جنوبی سوڈان کے وزیر دفاع کا کہنا ہے کہ باغی گروہ کے سربراہوں کا جنگجوؤں پر کنٹرول نہیں ہے، جس کے باعث امن مذاکرات کی کامیابی نا ممکن ہے۔

جنوبی سوڈان کے وزیر دفاع کا کہنا تھا کہ باغی گروہوں کا ملک کے دو قصبوں پر کنٹرول ہے جو کہ تیل کی آ مدورفت کے حوالے سے نہایت اہم ہیں۔

وزیر دفاع کا مزید کہنا تھا کہ باغی گروہ کے سربراہوں کا جنگجوؤں پر مکمل کنٹرول نہیں ہے، جس کے باعث امن مذاکرات کی کامیابی مشکل ہورہی ہے، دوسری جانب متحارب باغی گروہوں کا موقف ہے کہ وہ اپنے اپنے علاقوں پر تسلط برقرار رکھیں گے۔

یاد رہے کہ نوزائیدہ ملک جنوبی سوڈان سن دوہزار گیارہ میں اپنی تخلیق کے بعد سے ہی مختلف مسائل کا شکار ہے اور وسط دسمبر سے جاری خانہ جنگی میں ابتک ہزاروں انسان لقمہ اجل بن چکے ہیں۔

یوکرائن میں جاری حکومت مخالف مظاہروں کو روکنے کے لئے یوکرائن کی پارلیمنٹ نے قانون منظور کرلیا۔

غیرملکی خبر ایجنسی کے مطابق اس قانون کے تحت بیرون ملک سے مالی مدد حاصل کرنے والی غیر سرکاری تظیمیں سیاسی سرگرمیوں میں حصہ نہیں لے سکیں گی، قانون پر عمل نہ کرنے پر انہیں غیر ملکی ایجنٹ بھی قرار دیا جاسکتا ہے۔

اس قانون کی منظوری پر اپوزیشن نے سخت ردعمل ظاہر کیا تھا، اس قانون کی منظوری کے لئے ابھی صدر کے دستخط باقی ہیں، یاد رہے کہ اس سے قبل یوکرائن کی پارلیمنٹ نے حکومت مخالف مظاہروں کے دوران پولیس کے ساتھ جھڑپوں میں گرفتار ہونے والے مظاہرین کی سزا معاف کرنے پراتفاق کیا تھا۔
   

برازیل میں آسمانی بجلی گرنے سے مقدس مورتی کو نقصان پہنچے پرعوام خوفزدہ ہے،  حکومت سے مورتی کی مرمت کا مطالبہ کردیا۔

غیر ملکی خبر ایجنسی کی رپورٹ کے مطابق برازیل کے دارلحکومت ریوڈی جنیرو کے پہاڑ پر نصب دیوقامت تاریخی مقدس مورتی پر آسمانی بجلی گرنے سے مورتی کے ہاتھ اور جسم پر نشانات پڑ گئے ہیں۔

دوسری جانب برازیلین حکومت نے موسمیاتی خرابی کے باعث مورتی کی مرمت آئندہ ماہ کرانے کا اعلان کیا ہے، جس پر شہریوں میں سخت غم و غصہ پایا جاتا ہے ، یاد رہے کہ برازیلین اپنے عقیدے کے تحت اس مورتی کو مقدس سمجھتے ہیں اور مورتی پر آسمانی بجلی گرنے سے خوف وہراس میں مبتلا ہیں۔
   

لبنانی سرحدی علاقے ارسل میں شامی باغیوں کی جانب سے میزائل حملہ کیا گیا، جس کے نتیجے میں سات افراد ہلاک پندرہ زخمی ہوگئے۔

شام میں تین سال سے جاری خانہ جنگی میں شدت آگئی ہے، شام کے صدر بشار الاسد سے برسر پیکار باغیوں نے ملک کے اندر حملوں کے ساتھ ہی بشار الاسد کے حمایتی پڑوسی ملکوں پر بھی راکٹ برسانے شروع کردیئے ہیں۔

لبنانی سرحد کے قریب ایک حملے میں سات افراد جاں بحق ہوگئے، جن میں بچے بھی شامل ہیں جبکہ متعدد افراد زخمی ہیں، جنہیں علاج معالجے کے لئے اسپتال منتقل کردیا گیا ہے۔

اسپینش وزیراعظم ماریانو راجوئے نے کیٹالونیا کی اسپین سے علیحدگی کے لئے کئے جانے والے مذاکرات کو فی الحال ناممکن قرار دے دیا ہے۔

چار صوبوں پر مشتمل اسپین کا مشرقی علاقہ کیٹالونیا پہلے ہی الگ نیم خود مختار حیثیت کا حامل ہے، حال ہی میں کیٹالونیا کی پارلیمینٹ نے اسپین سے مکمل علیحدگی اور اقتدار اعلیٰ کے لئے قرارداد منظور کی تھی۔

جس کے بعد اسپینش وزیراعظم سے باقاعدہ مذاکرات کا آغاز کیا جانا تھا تاہم وزیراعظم راجوئے نے کیٹالونیا کے منتخب نمائندوں سے علیحدگی کے مسئلے پر کسی بھی بات چیت سے فی الحال انکار کردیا ہے۔
   

مذاکراتی عمل شروع ہونے کے باوجود اسرائیلی افواج کی جارحیت جاری ہے، فائرنگ سے تین فلسطینی زخمی ہوگئے۔

میڈیا رپورٹس کے مطابق غزہ اسرائیلی فوج کی جانب سے فصلوں کو تباہ کرکے شاہراہ بنانے کے خلاف احتجاج کرنے والے مظاہرین پر فائرنگ کی گئی، جس کے باعث تین فلسطینی زخمی ہوگئے۔

زخمی ہونے والے مظاہرین کو فوری طورپر قریبی اسپتال بھیج دیا گیا، یاد رہے کہ تین روزقبل بھی اسرائیلی فضائیہ نے پانچ مختلف مقامات پر فضائی حملے کئے تھے، جن میں پانچ افراد زخمی ہوگئے تھے، جن میں تین بچے بھی شامل تھے۔
    
   
   

امریکی شہر لاس اینجلس کی مقامی عدالت نے نادیہ سلمان کو عدم ثبوت پر غبن کے الزام سے بری کردیا۔

دوہزار نو میں آٹھ بچوں کو ایک ساتھ جنم دے کر ملک گیر شہرت حاصل کرنے والی نادیہ سلمان پر فلاحی ادارے کی جانب تیس ہزار امریکی ڈالر خرد برد کرنے کا الزام عائد تھا۔

استغاثہ کی جانب سے چودہ بچوں کی ماں پر الزام عائد کیا گیا تھا کہ بچوں کی کفالت کے حوالے سے غلط بیانی سے کام لیتے ہوئے نادیہ نے مخلتف این جی او سے امداد کی مد میں کثیر رقم ہتیائی ہے۔

تاہم ثبوت کی عدم فراہمی پر نادیہ سلمان کو بری کردیا گیا ہے، جرم ثابت ہونے پر نادیہ کو پانچ سال آٹھ ماہ کی سزا بگتنا پڑتی۔
   

بھارت میں ایک اور غیر ملکی خاتون کے ساتھ اجتماعی زیادتی کی گئی،غفلت برتنے پر ایک پولیس آفیسر کو معطل کردیا گیا۔

بھارت میں پولیس کی ناقص تفتیش کے باعث غیرملکی خواتین کے ساتھ اجتماعی زیادتی کے واقعات میں تیزی سے اضافہ ہورہا ہے، دو روز قبل نئی دہلی میں ڈینش خاتون کے ساتھ اجتماعی زیاتی کیس میں پولیس کی ناقص تفتیش کے بعد عوام سڑکوں پر نکل آئی اور پولیس انتظامیہ کے خلاف نعرے بازی کی۔

عوام کے احتجاج پر شہری ترقی کے وزیر منیش سودیا نے تفتیش میں غفلت برتنے پر پولیس افسر کو معطل کرکے نئے سرے سے تفتیش کے احکامات جاری کرتے ہوئے دو دن میں رپورٹ طلب کرلی ہے، یاد رہے کہ اکاون سالہ ڈینش خاتون کو نئی دلی میں چھ افراد نے اجتماعی زیادتی کا نشانہ بنایا تھا۔