینہ دہشت گردوں کو حراست میں لے کر ہینڈ گرنیڈز،بارودی مواد اور نقشے برآمد کرلیے۔

ذرائع کے مطابق سی ٹی ڈی نے مخبری پر ریلوے اسٹیشن کے قریب ایک گھر پر چھاپہ مارا اور 4 دہشت گردوں کو حراست میں لے لیا۔

چاروں دہشت گرد کالعدم تحریک طالبان سے تعلق رکھتے ہیں، گرفتار دہشت گردوں کی شناخت ہوگئی، یاسر اور راشد کا تعلق لاہور سے ہے جب کہ سعید خان وزیر ستان سے تعلق رکھتا ہے۔

ذرائع کے مطابق سی ٹی ڈی نے کارروائی میں 8 ہینڈ گرنیڈز بھی برآمد کیے جنہیں بم ڈسپوزل اسکواڈ نے ناکارہ بنادیا۔

ذرائع نے بتایا ہے کہ دہشت گرد ریلوے اسٹیشن پر حملے کی منصوبہ بندی کررہے تھے، سی ٹی ڈی نے دہشت گردوں کو مزید تحقیقات کے لیے نا معلوم مقام پر منتقل کر دیا۔

میئر کراچی کی تین مقدمات میں ضمانت منظور

کی طرف
ویب ڈیسک
-
0

کراچی: انسداد دہشت گردی کی عدالت میں میئر کراچی وسیم اختر کی 12 مئی سے متعلق درخواست ضمانت کی سماعت کے دوران فاضل جج نے مئیر کراچی کی تین مقدمات میں ضمانت منظور کرتے ہوئے فی کیس ایک لاکھ روپے کے مچلکے جمع کروانے کا حکم دے دیا۔

تفصیلات کے مطابق نومنتخب میئر کراچی وسیم اختر کی جانب سے 12 مئی سمیت تین مختلف مقدمات میں ضمانت کے لیے دائر درخواست پر سماعت کی گئی، دورانِ سماعت عدالت نے میئر کراچی کی تین مقدمات میں ضمانت منظور کرتے ہوئے ایک ایک لاکھ روپے فی کیس مچلکے جمع کروانے کے احکامات جاری کیے۔

پڑھیں: سانحہ 12 مئی کا چالان 9سال بعد پیش، وسیم اختر اقدام قتل میں نامزد

 میئرکراچی وسیم اختر کو دہشت گردوں کی علاج و معاونت کے سلسلے میں دائر ڈاکٹر عاصم کے کیس میں انسداد دہشت گردی کی عدالت سے گرفتار کیا گیا تھا تاہم معطل ایس ایس پی ایسٹ راؤ انوار نے عدالت سے ملزم کو اشتعال انگیز تقاریر کے مقدمات میں نامزد ہونے کے سبب تفتیش کے لیے ریمانڈ کی استدعا کی تھی۔

مزید پڑھیں:  الطاف حسین کو غدار سمجھتا ہوں، وسیم اختر

ایس ایس پی کی درخواست پر عدالت نے اشتعال انگیز تقاریر میں تفتیش کے لیے وسیم اختر کو ملیر پولیس لینے کے حوالے کرنے احکامات جاری کیے تھے تاہم تفتیش مکمل ہونے کے بعد انہیں عدالتی احکامات کی روشنی میں دوبارہ جیل منتقل کردیاگیا تھا۔

جیل میں قید میئر کراچی کی 12 مئی کے حوالے سے متضاد خبریں اور جے آئی ٹی رپورٹس بھی منظر عام پر آچکی ہیں، جس میں یہ بات کہی گئی ہے کہ ملزم نے سانحے میں ملوث ہونے کا اقرار کرلیا ہے جبکہ وسیم اختر کے وکلاء اور اُن کی جانب سے لکھے گئے خط میں تمام میڈیا رپورٹس کی تردید بھی سامنے آچکی ہے۔

یہ بھی پڑھیں: وسیم اخترکو رہا کیا جائے،ندیم نصرت کا مطالبہ

 میئر کراچی کی رہائی کے لیے گزشتہ اتوار کو اُن کے اہل خانہ اور سول سوسائٹی کی جانب سے رہائی کے لیے کلفٹن میں واقع تین تلوار پر احتجاجی مظاہرہ کیا گیا تھا، جس میں اُن کی اہلیہ نے دعویٰ کیا کہ’’ اُن کے خاوند پر بنائے گئے مقدمات سیاسی اور جھوٹ پر مبنی ہیں‘‘۔

اسے بھی پڑھیں: نومنتخب میئر وسیم اخترکی رہائی کے لیے سول سوسائٹی کا مظاہرہ

انہوں نے وفاقی اور صوبائی حکومتوں سے اپیل کی کہ وسیم اختر کو فی الفور رہا کیا جائے اور اُن پر بنائے گئے تمام جھوٹے مقدمات کو بھی ختم کیا جائے۔

 متعلقہ خبر پڑھیں: میئرکراچی وسیم اختر بے قصور ہوئے تو رہا ہو جائیں گے، مراد علی شاہ

 دوسری جانب وزیر اعلیٰ سندھ مراد علی شاہ نے سول سوسائٹی کے احتجاجی مظاہرے کا نوٹس لیتے ہوئے کہا تھا کہ ’’وسیم اختر کا معاملہ عدالتوں میں ہے، اگر وہ بے قصور ہوں گے تو عدالت انہیں رہا کردے گی۔ اس ضمن میں حکومت نے کوئی کردار ادا نہیں کرسکتی کیونکہ یہ قانونی معاملے ہے‘‘۔

 

محبت کے بدلے نفرت، بھارتی فنکاروں کا اصل چہرہ منظر عام پر

کی طرف
ویب ڈیسک
-
0

ممبئی: بھارت حکومت کے بعد بھارتی اداکار بھی پاکستان دشمنی میں کھل کر سامنے آگئے، کنٹرول لائن پر ناکام حملے پر بالی ووڈ اداکارشاہ رُخ خان، اکشے کمار اور لتا منگیشکر نے بھارتی فوج کا شکریہ ادا کیا۔

محبت اور مہمان نوازی کایہ صلہ دیا کہ بھارتی فنکار و اداکار بھی زہر اگلنے لگے اور بھارتی فوج کے ناکام شو کو سراہنے لگے، بالی ووڈ اداکارشاہ رخ خان نے ٹوئٹ میں ناکام حملے پر بھارتی فوج کا شکریہ اداکردیا، ٹوئٹ دیکھ کر شاہ خان کے مداحوں نے کہا کہ ناجانے کنگ خان کو کیا ہوگیا۔

شاہ رخ خان کی دیکھا دیکھی اکشے کمار نے بھی کنٹرول لائن کی خلاف ورزی پر اپنی فوج کا شکریہ ادا کیا۔

اداکار ورن دھاون، رتیش دیش مکھ، سنی دیول، لتا منگیشکر اور ارجن رامپال نے بھی اپنے ٹوئٹس میں بھارتی فوج کو سراہا ہے۔

بھارتی فوج کی امن دشمنی پر شرمندہ ہونے کے بجائے بھارتی فلم پروڈیوسرز ایسوسی ایشن نے الٹا پاکستانی اداکاروں اور پروڈکشن اسٹاف پر پابندی لگادی ہے۔

بھارتی فلم پروڈیوسرز ایسوسی ایشن نے پاکستانی اداکاروں پر پابندی لگادی

کی طرف
ویب ڈیسک
-
0

ممبئی : بھارتی میڈیا کے مطابق بھارتی فلم پروڈیوسرز ایسوسی ایشن نے پاکستانی اداکاروں پرپابندی لگادی ۔

بھارتی میڈیا نے دعویٰ کیا ہے کہ اب سے کچھ دیر قبل ممبئی میں پروڈیوسرز ایسوسی ایشن کا اجلاس ہوا جس میں پاکستانی فنکاروں پر بھارت میں کام کرنے پر پابندی لگا دی گئی ہے۔

ممبئی پروڈیوسرز ایسوسی ایشن بھی انتہاء پسندوں کی روش پر چل نکلی، بھارتی میڈیا کے مطابق، اب سے کچھ دیر قبل ممبئی میں پروڈیوسرز ایسوسی ایشن کا اجلاس ہوا جس میں پاکستانی فنکاروں پر بھارت میں کام کرنے پر پابندی لگا دی گئی ہے۔

بھارتی میڈیا کے مطابق پاکستانی فنکاروں کے ساتھ ساتھ پاکستانی پروڈکشن اسٹاف پر بھی بھارت میں کام کرنے پر پابندی لگا دی گئی ہے، بھارتی میڈیا کے مطابق، حالات ٹھیک ہونے تک پاکستانی فنکاروں کو کام نہ دینے کا اعلان کیا گیا ہے۔

واضح رہے کہ بھارتی انتہا پسندوں کی مسلسل دھمکیوں کے بعد پاکستانی فنکاروطن واپس لوٹنے لگے ہیں، بھارتی انتہا پسندوں نے پاکستانی فنکاروں کو 48 گھنٹوں میں بھارت چھوڑنے کا الٹی میٹم بھی دیا تھا۔

 

1...26,59426,59526,596...30,727صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025