روتے بچے کو دیکھ کر کسے ترس نہیں آتا لیکن وہی روتا بچہ جن یا بھوت نکل آئے تو اچھے اچھوں کی چیخیں نکل آتی ہیں۔
نیویارک کی سڑکوں پر لوگوں سے کچھ ایسا مذاق کیا گیا کہ ان کے پسینے چھوٹ گئے، ایک واکر میں بچہ نما روبوٹ نصب کیا گیا، جسے روتا دیکھ کر راہ گیر جب اس کی طرف متوجہ ہوئے تواس کی ڈراؤنی حرکت سے ان کی چیخیں نکل گئیں۔
،اس روبوٹ بچے کو ہالی ووڈ کی ایک ڈراؤنی مووی ڈیول ڈیوز کیلئے تیار کیا گیا جسے تجربے کیلئے نیویارک کی سڑکوں پر چھوڑا گیا تھا۔
لاس انجلس میں ہالی وڈ کی ایکشن فلم جیک ریائن شیڈو ریکروٹ کا رنگارنگ پریمئیر سجا، جسمیں فلم کی کاسٹ سمیت معروف اداکاروں نے شرکت کی۔
ہالی وڈ کی نئی ایکشن سے بھرپور فلم جیک ریائن شیڈو ریکروٹ کا رنگارنگ پریمئیر لاس اینجلس میں ہوا، جہاں اپنے پسندیدہ ستاروں کی ایک جھلک دیکھنے پرستاروں کی بڑی تعداد موجود تھی۔
فلم کی کہانی ایک ایماندار پولس افسر کی ہے، جو جرم کی دنیا کا بادشاہ اور معصوم انسانوں کی زندگیوں سے کھیلنا والے درندے سے نمٹنے کیلئے دلچسپ ہربے استعمال کرتا ہے۔
فلم کا مرکزی کردار کیون کوسٹنر نبھا رہے ہیں جبکہ چال باز ویلن کا کردار کس پائن نبھا رہے ہیں، ہالی وڈ کی نئی فلم ایکشن ماردھاڑ، زندگی اور موت کی جنگ کے دل دہلا دینے والے مناظر سے بھرپور ہے۔
جیک ریائن شیڈو ریکورٹ کی داستان سترہ جنوری کو سنیما گھروں کی زینت بنے گی۔
دفاعی چیمپئین قطر کے نصیر ال عطیہ نے ڈاکار ریلی کا دسواں مرحلہ جیت لیا۔ سابق ورلڈ ریلی چیمپئین حادثے کے بعد ریس سے باہر ہوگئے۔ چلی میں ہونے والی ڈاکار ریلی کا دسواں مرحلہ چھ سو تیس کلو میٹر پر مشتمل تھا۔
دفاعی چیمپئین قطر کے نصیر ال عطیہ نے ریس میں اپنی برتری برقرار رکھی اور فنشنگ لائن سب سے پہلے عبور کرتے ہوئے ہوئے ریس لیڈر نینی روما پر مجموعی برتری کا فاصلہ کم کردیا۔
سابق ورلڈ ریلی چیمپئین اسپین کے کارلوس سینز حادثے کے سبب ریس سے باہر ہوگئے۔ موٹربائیک ریس میں جون بیریڈا نے میدان مارلیا۔ اسپین کے مارک کوما ریس میں لیڈ کررہے ہیں۔
پشاور ہائیکورٹ میں لاپتہ افراد کو حراست میں لینے میں ملوث اہلکاروں کیخلاف کارروائی کا حکم دیا ہے۔
پشاور ہائیکورٹ میں چار سو تیرہ لاپتہ افراد سے متعلق کیس کی سماعت جسٹس فصیح الملک اور جسٹس ارشاد قیصر پر مشتمل دو رکنی بینچ نے کیس کی سماعت کی۔
محکمہ داخلہ کی جانب سے ڈپٹی سیکیریٹری عثمان زمان عدالت میں پیش ہوئے، سماعت کے دوران ڈپٹی اٹارنی جنرل مزمل شاہ کا کہنا تھا کہ اٹھارہ لاپتہ افراد کو حراستی مراکز میں منتقل کردیا گیا ہے۔
پشاور ہائیکورٹ نے آئی جی خیبرپختونخوا کو ہدایت کی کہ لاپتہ افراد کو اٹھانے میں ملوث پولیس اہلکاروں کے خلاف کاروائی کی جائے، ڈپٹی اٹارنی جنرل نے عدالت کو تفصیلی رپورٹ جمع کرانے کے لئے ایک ماہ کی مہلت مانگی۔
جس پر عدالت نے کیس کی سماعت چھبیس فروری تک ملتوی کرتے ہوئے آئندہ سماعت پر تفصیلی رپورٹ جمع کرانے کا حکم دیا۔
جمہوریہ چیک کے ٹوماس برڈچ نے آسٹریلین اوپن ٹینس ٹورنامنٹ کے تیسرے راؤنڈ کے لئے کوالیفائی کرلیا۔ جرمنی کی سبائن لسکی اپ سیٹ شکست کے بعد ٹورنامنٹ سے باہر ہوگئیں۔ میلبورن میں جاری سال کے پہلے گرینڈ سلم ایونٹ کے دوسرے راؤنڈ کے میچ میں سیونتھ سیڈ جمہوریہ چیک کے ٹوماس برڈچ نے فرانس کے کینی ڈی شیپر کے خلاف اسٹریٹ سیٹس میں کامیابی حاصل کرتے ہوئے تیسرے راؤنڈ تک رسائی حاصل کی۔
چیک کھلاڑی کی فتح کا اسکور چھ چار، چھ ایک اور چھ تین رہا۔ ویمنز سنگلز کے میچ میں ومبلڈن فائنلسٹ جرمنی کی سبائن لسکی کو رومانیا کی مونیکا نوکلسیکو نے اپ سیٹ شکست دی۔ جرمن کھلاڑی نے پہلا سیٹ چھ دو سے جیت کر برتری حاصل کی جس کے بعد حریف کھلاڑی نے دونوں سیٹس چھ دو اور چھ دو سے جیت کر میچ اپنے نام کرلیا۔
پنجاب کے کئی شہروں میں دھند کا راج ہے، لاہور میں درجنوں پروازیں موخر ہونے سے مسافروں کو پریشانی کا سامنا کرنا پڑا، محکمہ موسمیات کے مطابق حد نگاہ پچاس میٹر تھی، شیخوپورہ میں دھند کے باعث اسکول وین الٹنے سے متعدد طلبہ زخمی ہوگئے۔
،صوبائی دارالحکومت لاہور نے رات ہی سے دھند کی چادر اوڑھی ہوئی تھی جس کے باعث لاہور کے ایئرپورٹ کو بند کرنا پڑا، جس کی وجہ سے بیرون ملک روانہ ہونے والی دس پروازیں موخر ہوئی جبکہ اندرون ملک جانے والی دو پروازیں منسوخ اور دو موخر ہوگئیں۔
بیرون ملک سے آنے والی ایک پرواز منسوخ جبکہ نو پروازیں تاخیر کا شکار ہیں، اسی طرح اندرون ملک سے آنے والی تین پروازیں منسوخ جبکہ تین کی آمد میں تاخیر ہے، اوسلو، لندن، استنبول اور دمام سے لاہور آنے والی پروازوں کو کراچی ایئرپورٹ پر اتار لیا گیا۔
محکمہ موسمیات کے مطابق اس وقت حد نگاہ پچاس میٹر ہے جبکہ دھند کے باعث موٹروے کے مختلف سیکشن بھی سفر کیلئے بند ہیں، شیخوپورہ میں دھند کے باعث اسکول وین الٹنے سے متعدد بچوں کی معمولی زخمی ہوئے، جنہیں مرہم پٹی کے بعد گھروں کو روانہ کردیا گیا۔
گجرات اور گردونواح میں شدید دھند کا سلسلہ ایک مرتبہ پھر شروع ہو گیا، جس کے باعث جی ٹی روڈ پر سفر کرنے والے مسافروں کو شدید مشکلات کا سامنا کرنا پڑ ا۔
جرمنی کے چڑیا گھر میں برفانی بھالو کے جڑواں بچوں کی پیدائش نے سب کی توجہ حاصل کرلی۔
ننھے بچوں کی معصوم حرکتیں ہر کسی کا دل موہ لینے کی صلاحیت رکھتی ہیں اب چاہے وہ انسانوں کے بچے ہوں یا جانوروں کے بچے ہوں، جرمنی کے چڑیا گھر میں ننھے منھے برفانی بھالو کے جڑواں بچوں کی آمد نے سب کے دل جیت لئے۔
ننھے برفانی بھالو کا وزن تین سو گرام ہے، بچوں کو خاص نگہداشت میں رکھا گیا ہے، انتظامیہ کا کہنا ہے کہ ان ننھے بچوں کو اپنی ماں کی خاص توجہ کی ضرورت ہے، جلد ہی عوام کے سامنے ننھے جڑواں بچوں کو رونمائی کیلئے پیش کیا جائیگا۔
پاکستان اور بھارت کے سیکریٹری سطح کے تجارتی مذاکرات کا دوسرا دور آج نئی دہلی میں ہو رہا ہے، جس میں باہمی تجارت بڑھانے کے لئے اہم اعلانات متوقع ہیں۔
سولہ ماہ کے تعطل کے بعد ایک بار پھر پاکستان اور بھارت کے درمیان تجارتی تعلقات پر مذکرات بحال ہوگئے، پاک بھارت سیکریٹری لیول مذاکرات کا پہلا دور گزشتہ روز نئی دلی میں ہوا۔
پاکستانی وفد کی سربراہی سیکریٹری تجارت نیاز قاسم نے کی، ذرائع کے مطابق پہلے دن کے مذاکرات میں پاکستان کی جانب سے تجارتی تعلقات میں بہتری کی بات کی گئی ہے۔
وزیرمملکت برائے تجارت خرم دستگیر خان آج نئی دہلی پہنچیں گے، جہاں وہ سارک بزنس لیڈرز کے اجلاس میں شرکت کرینگے، خرم دستگیر خان اٹھارہ جنوری کو بھارتی ہم منصب آنند شرما سے ملاقات بھی کریں گے۔
ماہرین کا کہنا پاک بھارت تجارتی سیکریٹریز کے درمیان ملاقات سے مستقبل قریب میں مزید ہم آہنگی پیدا ہوگی اور اہم اعلانات متوقع ہیں۔
ہالی وڈ کی نئی ہارر فلم آلموسٹ ہیومن کا دل دہلا دینے والا ٹریلر منظر عام پر آگیا۔
ہالی ووڈ میں ان دِنوں خوف اور دہشت کا راج ہے، اسی سلسلے میں نئی ہاررتھرل فلم آلموسٹ ہیومین کا ٹریلر ریلیز کر دیا گیا ہے، جوئے بیوگس کی ڈائریکشن میں بننے والی اس فلم کی کہانی ایک ایسے شخص کے گِرد گھومتی ہے، جو برسوں قبل اپنے گھر سے تیز روشنی کے نمودار ہونے کے بعد اچانک غائب ہو جاتا ہے۔
جسکے بعد پر اسرار طور پر بے شمارلوگ قتل ہونا شروع ہو جاتے ہیں، ڈراؤنے مناظر اور دِل دہلا دینے والے واقعات پر مبنی اس فلم میں مرکزی کردارجوش ایتھر، گراہم اسکیپر، ونیزالِی، مائیکل لو سیرو اور ٹونی ایمریل ادا کر رہے ہیں، جو اکیس فروری کو سنیما گھروں کی زینت بنے گی۔
پاکستان اور سری لنکا کی ٹیموں کے درمیان تیسرا اورآخری ٹیسٹ شارجہ میں شروع ہوگیا۔ سری لنکا نے ٹاس جیت کر پہلے بیٹنگ کا فیصلہ کیا۔ آخری اطلاعات تک سری لنکا کے اوپنرز نے بغیرکسی نقصان کے تیس رنز بنا لیے۔ مہمان ٹیم کو سیریز میں ایک صفر کی برتری حاصل ہے۔
میں پاکستانی شاہین ٹائیگرز سے ابو ظہبی ٹیسٹ کی شکست کا بدلہ لینے کے بے تاب ہیں ۔آخری ٹیسٹ سے قبل کھلاڑیوں نے بھرپور محنت کی اور اپنی خامیوں کو قابو پانے کے لئے بیٹنگ ٹیکنیک بھی بہتر کی۔
پہلا ٹیسٹ ڈرا ہونے کے بعد دوسرے میچ میں سری لنکن ٹیم نے تینوں شعبوں میں پاکستان کو آؤٹ کلاس کرتے ہوئے فتح سمیٹی۔ سری لنکن ٹیم سیریز ہارنہیں سکتی اور پاکستان ٹیم سیریز جیت نہیں سکتا۔ سیریز برابر کرنے کے لئے قومی ٹیم کو مشکل چیلنج درپیش ہے۔
سیریز کی شکست اور رینکنگ میں تنزلی کو بچانے کے لئے تیسرا جیت جیتنا پاکستان کیلئے بہت ضروری ہوگیا ہے۔
