اے آروائی نیوزکوکھولنےکالیٹرپیرکوجاری کردیاجائےگا،پیمراحکام نے صحافتی تنظیموں کو یقین دہانی کرادی۔ وزیراطلاعات نے کیبل آپریٹرز کے مسائل حل کرنےکیلئےمتعلقہ حکام کو ہدایت بھی کردی۔اےآروائی نیوزکی بندش کےخلاف صحافی تنظیمیں اسلام آباد میں پیمرا دفترپہنچ گئیں۔

پاکستان فیڈرل یونین آف جرنلسٹ،راولپنڈی اسلام آباد یونین آف جرنلسٹ اور پیمرا حکام کے درمیان ملاقات میں چینل کی بندش اورکیبل آپریٹرزکو ہراساں کرنے سمیت دیگر شکایات سے آگاہ کیا گیا ۔ پیمراحکام نے صحافی تنظیموں کواےآروائی کھولنے کا لیٹرپیر کو جاری کرنےکی یقین دہانی کرادی۔

پی ایف یو جے کے رہنماافضل بٹ نےکہا ہے کہ کیبل آپریٹرزکو چینل نمبرزکے حوالے سے آئینی حق حاصل ہے ۔ کیبل آپریٹرزایسوسی ایشن کے وفد نےوزیر اطلاعات و نشریات پرویز رشیدسے بھی ملاقات کی۔اور اپنی مشکلات سے آگاہ کیا۔پرویزرشید نےمتعلقہ حکام کومسائل کےحل کےلئےہدایت جاری کردیں۔

کیبل آپریٹر زایسوسی ایشن کے صدر خالد آرائیں نےکہا کہ کچھ عناصر کیبل آپریٹرز پر دباؤ ڈال رہے تھے۔اے آروائی نیوز کی سزا کی مدت ختم ہوچکی ہے، خالد آرائیں نے بتایاکہ وزیر اطلاعات نے کسی چینل کوخاص نمبر پرلگانے کی ہدایت نہیں کی۔