کراچی : ڈاکوؤں نے موبائل فون چھیننے کے دوران فائرنگ کرکے نوجوان طالبعلم کو قتل کردیا، طالبعلم لاریب بی بی اے کا اسٹوڈنٹ اور اکاؤنٹنگ پر کتاب لکھ رہا تھا۔

تفصیلات کے مطابق کراچی میں ڈاکوؤں نے ایک اور گھر کاچراغ گل کر دیا ، کورنگی اللہ والا ٹاون میں نجی یونیورسٹی کے طالب علم کو ڈاکوؤں نے مزاحمت کرنے پر فائرنگ کرکے قتل کردیا۔

دو ڈاکوؤں نے بائس سالہ نوجوان کو موبائل چھینے کے دوران مزاحمت کرنے پر قتل کیا، پولیس نے بتایا کہ مقتول کی شناخت لاریب کےنام سے کی گئی، لاریب نجی یونیورسٹی کا طالب علم تھا۔

مقتول کے والد محمد حسین نے میڈیا سے گفتگو کرتے ہوئے کہا کہ میرا بیٹا گھرسےجم جانے کے لئے نکلا تھا، لاریب نے اکاوئنٹس پر کتاب لکھی تھی جس کی چند روز بعد رونمائی تھی۔

والد مقتول کا مزید کہنا تھا کہ ملزمان نے مقتول سے موبائل فون چھیننے کی کوشش کی، موبائل فون میں لاریب کی کتاب کا ڈیٹا تھا جس کی وجہ سے اس نے مزاحمت کی، لاریب کی منگنی ہوچکی تھی اگلے سال شادی تھی۔

مقتول کے بھائی شاہزیب نے میڈیا سے گفتگو میں کہا کہ میرا بھائی بیسک اکاؤنٹنگ پر کتاب لکھ رہا تھا، اسے بیرون ملک جانا تھا ایسے ہی پڑھے لکھےنوجوانوں کا قتل ہوتا رہا تو پاکستان کا نقصان ہوگا۔

مقتول کے ہونے والے سالے آصف حسین کا کہنا تھا کہ لاریب ہونہار لڑکا تھا،پڑھائی کے ساتھ وہ والد کے کاروبار میں ہاتھ بٹاتا تھا۔

پولیس کے مطابق ملزمان نے گلی میں پہلےایک لڑکےکو لوٹا اور پھر لاریب کو لوٹنےکی کوشش کی ، مزاحمت کرنے پر دو گولیاں چلائیں، ایک گولی لاریب کو آنکھ کے پاس لگی جو جان لیوا ثابت ہوئی، جاعہ وقوع سے ایک نائن ایم ایم کا خول ملا ہے تاہم اطراف کی سی سی ٹی وی فوٹیج حاصل کرکے ملزمان کی تلاش کی جارہی ہے۔

نئی دہلی : : بھارتی وزیراعظم نریندر مودی نے شہبازشریف کو وزیراعظم پاکستان منتخب ہونے پر مبارکباد کا پیغام دیا۔

تفصیلات کے مطابق دنیا بھر کے سربراہان کی نو متخب وزیراعظم شہبازشریف کو مبارکباد بھیجنے کا سلسلہ جاری ہے۔

۔بھارتی وزیراعظم نریندر مودی نے سوشل میڈیاپلیٹ فارم ‘ایکس’ پر وزیراعظم شہباز شریف کو مبارکباد دی اور لکھا وزیراعظم کا حلف اٹھانے پر شہباز شریف کو مبارکباد پیش کرتا ہوں۔

سعودی ولی عہد محمد بن سلمان نے بھی مبارکباد دیتے ہوئے کہا وزیراعظم شہبازشریف کی قیادت میں پاکستان ترقی کی منازل طے کرے گا۔

ایرانی صدر ابراہیم رئیسی نے فون پر وزیراعظم شہباز شریف کیلئے نیک خواہشات کا اظہار کیا، وزیر اعظم نے ایرانی صدر کو جلد از جلد پاکستان کا دورہ کرنے کی دعوت دی۔

ترک صدر نے بھی وزیراعظم شہباز شریف سے فون پر بات کی اوردونوں ممالک کے درمیان تعلقات کو مزید مضبوط کرنے کا اعادہ کیا۔

فلسطینی صدر محمود عباس نے شہبازشریف کووزیرِاعظم منتخب ہونے پر تہنیتی پیغام بھیجا جبکہ ملائیشیا کے ہم منصب انور ابراہیم نے بھی وزارت عظمیٰ کا منصب سنبھالنے پر شہباز شریف کو ٹیلیفون کیا اور نیک خواہشات کا اظہار کیا۔