ممبئی: بھارتی اداکارہ اوشین برار نے نامور پنجابی گلوکار دلجیت دوسانج کی خفیہ بیوی ہونے کی خبروں پر بالآخر خاموشی توڑ دی۔

میڈیا رپورٹس کے مطابق کچھ روز قبل دلجیت دوسانج کی اوشین برار کے ساتھ تصویر منظرِ عام پر آئی تھی جس میں اداکارہ کو گلوکار کی بیوی قرار دیا گیا۔

تاہم بعد میں پتا چلا کہ یہ گلوکار کی اہلیہ نہیں بلکہ دوست ہیں۔ دونوں نے 2015 میں ریلیز ہونے والی فلم ’مختیار چڈھا‘ میں ایک ساتھ کام کیا تھا۔

حالیہ انٹرویو میں اوشین برار نے کہا کہ میرے خیال سے کوئی نہیں چاہتا تھا کہ میں دلجیت کے ساتھ فلم کی پروموشن کروں حالانکہ میں اس کی مرکزی کردار تھی، میں اس رویے کی وجہ سے تاحال بے خبر ہوں۔

اداکارہ نے کہا کہ ہو سکتا ہے اُس وقت میں صرف 19 سال کی تھی اور دلجیت کے ساتھ ڈیبیو پروجیکٹس کیے تھے، سچ کہوں تو اس سے مجھے کوئی فرق نہیں پڑتا۔

انہوں نے کہا کہ میں نے ان کے ساتھ کام کرنے میں بہت اچھا وقت گزارا، 19 سال کی تھی اور انہوں نے فلم کے کردار کو سمجھنے میں شوٹنگ کے دوران میری بہت مدد کی تھی۔

وائرل تصویر کے بارے میں اوشین برار نے کہا کہ وہ نہیں جانتی کہ لوگ نہیں گلوکار کی بیوی کیوں سمجھتے ہیں۔

شوبز انڈسٹری کی معروف اداکارہ مدیحہ رضوی نے دوسری شادی کرلی۔

اداکارہ مدیحہ رضوی نے دوسری کی شادی کی تصدیق بھی کردی ہے جس کی تصاویر سوشل میڈیا پر وائرل ہورہی ہیں اور مداح انہیں شادی کی مبارکباد دے رہے ہیں۔

اداکارہ کی شادی کی تقریب میں قریبی عزیز، رشتے دار اور ان کی دونوں بیٹیاں بھی شریک تھیں۔

اداکارہ نے دوسری شادی کس سے کی ہے اس حوالے سے تفصیلات سامنے نہیں آسکی ہیں۔

تاہم کچھ شوبز میڈیا پیجز کے مطابق مدیحہ رضوی نے دوسری شادی دوست و لکھاری جنید علی پرویز سے کی ہے۔

واضح رہے کہ مدیحہ رضوی نے 2014 میں اداکار حسن نعمان سے شادی کی تھی، ان کی پہلی شادی محض 8 سال ہی چل سکی، جوڑے کی دو بیٹیاں  ہیں۔

یاد رہے کہ مدیحہ رضوی سینئر اداکارہ دیبا بیگم کی صاحبزادی ہیں۔

مدیحہ رضوی اے آر وائی ڈیجیٹل کے ڈراموں سمیت متعدد ڈراموں میں اداکاری کے جوہر دکھا چکی ہیں۔

حال ہی میں رشتہ ازدواج میں منسلک ہونے والی اداکارہ حنا رضوی ناقدین پر برس پڑیں۔

سینئر اداکارہ سنگیتا کی بہن اداکارہ حنا رضوی نے اپنے شوہر عمار احمد خان کے ہمراہ ندا یاسر کے مارننگ شو میں شرکت کی جہاں انہوں نے اپنی شادی اور  تنقید کرنے والوں سے متعلق گفتگو کی۔

اداکارہ نے گفتگو کرتے ہوئے کہا کہ میری شادی اور مجھ پر تنقید کرنے والے چند ہی لوگ ہیں جنہوں نے جعلی اکاؤنٹس بناکر  تنقید کرکے توجہ حاصل کرنا چاہی، وہی چند جعلی اکاؤنٹس والے مختلف پوسٹوں اور ویڈیوز میں جاکر میری شادی اور  جسامت پر تبصرے کرتے نظر آرہے ہیں۔

حنا رضوی کا کہنا تھا کہ ان کی شادی پر ایسے بھی کمنٹس کیے گئے کہ دیکھتے ہیں ان کی شادی کتنا عرصہ چلتی ہے۔

انہوں نے سوال کیا کہ ایسے کمنٹس کرنے والے یہ بتائیں کہ پہلے ان کی کتنی شادیاں تھیں جو ناکام ہوئیں؟ یا ان کے شوہر نے پہلے کتنی شادیاں کیں جو طلاق پر ختم ہوئیں؟

اداکارہ کا کہنا تھا کہ میں بریانی نہیں ہوں کہ ہر کسی کو اچھی لگوں یا ہر کسی کو خوش رکھ سکوں۔

واضح رہے کہ کچھ روز قبل سوشل میڈیا انفلوئنسر عمار احمد خان کے ساتھ رشتہ ازدواج میں منسلک ہونے والی اداکارہ حنا رضوی نے اپنی شادی کی تقریبات کی تصاویر انسٹاگرام اکاؤنٹ پر پوسٹ کیں تو چند صارفین نے نامناسب تبصرے کیے تھے۔

ان ذاتی نوعیت کے تبصروں میں حنا کے وزن اور ان کی عمر کو نشانہ بنایا گیا تھا جن میں سے چند ایک کے جوابات اداکارہ نے خود بھی کمنٹس کے ذریعے دیے تھے۔