آئی سی ٹی ٹوئنٹی ورلڈ کپ سے قبل رواں ماہ آئرلینڈ اور انگلینڈ کے خلاف سیریز کے لیے 18 رکنی قومی اسکواڈ کا اعلان کر دیا گیا ہے۔

اے آر وائی نیوز کے مطابق رواں ماہ آئرلینڈ کے خلاف تین اور انگلینڈ کے خلاف چار ٹی  ٹوئنٹی میچوں کی سیریز کے لیے 18 رکنی قومی اسکواڈ کا اعلان کر دیا گیا ہے۔ فاسٹ بولر حارث رؤف کی انجری کے بعد واپسی ہوئی ہے جب کہ زمان خان اور اسامہ میر کو ڈراپ کر دیا گیا ہے۔

لاہور میں پی سی بی سلیکشن کمیٹی کے ممبران وہاب ریاض، محمد یوسف، عبدالرزاق نے قومی اسکواڈ کا اعلان کیا۔ ٹیم کی قیادت بابر اعظم کریں گے جب کہ انجری کے باعث نیوزی لینڈ کیخلاف ہوم سیریز سے باہر ہونے والے اعظم خان اور آخری دو میچز نہ کھیلنے والے محمد رضوان بھی اسکواڈ کا حصہ ہیں۔

سلیکشن کمیٹی نے جس 18 رکنی اسکواڈ کا اعلان کیا ہے۔ اس میں 3 اوپنر، 2 وکٹ کیپر، 3 آل راؤنڈر، 7 فاسٹ بولرز شامل ہیں۔

اعلان کردہ پاکستانی اسکواڈ ان کھلاڑیوں پر مشتمل ہے۔

بابر اعظم (کپتان)، صائم ایوب، محمد رضوان، عثمان خان، فخر زمان، سلمان علی آغا، اعظم خان، افتخار احمد، عماد وسیم، شاداب خان، شاہین شاہ آفریدی، محمد عامر، نسیم شاہ، ابرار احمد، حارث رؤف، حسن علی، عباس آفریدی، عرفان خان شامل ہیں۔

 

View this post on Instagram

 

A post shared by Pakistan Cricket (@therealpcb)

واضح رہے کہ پاک آئرلینڈ ٹی 20 سیریز کا آغاز 10 مئی سے ہوگا۔ قومی ٹیم یہاں 10، 12 اور 14 مئی کو ڈبلن میں آئرش ٹیم کے خلاف میدان میں اترے گی جس کے بعد گرین شرٹس انگلینڈ کے لیے اڑان بھریں گے۔

ٹی 20 ورلڈ کپ، پاک بھارت ٹاکرے کی پچ لگانے کا آغاز

دورہ انگلینڈ میں چار میچوں پر مشتمل سیریز کے میچز 22، 25، 28 اور 30 مئی کو کھیلے جائیں گے۔ پاکستان ٹیم انگلینڈ سر زمین سے ٹی ٹوئنٹی ورلڈ کپ مہم کے لیے امریکا روانہ ہوگی۔

ٹی 20 ورلڈ کپ میں آئندہ ماہ 9 جون کو ایونٹ کا سب سے بڑا مقابلہ پاک بھارت ٹاکرا امریکا کے شہر نیویارک میں ہوگا جس کی پچ تیاری شروع کر دی گئی ہے۔

ٹی 20 ورلڈ کپ کے سنسنی خیز لمحات شروع ہونے میں صرف 29 روز باقی رہ گئے ہیں۔ یکم جون سے امریکا اور ویسٹ انڈیز کی مشترکہ میزبانی میں ہونے والے اس میگا ایونٹ کا سب سے بڑا اور جوش سے بھرپور مقابلہ روایتی حریفوں پاکستان اور بھارت کے درمیان 9 جون کو شیڈول ہے۔

یہ پاک بھارت ٹاکرا امریکا کے شہر نیویارک کے ناسا اسٹیڈیم میں ہوگا جس کی تکمیل کے بعد اب وہاں پچ لگانے کا کام شروع کر دیا گیا ہے۔

کھیلوں بالخصوص کرکٹ کے میدان میں پاک بھارت میچ کا دنیا بھر کو انتظار ہوتا ہے یہی وجہ ہے کہ روایتی حریفوں کے درمیان ہونے والے اس بڑے میچ کی تمام 34 ہزار ٹکٹ مہینوں پہلے ہی فروخت ہو چکے ہیں۔

سنسنی خیز لمحات سے بھرپور اس میچ کے لیے ایڈیلیڈ کے کیوریٹر ڈیمیئن ہف نے فلوریڈا میں 10 پچیں تیار کیں، جنہیں 20 ٹرکوں کی بڑی ٹرے میں رکھ کر نیویارک لایا گیا۔

View this post on Instagram

A post shared by ICC (@icc)

پچ کے تخلیق کار ڈیمیئئن ہف کا کہنا ہے کہ ہماری مہارت کی وجہ سے آئی سی سی کے اس میگا ایونٹ کے لیے ہمیں پچ بنانے کو کہا گیا۔

نیویارک میں ٹی ٹوئنٹی ورلڈ کپ کے مجموعی طور پر 9 میچز ہوں گے اور اس گراؤنڈ پر پہلا میچ سری لنکا ور جنوبی افریقہ کا شیڈول ہے مگر اصل اور بڑا میچ 9 جون کو پاکستان اور بھارت کے درمیان ہوگا جس کے لیے نیویارک میں مقیم دونوں ممالک کے شہریوں میں بھی بڑا جوش وخروش پایا جاتا ہے۔

پاکستان میں آئی سی سی چیمپئنز ٹرافی 2025 کی تیاریاں جاری

واضح رہے کہ یکم جون سے شروع ہونے والے آئی سی سی ٹی ٹوئنٹی ورلڈ کپ کے لیے اب تک متعدد ممالک اپنے اسکواڈ کا اعلان کر چکے ہیں۔ ان میں دفاعی چیمپئن انگلینڈ، بھارت، آسٹریلیا، نیوزی لینڈ، جنوبی افریقہ، افغانستان شامل ہیں۔