جمعہ, جون 27, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 4829

افریقی ملک میں اسکول پر حملہ، 275 طلبہ اغوا

کی طرف
ویب ڈیسک
-
0

نائیجیریا مسلح افراد نے اسکول پر حملہ کر کے کم از کم 275 طلبا کو اغوا کر لیا۔

شمال مغربی نائیجیریا کے ایک اسکول پر مسلح افراد کے حملے کے بعد 275 طالب علم لاپتہ ہیں۔ ملک میں ایک ہفتے کے اندر اجتماعی اغوا کا یہ دوسرا بڑا واقع ہے۔

کدونا ریاست کے مقامی سرکاری اہلکاروں نے کوریگا اسکول سے اغوا کی تصدیق کی ہے لیکن اعداد و شمار فراہم نہیں کیے گئے کیونکہ یہ معلوم نہیں ہو سکا کہ مغوی بچوں کی حتمی تعداد کتنی ہے۔

جمعے کو دارالحکومت ابوجا سے رپورٹ کرتے ہوئے الجزیرہ کے فیڈیلس مباہ نے کہا کہ اسکول کے حکام نے ریاستی گورنر کو بتایا کہ اغوا کیے گئے طلبہ میں سے تقریباً 25 کو ان کے والدین کو واپس کر دیا گیا ہے لیکن 275 لاپتہ ہیں۔

سرچ اینڈ ریسکیو ٹیم نے بچوں کی تلاش شروع کر دی ہے۔

لاپتہ افراد میں سے 175 کے بارے میں خیال کیا جاتا ہے کہ ان کی عمریں آٹھ سے 15 سال کے درمیان ہیں۔

افریقی کے سب سے زیادہ آبادی والے ملک میں اغوا برائے تاوان کی وارداتیں عام ہیں، جہاں ماضی میں بھاری ہتھیاروں سے لیس جرائم پیشہ گروہوں نے اسکولوں اور کالجوں کو نشانہ بنایا ہے خاص طور پر شمال مغرب میں، حالانکہ حال ہی میں ایسے حملوں میں کمی آئی ہے۔

مشترکہ پارلیمانی اجلاس کی اندرونی کہانی

کی طرف
حسن حفیظ
-
0

حکمران اتحاد میں شامل جماعتوں کے مشترکہ پارلیمانی اجلاس کا احوال سامنے آگیا۔

ذرائع کے مطابق پارلیمانی اجلاس میں وزیراعلیٰ پنجاب مریم نواز نے ارکان کو کل دس بجے پنجاب اسمبلی پہنچنےکی ہدایت کر دی۔

وزیراعلی نے اراکین سے گفتگو میں کہا کہ حکومتی اتحاد کے صدر کے امیدوار آصف علی زردرای صاحب جمہوریت پر یقین رکھنےوالے ہیں ہم نے اتحادیوں سے جو وعدہ کیا وہ پورا کریں گے۔

انہوں نے کہا کہ ہمارا حکومتی اتحاد ہے جو برقرار رہے گا ایک دفعہ پھر سے جمہوریت کا تسلسل چل پڑا ہے جو بہتر ہے۔

ذرائع کا کہنا ہے کہ بلال بھٹو زرداری نے اراکین کو صدارتی انتخاب میں آصف علی زرداری کو ووٹ کاسٹ کرنے کی درخواست کرتے ہوئے کہا کہ حکومتی اتحاد صدارتی امیدوار آصف علی زرداری ہے۔

بلاول بھٹو زرداری نے کہا کہ آصف علی زردای کامیاب ہوکر اسی طرح آپ کا خیال رکھیں گے جیسا میرا خیال رکھتے ہیں۔

سونے کی قیمت میں آج بھی اضافہ

کی طرف
انجم وہاب
-
0
سونے کی قیمت

کراچی: ملک میں سونے کی قیمت میں مسلسل اضافے کا سلسلہ جاری ہے اور آج بھی فی تولہ قیمت میں اضافہ ہوا ہے۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 450 روپے کا اضافہ ہوا ہے جس کے بعد قیمت 2 لاکھ 28 ہزار 600 روپے ہوگئی ہے۔

جبکہ  10 گرام سونے کی قیمت میں 386 روپے کا اضافہ ہوا ہے جس کے بعد 10 گرام سونا 1 لاکھ 95 ہزار 988 روپے پر پہنچ گیا۔

دوسری جانب عالمی بازار میں سونے کا بھاؤ 6 ڈالر اضافے سے 2180 ڈالر فی اونس ہے جبکہ چاندی کی فی تولہ قیمت 2 ہزار 600 روپے پر مستحکم رہی۔

واضح رہے کہ سونے کی قیمت میں مسلسل اضافہ ریکارڈ کیا جارہا ہے، گزشتہ روز بھی سونے کی فی تولہ قیمت میں 2750 روپے کا اضافہ ہوا تھا۔

آن لائن مالی فراڈ میں ملوث غیر ملکی ملزمان گرفتار

کی طرف
ویب ڈیسک
-
0

پشاور: ایف آئی اے کی کرائم سرکل نے لاہور سے آن لائن مالی فراڈ میں ملوث 2 غیر ملکی ملزمان کو گرفتار کرلیا۔

تفصیلات کے مطابق سائبر کرائم سرکل پشاور نے کارروائی کرتے ہوئے دھوکہ دہی اور فراڈ میں ملوث نائیجرین گینگ کے 2 ملزمان کو گرفتار کرلیا۔

ایف آئی اے ترجمان کے مطابق گرفتار ملزمان کی شناخت اڈوگی ہینڈسم ٹچوکوو، اکوکوو چنازا گوڈون کے نام سے ہوئی، ملزمان کو چھاپہ مار کارروائی میں لاہور سے گرفتار کیا گیا، ملزمان نے شہریوں سے 4 کروڑ 60 لاکھ سے زائد رقم کا فراڈ کیا۔

ترجمان نے بتایا کہ ملزمان شہریوں کو فیس بک پر خواتین آئی ڈیز بنا کر اپنے جال میں پھنساتے تھے بعد ازاں پارسل ڈیلیوری، کسٹم فیس اور دیگر کی مد میں رقم وصول کرتے تھے ساتھ ہی ملزمان رقم نا دینے کی صورت میں خطرناک نتائج کی دھمکیاں بھی دیتے تھے۔

ایف آئی اے ترجمان نے بتایا کہ ملزمان آن لائن ملازمت کے جھانسے میں شہریوں کو بینک اکاؤنٹس کھولنے کی ترغیب دیتے تھے، بعد میں ان اکاؤنٹس کا کنٹرول خود سنبھال لیتے اور آن لائن مالی فراڈ میں استعمال کرتے تھے، ملزمان کو گرفتار کر کے تفتیش کا آغاز کردیا گیا ہے۔

سندھ کے 100 سے زائد سرکاری اسکولوں سے متعلق حکومت کا اہم فیصلہ

کی طرف
انور خان
-
0
کل سندھ بھر میں اسکولز کھلے رہیں گے

کراچی: نگراں وزیر تعلیم سندھ رعنا حسین جاتے جاتے 100 سے زائد سرکاری اسکولوں کو این جی اوز کے حوالے کرنے کا فیصلہ کر گئیں۔

محکمہ تعلیم سے منسلک ذرائع نے اے آر وائی نیوز کو بتایا کہ 100 سے زائد سرکاری اسکولز کو این جی اوز کو دینے کا فیصلہ نگراں وزیر تعلیم رعنا حسین نے کیا تھا۔

ذرائع نے بتایا کہ بجٹ محکمہ تعلیم کا ہوگا لیکن اسکول چلانے کی ذمہ داری این جی اوز کو دے دی گئی، شہر کی بڑی این جی اوز کو خستہ حال اسکول سونپے گئے ہیں۔

انہوں نے مزید بتایا کہ 60 سرکاری اسکول کراچی جبکہ دیگر اسکول سندھ کے مختلف شہروں میں ہیں، سرکاری اسکولوں کی خراب حالت دیکھ کر یہ فیصلہ لیا گیا۔

یاد رہے کہ این جے وی، خاتون پاکستان، ملالہ گورنمنٹ اسکول سمیت متعدد تعلیمی ادارے این جی اوز چلا رہی ہیں۔

سندھ میں پبلک اسکولوں کی تعمیر

گزشتہ ماہ فروری میں نگراں سندھ حکومت نے صوبے کے 6 اضلاع میں دو ارب روپے کی لاگت سے نئے اسکولوں کی تعمیر کے کام کا آغاز کیا۔ جن اضلاع میں پبلک اسکولوں کی تعمیر شروع کی گئی ان میں ٹنڈوالٰہیار، مٹیاری، ٹنڈو آدم، سانگھڑ، ٹنڈو محمد خان اور گھوٹکی شامل ہیں۔

اسکولز کی تعمیراتی لاگت میں مہنگائی کے باعث دوبارہ نظر ثانی کی گئی اور اس کو بڑھا کر 2 ارب، 14 کروڑ، 88 لاکھ، 82 ہزار کر دیا گیا۔

محکمہ منصوبہ بندی وترقیات نے پبلک اسکولوں کیلیے بجٹ جاری کرنے کی منظوری دی اور محکمہ خزانہ کو پانچوں منصوبوں کیلیے فنڈز جاری کرنے لیے خط لکھا۔

خط میں کہا گیا تھا کہ رقم فوری جاری کی جائے تاکہ منصوبوں کو بروقت مکمل کیا جا سکے۔

دوسری جانب محکمہ منصوبہ بندی کے مراسلے کے بعد مذکورہ پبلک اسکولوں کی تعمیر کیلیے مختص رقم جاری کرنے کی منظوری دی گئی۔

رمضان المبارک میں عوام کو 10 ہزار روپے کیش دینے کا اعلان

کی طرف
ویب ڈیسک
-
0

وزیراعلی خیبرپختونخوا علی امین گنڈاپور نے رمضان پیکج کے تحت کے خیبرپختونخوا کے مستحق افراد کو 10ہزار روپے دینے کا اعلان کر دیا۔

اے آر وائی نیوز کے مطابق پشاور میں کابینہ اجلاس کے بعد بریفنگ میں وزیر اعلی خیبرپختونخوا علی امین گنڈاپور نے کہا کہ ملک کے معاشی حالات ٹھیک نہیں ہیں، امن وامان کی صورتحال، عوام کی فلاح ہماری ترجیحات میں شامل ہیں۔

ان کا کہنا تھا کہ یکم رمضان سے صحت کارڈ بحال ہوجائے گا، صحت کارڈ کے لئے 5 بلین ریلیز کردیے ہیں، رمضان میں عوام کو ریلیف دیں گے، پروگرام کے تحت رمضان میں 8 لاکھ خاندانوں کو نقد 10ہزار روپے دیں گے۔

انہوں نے کہا کہ دھکم پیل اور غیر معیاری اشیا سے بچنے کے لئے کیش دے رہے ہیں، ہمیں روزگار دینے کے لئے نوجوانوں کو ٹریننگ دینی ہے اس کے علاوہ لنگر خانے دوبارہ کھولنے کے لئے اقدامات شروع کردیے ہیں۔

وزیر اعلیٰ خیبرپختونخوا نے کہا کہ بجلی کے خالص منافع میں وفاق کے ذمے 1510 ارب بقایاجات ہیں جانتے ہیں معاشی حالات ٹھیک نہیں لیکن ہمیں یہ رقم ہرصورت ملنی چاہیے اگر ان کے پاس پیسے نہیں تو ہمارا صوبہ بجلی، گیس کا آدھا بل دے گا۔

علی امین گنڈاپور نے کہا کہ شہباز شریف کا کے پی میں بارش متاثرین کو پیکج دینا اچھی بات ہے، وفاق کے ساتھ ورکنگ ریلیشن رکھیں گے مگر سیاسی و نظریاتی اختلاف رہے گا اور میں صوبے اور عوام کے حقوق پر کوئی سمجھوتا نہیں کروں گا۔

وزیراعلیٰ کے پی علی امین گنڈاپور نے مزید کہا کہ ہماری معاشی ٹیم ان کے ساتھ بیٹھ کر معاملات دیکھے گی، ڈنڈے کے زور پر نہیں عاجزی کے ساتھ بیٹھنے کے لئے تیار ہیں۔

اعجاز چوہدری دل کی تکلیف کے باعث اسپتال منتقل

کی طرف
ویب ڈیسک
-
0
اعجاز چوہدری دل کی تکلیف کے باعث اسپتال منتقل

لاہور: پاکستان تحریک انصاف کے سینیٹر اعجاز چوہدری کو جیل میں دل کی تکلیف کے باعث پنجاب انسٹیٹیوٹ آف کارڈیالوجی منتقل کر کے ان کا معائنہ کروایا گیا۔

ذرائع نے اے آر وائی نیوز کو بتایا کہ سینیٹر اعجاز چوہدری کو سخت سکیورٹی میں پی آئی سی لایا گیا جہاں انہیں معائنے کے بعد اسلام آباد لے جایا جائے گا۔

اعجاز چوہدری دل کی تکلیف کے باعث اسپتال منتقل

اس موقع پر میڈیا سے گفتگو میں سینیٹر اعجاز چوہدری نے کہا کہ مجھے جیل میں 10 ماہ ہوگئے، سینیٹر ہونے پر میرے ہر سینیٹ اجلاس کیلیے پروڈکشن آرڈر جاری ہونے چاہییں، ڈپٹی چیئرمین سینیٹ شکر گزار ہوں کہ کم از کم کل صدارتی ووٹ ڈال سکوں گا۔

انہوں نے کہا کہ مجھے کوٹ لکھپت جیل سے اب سینیٹ کیلیے لے کر جا رہے ہیں، جو مینڈیٹ 8 فروری کو ملا وہ پارلیمان میں نظر بھی آنا چاہیے، 10 ماہ سے عدالت کے سامنے پیش ہو رہے ہیں لیکن اب انصاف ہونا چاہیے۔

دوسری جانب صدر مملکت کے انتخاب کیلیے کل بروز ہفتہ کو ہونے والے پارلیمنٹ کے مشرکہ اجلاس میں شرکت کیلیے چیئرمین سینیٹ اور اسپیکر قومی اسمبلی نے اعجاز چوہدری کے پروڈکشن آرڈر جاری کر دیے۔

پروڈکشن آرڈر جیل حکام کو موصول ہوگئے جس میں کہا گیا کہ مشترکہ اجلاس میں نئے صدر کا انتخاب ہوگا جس میں اعجاز چوہدری کی بطور سینیٹر اجلاس میں شرکت ضروری ہے۔

آرڈر میں کہا گیا کہ صدر مملکت کے انتخاب کیلیے ان کو پارلیمنٹ ہاؤس لایا جائے، صدراتی الیکشن کے بعد ان کو پولیس کی حراست میں دے دیا جائے گا۔

رمضان سے قبل کھجور کی قیمت میں اضافہ

کی طرف
ویب ڈیسک
-
0

ماہ رمضان سے قبل ہی رمضان کی سوغات کھجور کی قیمتیں بھی آسمان سے باتیں کرنے لگیں۔

رمضان میں کھجور کا استعمال بڑھ جاتا ہے لیکن مہنگائی کے اثرات باقی اشیا کی طرح کھجور پر بھی ہوئے ہیں، کھجور کی قیمتوں میں اضافہ ہوگیا ہے۔

رپورٹ کے مطابق پاکستانی کھجور کے دام 400 روپے فی کلو سے بڑھ گئے جبکہ ایرانی کھجور 800 روپے اور سعودی کھجور عجوہ 3 ہزار روپے فی کلو تک فروخت کی جارہی ہے۔

اس کے علاوہ لہسن ادرک ، پیاز ، ٹماٹرچینی اور دالوں کی قیمتوں نے عوام کے ہوش اڑا دیئے، چینی اور دالیں بھی عوام کی پہنچ سے دور ہے، چینی ایک 155 ،سفید چنا تین سوساٹھ، کالا چنا دو سو اور بیسن دوسو اسی روپے فی کلو ہوگیا۔

دنیا میں ہر جگہ رمضان سے قبل ریلیف دیا جاتا ہے لیکن ہمارے ہاں الٹا ہی حال ہے، اگر پھلوں کی بات کریں تو سیب، کینو چار سو جبکہ کیلا دوسو روپے فی درجن تک بکنے لگا۔

محسن نقوی سینیٹ کا الیکشن لڑیں گے؛ کامیابی پر اہم وزارت دیے جانے کا امکان

کی طرف
طارق منیر بٹ
-
0
محسن نقوی کو سینیٹر منتخب ہونے پر اہم وزارت دیے جانے کا امکان

اسلام آباد: سابق نگراں وزیر اعلیٰ پنجاب اور موجودہ چیئرمین پاکستان کرکٹ بورڈ محسن نقوی حکومتی اتحاد کی جانب سے ایوانِ بالا (سینیٹ) کا الیکشن لڑیں گے۔

ذرائع نے اے آر وائی نیوز کو بتایا کہ محسن نقوی کو سینیٹر منتخب ہونے کے بعد وفاق میں اہم وزارت دی جائے گی تاہم وہ چیئرمین پی سی بی کا عہدہ بھی برقراررکھیں گے۔

ذرائع کے مطابق ان کو سینیٹر منتخب ہونے کے بعد وفاقی وزیر داخلہ بنانے پر غور کیا جا رہا ہے۔

محسن نقوی نگراں وزیر اعلیٰ پنجاب رہے جبکہ حال ہی میں وہ پی سی بی کے بلا مقابلہ چیئرمین منتخب ہوئے ہیں۔

متعلقہ: وزیر اعلیٰ ہاؤس کا سارا خرچہ میں خود اٹھا رہا ہوں، محسن نقوی

پی سی بی چیئرمین کے انتخاب کیلیے گورننگ بورڈ کا اجلاس نیشنل کرکٹ اکیڈمی میں ہوا تھا جس میں چیئرمین کیلیے محسن نقوی اور مصطفیٰ رمدے امیدوار تھے تاہم آخری وقت میں وہ مقابلے سے دستبردار ہوگئے تھے۔

محسن نقوی کو تین سال کیلیے کرکٹ بورڈ کی سربراہی سونپی گئی ہے۔ وہ پی سی بی کے 37ویں چیئرمین اور یہ عہدہ پانے والے 33ویں شخص ہیں۔

اس سے قبل نجم سیٹھی تین بار، ذکا اشرف اور شہریار خان دو دو مرتبہ چیئرمین کے عہدے پر ذمے داریاں انجام دے چکے ہیں۔

دسمبر 2022 میں سابق چیئرمین پی سی بی رمیز راجا کو برطرف کیا گیا تھا جس کے بعد نئے چیئرمین کو آنے میں 14 ماہ کا وقت لگا تھا۔

ریڈیو اناؤنسر اور سورۂ روم

کی طرف
ویب ڈیسک
-
0

ہمارے دین میں سب سے اہم چیز ڈسپلن ہے۔ میں تین چار برس پہلے کینیڈا گیا تھا، وہاں ایک یوری انڈریو نامی ریڈیو اناؤنسر ہے۔ اب وہ مسلمان ہو گیا ہے۔ اس کی آواز بڑی خوب صورت آواز ہے۔

میں اس وجہ سے کہ وہ اچھا اناؤنسر ہے اور اب مسلمان ہوگیا ہے، اس سے ملنے گیا۔ وہ اپنے مسلمان ہونے کی وجوہات کے بارے میں بتاتا رہا۔ اس نے مسلمان ہونے کی وجہ بتاتے ہوئے کہا کہ وہ سورۂ روم پڑھ کر مسلمان ہوا ہے۔ میں پھر کبھی آپ کو بتاؤں گا کہ اُس کو سورۂ روم میں کیا نظر آیا۔ میں نے کہا کہ اب ہمارے حالات تو بڑے کمزور ہیں۔ اس نے کہا نہیں۔ اسلام کا نام تو جلی حروف میں سامنے دیوار پر بڑا بڑا کر کے لکھا ہوا ہے۔ میں نے کہا، نہیں! ہم تو ذلیل و خوار ہو رہے ہیں۔ خاص طور پر جس طرح سے ہم کو گھیرا جا رہا ہے، اس نے کہا ٹھیک ہے گھیرا جا رہا ہے، لیکن اس صورتِ حال میں نکلنے کا بھی ایک انداز ہے۔ ہم نکلیں گے۔ میں نے کہا ہم کیسے نکلیں گے؟ اُس نے کہا کہ جب کوئی پانچ چھ سات سو امریکی مسلمان ہو جائیں گے اور اسی طرح سے چھ سات سو کینیڈین مسلمان ہو جائیں اور ساڑھے آٹھ نو سو سکینڈے نیوین مسلمان ہو جائیں گے تو پھر ہمارا قافلہ چل پڑے گا، کیونکہ We are Disciplined۔ اسلام ڈسپلن سکھاتا ہے، نعرہ بازی کو نہیں مانتا۔

میں بڑا مایوس، شرمندہ اور تھک سا گیا۔ اُس کی یہ بات سن کر اور سوچا کہ دیکھو! ہر حال میں ان کی چڑھ مچ جاتی ہے۔ یہ جو گورے ہیں یہ یہاں بھی کام یاب ہو جائیں گے۔

اسلام، جو ہم کو بہت پیارا ہے، ہم نعرے مار مار کر، گانے گا گا کر یہاں تک پہنچے ہیں اور یہ ہمیں مل نہیں رہا۔ میں نے اس سے کہا کہ اس میں ہمارا کوئی حصّہ نہیں ہوگا؟ تو اس نے کہا کہ نہیں! آپ سے معافی چاہتا ہوں کہ آپ کا اس میں کوئی حصہ نہیں ہے۔ میں نے کہا کہ یار! ہمارا بھی جی چاہے گا کہ ہمارا بھی اس میں کوئی حصّہ ضرور ہو۔ کہنے لگا، ایسا کریں گے کہ جب ہمارا قافلہ چلے گا تو تم بھی بسترے اٹھا کر پیچھے پیچھے چلتے آنا اور کہنا Sir we are also Muslim۔ لیکن آپ میں وہ ڈسپلن والی بات ہے نہیں اور دنیا جب آگے بڑھی ہے تو وہ نظم سے اور ڈسپلن سے ہی آگے بڑھی ہے۔

جب اس نے یہ بتایا کہ دیکھئے ہمارے دین میں اوقات مقرر ہیں۔ وقت سے پہلے اور بعد میں نماز نہیں ہو سکتی۔ اس کی رکعات مقّرر ہیں۔ آپ مغرب کی تین ہی پڑھیں گے۔ آپ چاہیں کہ میں مغرب کی چار رکعتیں پڑھ لوں کہ اس میں اللہ کا بھی فائدہ اور میرا بھی فائدہ، لیکن اس سے بات نہیں بنے گی۔ آپ کو فریم ورک کے اندر ہی رہنا پڑے گا۔ پھر آپ حج کرتے ہیں۔ اس میں کچھ عبادت نہیں کرنی، طے شدہ بات ہے کہ آج آپ عرفات میں ہیں، کل مزدلفہ میں ہیں۔ پرسوں منٰی میں ہیں اور بس حج ختم اور کچھ نہیں کرنا، جگہ بدلنی ہے کہ فلاں وقت سے پہلے وہاں پہنچ جانا ہے اور جو یہ کر گیا، اس کا حج ہو گیا، کچھ لمبا چوڑا کام نہیں۔

دین میں ہر معاملے میں ڈسپلن سکھایا گیا ہے۔ ہمارے بابے کہتے ہیں کہ ڈسپلن چھوٹے کاموں سے شروع ہوتا ہے۔ جب آپ معمولی کاموں کو اہمیت نہیں دیتے اور ایک لمبا منصوبہ بنا کر بیٹھ جاتے ہیں، اپنا ذاتی اور انفرادی تو پھر آپ سے اگلا کام چلتا نہیں۔

(اردو کے ممتاز ادیب اور معروف افسانہ نگار اشفاق احمد کی ایک تحریر)

1...4,8284,8294,830...30,781صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025