سویڈن کی کیرولینسکا میڈیکل یونیورسٹی میں نو سو مجرموں کے ڈی این اے کا تجزیہ کیا گیا تجزیے سے ثابت ہواہے کہ انسانوں کو پرتشدد جرائم پر آمادہ کرنے کے ذمہ دار دو جینز ہیں،تاہم سائنسدانوں نےاس بات پر زور دیا ہے کہ ان جینز کی سکریننگ سے مجرموں کا سراغ نہیں لگایا جا سکتا تحقیقاتی رپورٹ میں یہ بھی بتایا گیا ہے کہ تشدد پر اکسانےمیں جینزکےعلاوہ ماحول بھی اہم کردارادا کرتا ہے۔
لاہور: واہگہ بارڈر کے قریب ہونے والے خودکش دھماکے کی ملک بھر کی سیاسی ومذہبی جماعتوں کی جانب سے مذمتوں کا سلسلہ جاری ہے۔
واہگہ بارڈر پر ہونے والے خودکش حملے میں قیمتی انسانی جانوں کے ضیاع پر ملک بھر کی سیاسی و مذہبی جماعتوں کا مذمتوں کا سلسلہ جاری ہے، وزیر اعظم نواز شریف ،جانب سے خودکش حملے کی شدید الفاظ میں مذمت کی ہے، وزیر اعلی پنجاب ،وزیرداخلہ چوہدری نثار نے بھی واقعہ کی شدید مذمت کرتے ہوئے آئی جی پنجاب پولیس اور ڈی جی رینجرز سے واقعے کی رپورٹ طلب کرلی۔
پاکستان عوامی تحریک کے سربراہ ڈاکٹر طاہر القادری ،تحریک انصاف کے سربراہ عمران خان نے بھی واقعہ کی شدید مذمت کی ہے، بلاول بھٹو زرداری ،آصف علی زرداری ،اور خورشید شاہ نے بھی واقعہ کی مذمت کرتے ہوئے حملے کو بزدالانہ کارروائی قرار دیا ہے، سابق صدر پرویز مشرف اور چوہدری برادران کی جانب سے بھی واقعہ کی مذمت کی ہے۔
جماعت اسلامی کے امیر سراج الحق ،جماعت الدعوہ کے سربراہ حافظ سعید اور ثروت اعجاز کی جانب سے دھماکے میں قیمتی انسانی جانوں کے ضپاع پر افسوس کا اظہار کیا۔۔گورنر کے پی کے ،گورنر گلگت بلتستان کی نے بھی خودکش حملے کی شدید مذمت کی ہے، ایم کیوایم کے قائدالطاف حسین نےواہگہ بارڈرپرخودکش حملے کی مذمت کرتے ہوئے جانی نقصان پرافسوس کااظہارکیاہے۔
کراچی: ایم کیوایم کے قائدالطاف حسین نےواہگہ بارڈرپرخودکش حملے کی مذمت کرتے ہوئے جانی نقصان پرافسوس کااظہارکیاہے۔
الطاف حسین کاکہناہے بے گناہوں کے خون سے ہولی کھیلنے والے درندہ صفت عناصر اسلام کے دوست ہیں نہ مسلمانوں اورپاکستان کے۔ واہگہ بارڈرکے قریب ہونے والاخودکش حملہ مسلح افواج، ریاستی اداروں اورحکومت کیلئےکھلا چیلنج ہے،ان کاکہناتھامسلح افواج دہشت گردعناصرکے خلاف بھرپورجنگ لڑ رہی ہےجس کی وجہ سے دہشت گرد صرف خیبرپختونخوا میں ہی نہیں بلکہ ملک بھرمیں پھیل گئے ہیں۔
اسلام آباد: ڈی جی رینجرز پنجاب کہتے ہیں حملہ آور نےچیک پوائنٹ سے کئی سوفٹ کے فاصلے پرخود کودھماکے سے اڑایا۔
واہگہ بارڈر پرخودکش حملے کےبعد ڈی جی رینجرز موقع پرپہنچے اور جائے وقوعہ کامعائنہ کیا، ان کاکہناتھا حملہ آور پریڈ کے مقام تک نہیں پہنچ سکا، جائے وقوعہ کے بعدڈی جی رینجرز پنجاب زخمیوں کی عیادت کیلئےاسپتال پہنچے اور حملے کی نوعیت سے آگاہ کیا، ڈی جی رینجرز نے بتایاحملے میں سیکیورٹی پرمامور رینجرزاہلکاربھی نشانہ بنے ۔
انہوں نے بتایا کہ رینجرز کے 3 جوان شہید اور 5 زخمی ہوئے، اب تک 44 افراد کے جاں بحق ہونے کی تصدیق ہوئی ہے، پورے ملک میں ایمرجنسی نافذ ہے، سیکیورٹی کے مناسب انتظامات تھے، خودکش حملہ آور نے پریڈ ختم ہونے کے بعد دھماکا کیا، خودکش حملہ آور کی ٹانگیں اور سر مل گئے ہیں، دھماکا تجارتی سامان والے علاقے میں گاڑیوں کی پارکنگ کے قریب ہوا۔
دوسری جانب آئی جی پنجاب مشتاق سکھیرا نے 47 افراد کے جاں بحق جبکہ 70 سے زائد افراد کے ذخمی ہونے کی تصدیق کرتے ہوئے بتایا کہ واہگہ بارڈر کے قریب دھماکا خود کش حملہ ہوسکتا ہے۔ان کہنا تھا حملہ آور کی عمر 22 سے 25 سال ہے، چیکنگ کی جگہ پر خودکش حملہ آور نے خود کو دھماکے سے اُڑایا۔آئی جی پنجاب نے کہا کہ انٹیلیجنس اطلات تھیں کہ دہشت گردی کی کاروائی ہوسکتی ہے۔
ڈھاکہ: بنگلہ دیش میں جنگی جرائم سے متعلق خصوصی ٹریبونل نے جماعت اسلامی کے ایک اور رہنما میر قاسم علی کو سزائے موت سنادی ہے۔
بنگلہ دیش میں قائم جنگی جرائم کے خصوصی ٹریبونل میں میر قاسم کے خلاف لوگوں کو اغواء کے بعد قتل کرنے، انہیں تشدد کا نشانہ بنانے کے لئے عقوبت خانہ چلانے اور دیگر الزامات کی سماعت ہوئی، ٹریبونل نے میر قاسم علی کو قتل اور اغواء کے 10 مقدمات میں قصوروار قرار دیتے ہوئے انہیں سزائے موت کے علاوہ 72 سال قید کی سزا بھی سنائی ہے۔
میر قاسم علی کے وکیل کا کہنا ہے کہ ان کے موکل کے خلاف مقدمات کی سماعت کے دوران انصاف کے تقاضوں کو پورا نہیں کیا گیا۔ اس لئے وہ اس فیصلے سے مطمئن نہیں اور وہ عدالتی فیصلے کو چیلنج کریں گے۔ دوسری جانب جماعت اسلامی بنگلہ دیش کے رہنماء مطیع الرحمان نظامی کو سزائے موت دینے کے خلاف ملک بھر میں ہڑتال بھی کی گئی۔
واضح رہے کہ اب تک موجودہ بنگلہ دیشی حکومت کی جانب سے قائم ٹریبونل جماعت اسلامی کے کئی رہنمائوں کو سزائے موت سنا چکا ہے جن میں سے ایک عبدالقادر مُلا کو پھانسی بھی دی جا چکی ہے۔
پشاور: واہگہ بارڈر کے قریب ہونے خود کش حملے کی ذمہ داری کالعدم تنظیم جندللہ نے قبول کر لی ہے۔
جنداللہ کے ترجمان نے کہا ہے کہ یہ خود کش حملہ شمالی وزیرستان میں جاری پاک فوج کے آپریشن ضرب عضب کا رد عمل ہے جس میں نشانہ رینجرز اہلکار تھے۔
واضح رہے اس خود کش حملے میں کم از کم پچاس افراد جاں بحق اور سو سے زائد زخمی ہوئے ہیں۔
کراچی: عاشورہ پر کراچی سمیت ملک کے اہم شہروں میں موبائل فون بند کرنے رہےگی۔
محکمہ داخلہ سندھ نے کراچی سمیت سندھ بھر میں نو اور دس محرم الحرام کے دن موبائل فون سروس بند کرنے کی ہدایت کردی۔
سیکرٹیری داخلہ نیاز عباسی کا کہنا تھا کہ سندھ حکومت نے وفاقی حکومت سے دہشتگردی کے پیشِ نظر سندھ موبائل سروس بند کرنے کی باضابطہ درخواست کی تھی جس آج منظوری دے دی گئی ۔
ان کا کہنا تھا کہ نو اور دس محرم الحرام کو صبح چھ بجے سے رات دس بجے تک موبائل سروس بند رہیگی۔
لاہور: پاک بھارت واہگہ بارڈر کے قریب دھماکے میں 37افراد جاں بحق اور رینجرز اہلکاروں سمیت متعدد افراد زخمی ہوگئے، ہلاکتوں میں اضافے کا خدشہ ہے، امدادی کارروائی جاری ہیں۔
اے آر وائی نی نمائندہ رابعہ نور کے مطابق دھماکہ پرچم اُتارنے کی تقریب کے بعد ہوا جبکہ ابتدائی اطلاعات ہیں کہ دھماکہ سلینڈر پھٹنے سے ہوا تاہم ابتدائی طورپر حتمی طورپر کچھ نہیں کہا جاسکتا، دھماکے کے نتیجے میں دو رینجرز اہلکار سمیت سیتیئس افراد جاں بحق اور متعدد ذخمی ہوئے ہیں، زخمیوں میں سات افراد کی حالت تشویش ناک ہے جبکہ زخمیوں میں رینجرز اہلکار بھی شامل ہیں ۔
دھماکے کے باعث واہگہ بارڈر چیک پوسٹ کے ارد گرد موجود متعدد عارضی دکانوں اور گاڑیوں کو نقصان بھی پہنچا ہے جبکہ رینجرز اہلکاروں نے علاقے کو گھیرے میں لے لیا۔
دھماکے کے بعد اسپتال میں ایمرجنسی نافذ کردی گئی ہے جبکہ کئی زخمیوں کوشالامار اسپتال منتقل کیاجارہاہے، اسپتال ذرائع کے مطابق ایمبولینسیں مسلسل زخمیوں کو لارہی ہیں اور زخمیوں کی کثیر تعداد کی وجہ سےامدادی کارروائیوں میں مشکلات کا سامناہے ۔
اے آر وائی نیوز لاہور کے بیورو چیف عارف حمید بھٹی کا کہنا تھا کہ ذرائع سے یہ خبر سامنے آئی ہے کہ دھماکہ خودکش تھا، ان کا کہنا تھا کہ حملہ آور کے پاس تقریباَ 25کلو دھماکہ خیز مواد موجود تھا تاہم پرچم اُتارنے کے تقریب کے اختتام پر حملہ آور نے خود کو دھماکے سے اُڑھادیا۔
آئی جی پنجاب مشتاق سکھیرا نے 47 افراد کے جاں بحق جبکہ 70 سے زائد افراد کے ذخمی ہونے کی تصدیق کرتے ہوئے بتایا کہ واہگہ بارڈر کے قریب دھماکا خود کش حملہ ہوسکتا ہے۔ان کہنا تھا حملہ آور کی عمر 22 سے 25 سال ہے، چیکنگ کی جگہ پر خودکش حملہ آور نے خود کو دھماکے سے اُڑایا۔آئی جی پنجاب نے کہا کہ انٹیلیجنس اطلات تھیں کہ دہشت گردی کی کاروائی ہوسکتی ہے
دوسری جانب دھماکہ کی ذمینداری کلعدم جنداللہ نے قبول کرلی ، دھماکے کے ملک کے دیگر شہروں میں سیکیورٹی ہائی الرٹ کردی گئی۔
کراچی : شہرمیں امن وامان برقرار رکھنے کےلئے قانون نافذ کرنے والے اداروں کی کارروائیاں جاری ہیں، کھارادربارہ امام بارگاہ کے قریب سے مشکوک شخص کو گرفتار کرلیا گیا۔
شہر قائد میں جرائم پیشہ عناصر کے خلاف قانون نافذ کرنے والے اداروں کی ٹارگٹڈ کارروائیاں جاری ہیں۔ پولیس نے کھاردار بارہ امام بارگاہ کے قریب سے ایک مشکوک شخص کو حراست میں لے لیا،
جس کو مزید تفتیش کے لئے نامعلوم مقام پر منتقل کردیا گیا ہے۔پولیس کا کہنا ہے کہ مشکوک شخص نے پولیس کو دیکھ کر بھاگنے کی کوشش کی تھی۔ خفیہ ادارے کے اہلکاروں نے کنواری کالونی میں مقابلے کے بعد متعدد خطرناک اور سنگین جرائم میں ملوث ملزمان کو گرفتار کیا۔
ملزمان کے قبضے سے بھاری اسلحہ اور بارودی مواد برآمد ہوا۔ رینجرز نے شہر کے مختلف علاقوں میں ٹارگٹڈ کارروائیاں کرتے ہوئے پانچ ملزمان کو گرفتار کرلیا ۔
ترجمان رینجرز کے مطابق کارروائیاں لیاقت کالونی،کھڈا مارکیٹ اور موسٰی لین میں کی گئیں۔گرفتار ملزمان کا تعلق لیاری گینگ وار سے ہے۔
لاہور: نواز شریف وزیراعظم نواز شریف نے کہا ہے کہ عوام کو معاشی اعتبار سے سہولت پہنچانا ان کی ترجیح ہے۔لاہور میں وزیر اعلیٰ شہباز شریف سے بات چیت کرتے ہوئے وزیراعظم نواز شریف کا کہنا تھا کہ عوام کی جان و مال سے بڑھ کر کوئی چیز مقدم نہیں۔
انہوں نے کہا کہ قانون نافذ کرنیوالے ادارے محرم الحرام کے دوران اپنی ذمہ داریاں دل جمعی سے مکمل کریں۔ اس موقع پر وزیر اعلی پنجاب شہباز شریف نے وزیر اعظم کو یقین دہانی کرائی کہ عوام کو ملنے والی سہولت کی راہ میں رکاوٹ بننے والوں کوکسی صورت برداشت نہیں کیا جائے گا۔
وزیر اعلیٰ نے کہا کہ حکومتی اقدامات کے ثمرات عوام تک پہنچانے کیلئے ہدایات جاری کر دی ہیں۔ دونوں رہنماؤں کے درمیان ملاقات میں ملک کی مجموعی سیاسی صورتحال سمیت محرم الحرام کی سکیورٹی اور امن و امان کی صورتحال پر بھی غور کیا گیا۔
