ایم کیو ایم کے قائد الطاف حسین نے ایس پی سی آئی ڈی چوہدری اسلم کی بیوہ کو ٹیلی فون کیا اور ان سے چوہدری اسلم اور ان کے ساتھیوں کی شہادت پر تعزیت کی ۔

ایم کیو ایم کے قائد الطاف حسین نے ایس پی سی آئی ڈی چوہدری اسلم شہید کی بیوہ نورین اسلم سے ٹیلی فون پر رابطہ کیا۔ الطاف حسین نے کہا کہ آزمائش کی اس گھڑی میں آپ نے جس طرح ہمت وجرات اور صبروتحمل کا مظاہرہ کیا ہے وہ ایک مثال ہے۔

چوہدری اسلم کی بیوہ نورین اسلم کاکہنا تھا کہ چوہدری اسلم شہید نے ملک وقوم کی خاطر اپنی جان کا نذرانہ پیش کیا ہے ، وہ اپنے بہادر شوہرچوہدری اسلم شہید کا نام زندہرکھیں گی۔

رابطہ کمیٹی کے فیصلے کے تحت اس سلسلے میں لیاری ایکسپریس وے کے اس مقام پر جہاں ایس پی چوہدری اسلم کی شہادت کاواقعہ پیش آیا وہاں شہید کوخراج عقیدت پیش کرنے کیلئے گلدستے اورپھول رکھے جائیں گے اورشہیدوں کی یاد میں شمعیں روشن کی جائیں گی ۔

ایم کیوایم کی رابطہ کمیٹی نے سول سوسائٹی،وکلاء اور تمام عوام سے اپیل کی کہ وہ پاکستان کے لئے اپنی جانیں قربان کرنے والے بہادراورنڈرافسر چوہدری اسلم شہید اوران کے ساتھ شہیدہونے والے پولیس کے جوانوں کوخراج عقیدت پیش کرنے کیلئے ہفتہ 18جنوری کو شام پانچ بجے شہادت کے مقام پرپہنچ کر گلدستے رکھیں اورشمعیں جلائیں۔

رابطہ کمیٹی نے پولیس افسران اورجوانوں سے بھی اپیل کی کہ وہ بھی چوہدری اسلم شہید اوراپنے دیگر شہید ساتھیوں کوخراج عقیدت پیش کرنے کیلئے پھول چڑھائیں اورشمع جلائیں اوراس عزم کااظہارکریں کہ ملک وقوم کی بقاء کیلئے وہ بھی جرات وہمت کامظاہرہ کرتے رہیں گے اوراپنے شہیدساتھیوں کامشن جاری رکھیں گے۔

رابطہ کمیٹی نے کہاکہ چوہدری اسلم شہید نے پاکستان کے خلاف سرگرم دہشت گردوں کے خلاف کارروائیاں کرتے ہوئے اپنی جان دی ہے اورپوری قوم چوہدری اسلم شہید اوران کے شہیدساتھیوں کوسلام پیش کرتی ہے ۔
   

آل پاکستان مسلم لیگ اور متحدہ قومی موومنٹ کے کارکن پرویز مشرف کے حق میں میدان میں آ گئے کہتے ہیں فوج کا سپہ سالار غدار نہیں ہو سکتا، مقدمات انتقامی کاروائی کا نتیجہ ہیں۔

اسلام آباد پریس کلب کے سامنے متحدہ قومی موومنٹ اور آل پاکستان مسلم لیگ کی جانب سے پرویز مشرف کے حق میں مظاہرہ کیا گیا، حامیوں نے نعرہ بازی کرتے ہوئے کہا کہ پرویز مشرف کو انتقامی کاروائی کا نشانہ بنایا جا رہا ہے، وہ انٹر پول کے ذریعے نہیں بلکہ خود اپنی مرضی سے پاکستان آئے تھے پہلے تاحیات نا اہل قرار دیا گیا بعد میں ضمانتیں منسوخ کر کے سیاسی مقدمات بنائے گئے

پرویز مشرف کے وکیل احمد رضا قصوری نے کہا ہے کہ پرویز مشرف ٹرائل حکومت کے گلے میں ہڈی بن چکا ہے اور مارچ کے اختتام تک نواز حکومت ختم ہوتی ہوئی نظر آ رہی ہے ،پرویز مشرف کی عدالت پیشی ڈاکٹروں کی اجازت سے منسوب ہو گی۔

ایم کیو ایم کے رکن رابطہ کمیٹی میاں عتیق نے کہا کہ الطاف حسین کو یقین ہے کہ پرویز مشرف سچے انسان ہیں جبکہ الطاف حسین نے پرویز مشرف کے حق میں احتجاج کا دائرہ وسیع کرنے کی ہدائیت بھی کر دی ہے۔
   

وزیر اعظم کے مشیر برائے امور خارجہ سرتاج عزیز نے کہا ہے کہ افغانستان اور پاکستان کے درمیان عتماد کے فقدان میں کمی آئی ہے، ایسے طالبا ن سے مذاکرات کرنے ہوں گے جو بات چیت کرنا چاہتے ہیں ۔

وفاقی درالحکومت اسلام آباد میں افغانستان کے موضوع پر منعقدہ ایک سمینار سے خطاب کرتے ہوئے سرتاج عزیز نے کہا کہ پاکستان پُرامن افغانستان چاہتاہے پاکستان مستحکم ہمسایہ ممالک کے بغیر معاشی اہداف حاصل نہیں کرسکتا ۔ عالمی برادری کو افغانستان کا ساتھ دینا ہو گا ہمیں ایسے لوگوں کو مذاکراتی ٹیبل پر لانا ہوگا جو بات چیت کرنا چاہتے ہیں۔

چلڈرن گلوبل نیٹ ورک کی سی ای او مہناز عزیز نے کراچی میں گھریلو ملازم پر تشدد کی مذمت کرتے ہوئے کہا کہ پاکستان میں قوانین پر عمل کرانے والے ہی ایسے گھناؤنے کام کرتے ہیں ۔

چلڈرن گلوبل نیٹ ورک کی سی ای او مہناز عزیز نے اے آر وائی نیوز سے خصوصی بات چیت کرتے ہوئے کہا کہ ۔ پاکستان میں قانون بنانا بہت آسان لیکن عمل کرانا مشکل ہے۔،

قانون پر عملدرآمد کرانے والے بڑے لوگ ہی ایسے گھناؤنے کام کرتے ہیں ، مہناز عزیز نے چیف جسٹس سے ہریش چند کے ساتھ پیش آئے حادثے کا نوٹس لینے اور مجرموں کو انصاف کی کٹہرے میں لانے کی اپیل کی ، مہناز عزیز کا کہنا تھا کہ کمسن ملازموں کی تعداد میں اضافہ اور ان پر تشدد کی ایک بڑی وجہ ملک میں بے انتہا غربت کا ہونا بھی ہے۔

وفاقی وزیر برائے فوڈ سکیورٹی اینڈ ریسرچ سکندر حیات بوسن نے اٹھارہویں ترمیم کی مخالفت کرتے ہوئے کہا ہے کہ اٹھارہویں ترمیم سے شعبہ زراعت سب سے زیادہ متاثر ہوا ہے۔

قومی اسمبلی کی قائمہ کمیٹی برائے فوڈ اینڈ ریسرچ کا جلاس چیئرمین کمیٹی ملک شاکراعوان کی زیر صدارت پارلیمنٹ ہاؤس میں ہوا، وفاقی وزیر سکندر حیات بوسن کا اس موقع پر کہنا تھا، آئین میں اٹھارہویں ترمیم انہتائی عجلت میں کی گئی، اٹھارہویں ترمیم سے قبل صوبوں میں ہوم ورک نہیں کیا گیا ۔

کمیٹی کے ممبرعبد الستار بچانی نے وزیر خوراک پر تنقید کرتے ہوئے کہا اٹھارویں ترمیم سے صوبائی  سطح پر زراعت متاثر نہیں ہوئی ہمیں زاعت سے متعلق اداروں کو صوبائی بنیادوں پر مضبوط کرنا ہوگا۔
   

اپوزیشن لیڈر خورشید شاہ کا کہناہے کہ دہشت گردی کیخلاف آج بھی حکومت کے ہر فیصلے کے ساتھ ہونگے،چوہدری نثار میں طالبان سے مذاکرات کرنے کی صلاحیت ہی نہیں،مشرف کے معاملے پر حکومت کے ہاتھ مضبوط کئے۔

 اسلام آباد میں میڈیا سے گفتوگ میں قومی اسمبلی میں اپوزیشن لیڈر خورشید شاہ کا کہنا تھا کہ طالبان سےمذاکرات پر تنقید کے بجائے حکومت کی حمایت کی، امن کیلئے سوات میں فوجی چھاؤنی کے قیام سمیت ہراقدام کی حمایت کرینگے۔

خورشید شاہ کا کہناتھا کہ پرویزمشرف کےمعاملےپرحکومت سےکوئی سمجھوتہ نہیں، پرویزمشرف معاملےپرنوازشریف کےہاتھ ضرورمضبوط کیے۔

خورشید شاہ نے مزید کہا کہ جمہوری حکومتوں نےعدالتوں کا سامنا کیا،ڈکٹیٹروں نےنہیں،ڈکٹیٹروں نے پھانسیاں دی، کوڑےمارےاورجیل میں ڈالا چوہدری نثارکی بچکانہ باتوں پر بہت افسوس ہے،اور وہ اپوزیشن کے احتجاج کو اہمیت نہیں دے رہے۔

مسلم لیگ ن کے رہنما حمزہ شہباز کا کہنا تھا کہ جو لوگ بات کرنا چاہتے ہیں ان سے بات ہوگی اور جو حکومتی رٹ کو چیلنج کرےگا اس سے اسی انداز میں نمٹا جائے گا۔

لاہور میں میڈیا سے بات کرتے ہوئے مسلم لیگ ن کے رہنما حمزہ شہباز نے کہا کہ وہ عمران خان سے پوچھتے ہیں کہ خیبر پختونخوا میں ان کی طالبان کے حوالے سے کیا پالیسی ہے۔

دہشتگردی کے حوالے سے عمران خان خود کنفیوز ہیں، حمزہ شہباز کا کہنا تھا کہ جو لوگ ملک کو کمزور ریاست بنانا چاہتے ہیں اس سے سختی سے نمٹا جائے گا انیس کروڑ لوگوں کو چند ہزار لوگ یرغمال نہیں بنا سکتے۔

حمزہ شہباز نے کہا کہ نیازی چوک سے بھاٹی گیٹ تک انٹر چینج بنانے سے ایک ارب روپے کے پیٹرول کی بچت ہوگی اور منصوبے کے متاثرین کو معاوضہ بھی اد ا کیا جائے گا۔