اتوار, جون 8, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 6560

نیا پاکستان سرٹیفیکیٹس پر منافع کی شرح میں اضافہ

کی طرف
ویب ڈیسک
-
0

حکومت نے نیا پاکستان سرٹیفیکیٹس پر منافع کی شرح میں اضافہ کردیا ہے، اس حوالے سے سے اسٹیٹ بینک نے رپورٹ جاری کردی۔ 

اسٹیٹ بینک کے مطابق امریکی ڈالر میں 3ماہ کی مدت کے نیا پاکستان سرٹیفکیٹس کے لئے منافع کی شرح 7فیصد سے بڑھا کر8.25فیصد ،6ماہ کے سرٹیفیکیٹس پر منافع کی شرح 7.20فیصد سے بڑھا 8.50فیصد ، ایک سال کی مدت کے سرٹیفکیٹس پر منافع کی شرح 7.50فیصد سے بڑھا کر9فیصد جبکہ 3اور 5سالہ مدت کے سرٹیفیکٹس پرمنافع کی شرح کو8فیصد کی سطح پر برقرار رکھا گیا ہے۔

برطانوی پائونڈ میں تین ماہ کی مدت کے نیا پاکستان سرٹیفیکیٹس پر منافع کی شرح 5.50فیصد سے بڑھا کر7.25فیصد،6ماہ کی مدت کے سرٹیفیکیٹس پر6فیصد سے بڑھا 7.50فیصد، ایک سال کی مدت کے سرٹیفکیٹس پرمنافع کی شرح 7فیصد سے بڑھا کر8فیصد جبکہ 3اور5سالہ مدت کے سرٹیفیکیٹس پرمنافع کی شرح 7.50فیصد برقرار رکھی گئی ہے۔

یورو میں تین ماہ کی مدت کے نیا پاکستان سرٹیفیکیٹس پر منافع کی شرح 4فیصد سے بڑھا کر6.25فیصد،6ماہ کی مدت کے سرٹیفیکیٹس پر4.50فیصد سے بڑھا 6.50فیصد، ایک سال کی مدت کے سرٹیفکیٹس پرمنافع کی شرح 5فیصد سے بڑھا کر7فیصد جبکہ 3اور5سالہ مدت کے سرٹیفیکیٹس پرمنافع کی شرح 6.50فیصد برقرار رکھی گئی ہے۔

پاکستانی کرنسی میں تین ماہ کی مدت کے نیا پاکستان سرٹیفیکیٹس پر منافع کی شرح15فیصد سے بڑھا کر21فیصد،6ماہ کی مدت کے سرٹیفیکیٹس پر15.25فیصد سے بڑھ21.25فیصد، ایک سال کی مدت کے سرٹیفکیٹس پر منافع کی شرح15.50فیصد سے بڑھا کر21.50فیصد جبکہ 3سالہ مدت کے سرٹیفیکیٹس پر منافع کی شرح 14فیصد سے بڑھا کر17.50فیصد اور5سالہ مدت کے سرٹیفیکیٹس پرمنافع کی شرح 13.50فیصد سے بڑھا کر15فیصد کردی گئی ہے۔

امریکا نے روسی تاجروں و صنعتکاروں پابندیاں عائد کردیں

کی طرف
ویب ڈیسک
-
0
روس

واشنگٹن : امریکی امور خزانہ نے یوکرین کے خلاف جنگ کی پاداش میں روس پر 100 کے قریب نئی پابندیوں کا اعلان کیا ہے۔

غیر ملکی خبررساں ادارے کی رپورٹ کے مطابق امریکی امور خزانہ کے غیر ملکی اثاثہ جات کے کنٹرول مرکز نے جنگ کے دوران روس کی طرف سے یوکرین ک استعداد کو کمزور بنانے والے روسی امرا اور روسی صنعتی،مالیاتی اداروں اور ٹیکنولوجیک مصنوعات کے تاجروں کو پابندیوں کے طابع کیا ہے۔

بتایا گیا ہے کہ 100کے قریب پابندیاں لگائی جائیں گی جبکہ امریکی امور خارجہ نے 70 سے زائد افراد کو بھی پابندیوں کی فہرست میں شامل کیا ہے۔

ایک بیان میں کہا گیا ہے کہ روس یوکرین جنگ سے اپنے ذاتی مفادات کے حصول کے علاوہ فوجی سازو سامان تیار کرتے ہوئے اس جنگ کو ہوا دینے والے روسی اداروں کو پابندیوں کے زمرے میں لیا گیا ہے۔

پی آئی اے کی بندش : ایئر لائن انتظامیہ نے حقیقت بیان کردی

کی طرف
محمد صلاح الدین
-
0
پی آئی اے

کراچی : قومی ایئر لائن پی آئی اے کو بند کرنے کے حوالے سے گردش ہونے والی خبریں محض افواہیں ہیں ان کو نظر انداز کردیا جائے۔

تفصیلات کے مطابق پاکستان انٹرنیشنل ایئر لائن (پی آئی اے) نے ایک بیان کہا ہے کہ پی آئی اے کی بندش کے متعلق خدشات اور خبریں بے بنیاد ہیں اور ان میں کوئی صداقت نہیں ہے۔

جمعے کو پی آئی اے کے ترجمان عبداللہ حفیظ خان نے ایک بیان میں کہا کہ پی آئی اے کے متعلق ایک مخصوص حلقے کی جانب سے پھیلایا جانے والا اضطراب اور غلط فہمی بے بنیاد ہے۔

انہوں نے کہا کہ پی آئی اے کی بندش کی 15 ستمبر کی تاریخ دینے سے ایئر لائن کی ساکھ بہت مجروح ہوئی۔ پی آئی اے انتظامیہ فنڈز کے اجراء میں مصروف تھی اور تقاضے مکمل کرکے حاصل کرنے میں کامیاب رہی۔

حال ہی میں یہ رپورٹس سامنے آئی تھیں کہ پی آئی اے انتظامیہ فلائٹ آپریشنز کو کم کر رہی ہے۔

حکومت کی جانب سے 23 ارب روپے کے بیل آؤٹ پیکج کی درخواست کو مسترد کرنے کے بعد کہا جا رہا ہے کہ ایئرلائن ڈیفالٹ کے دہانے پر ہے۔

پاکستانی حکام نے اس سے قبل پاکستان انٹرنیشنل ایئر لائنز (پی آئی اے) کے آپریشنل اخراجات کو پورا کرنے میں مدد کے لیے خاطر خواہ فنڈز جاری کیے تھے۔

تاہم ایئر لائن کے اربوں روپے کے بقایاجات اور نقصانات جاری ہیں، جس کی وجہ سے حکومت اس کو بچانے سے قبل تنظیم نو کا منصوبہ تلاش کرنے پر مجبور ہو گئی ہے۔

ترجمان پی آئی اے کے مطابق پی آئی اے انتہائی ضروری ملکی اور بین الاقوامی ادائیگیاں کر رہی ہے۔ ملازمین کو تنخواہوں کی ادائیگی بھی کر دی گئی ہے۔

عبداللہ حفیظ خان کا مزید کہنا تھا کہ پی آئی اے کا آپریشن تسلسل سے جاری ہے اور پروازیں آپریٹ ہو رہی ہیں۔

خیال رہے کہ پی آئی اے نے رواں ہفتے کے آغاز میں اس بات کی تصدیق کی تھی کہ اس نے اپنے 31 میں سے 14 طیارے مالی بحران کی وجہ سے گراؤنڈ کر دیے ہیں۔

بغیر ورزش کے وزن کم کرنے کا انتہائی آسان طریقہ

کی طرف
ویب ڈیسک
-
0
ورزش

زندگی میں چاق و چوبند اور چست رہنے کیلئے انسان ہر طرح کے طریقے استعمال کرتا ہے، جس میں سب سے اہم مسئلہ موٹاپے سے چھٹکارا پانا ہے۔

اس مشکل سے جان چھڑانے کیلیے لوگ طرح طرح کے جتن کرتے ہیں جس میں ورزش سے خاص اور ضروری عمل ہے، تاہم سخت ورزش کرنا ہر آدمی کے لیے آسان کام نہیں ہوتا۔

اس حوالے سے اے آر وائی نیوز کے پروگرام باخبر سویرا میں حکیم شاہ نذیر نے موٹاپے سے چھٹکارے کیلیے ناظرین کو کچھ خاص مشورے اور ٹوٹکے بتائے۔

انہوں نے بتایا کہ بسیار خوری اور سستی کا مظاہرہ کرنا موٹاپے کی بڑی وجوہات میں سے ہے اکثر لوگ چاہتے ہیں کہ کرسی پر بیٹھے بیٹھے ہی سارے کام ہوجائیں جس سے جسم میں چربی کی مقدار بڑھ جاتی ہے۔

ان کا کہنا تھا کہ اسی وجہ سے لوگ عام طور پر موٹاپے کا شکار ہوکر طرح طرح کی بیماریوں میں مبتلا ہو جاتے ہیں اور پھر چاہنے کے باوجود بھی اپنا وزن کم نہیں کر پاتے۔

حکیم شاہ نذیر نے وزن کم کرنے کیلئے ایک انتہائی مجرب نسخہ بتایا جو کو استعمال کرنے سے ایک مہینے میں4 سے 7کلو تک وزن باآسانی کم کیا جاسکتا ہے۔ انہوں نے یہ نسخہ بنانے کی ترکیب بتائی جو بہت آسان اور سستی ہے ۔

ترکیب:

سفید زیرے کا پاؤڈر 50 گرام
کلونجی کا پاؤڈر 50 گرام
برگ سداب یعنی سداب کے پتے 50گرام
برگ صنوبر 50 گرام

ان تمام چیزوں کو اچھی پیس کر ایک جار مین رکھ لیں اور صبح شام ایک چمچ پھانکنے کے بعد اوپر سے پانی پی لیں، ایک ہفتے میں ہی آپ کو اپنا وزن ایک سے سوا کلو تک کم ہوتا ہوا محسوس ہوگا۔

پیٹرول کی قیمت میں اضافے پر عوام کے صبر کا پیمانہ لبریز

کی طرف
ویب ڈیسک
-
0

کراچی / لاہور : ملک میں پیٹرول اور ڈیزل کی قیمتیں تاریخ کی بلند ترین سطح پر پہنچ گئیں، جس کے بعد عوام  کے صبر کا پیمانہ بھی لبریز ہوگیا، شہریوں نے اضافے کو ظلم قرار دے دیا۔ 

پیٹرولیم مصنوعات کی قیمتوں میں اضافے پر عوام کی جانب سے سخت ردعمل کا اظہار کیا جارہا ہے، ملک کے مختلف شہروں میں شہریوں اور پیٹرول پمپ ملازمین کے ساتھ تلخ کلامی کے واقعات بھی سامنے آرہے ہیں۔

اس حوالے سے اے آر وائی نیوز لاہور کے نمائندے احمر کھوکھر نے ایک پیٹرول پمپ پر شہریوں سے ان کی رائے جاننے کی کوشش کی جس پر لوگ نگراں حکومت کیخلاف پھٹ پڑے۔

شہریوں نے اپنے کانوں کو ہاتھ لگا کر استغفار پڑھنا شروع کردی، انہوں نے نگراں حکومت کر کڑی تنقید کا نشانہ بناتے ہوئے کہا کہ کاش جلدی سے الیکشن ہوں اور اس حکومت سے چھٹکارا ملے تاکہ نئی آنے والی حکومت کچھ بہتر اقدام کرسکے۔

کراچی میں اے آر وائی نیوز کے نمائندے چاند نواب سے گفتگو کرتے ہوئے ایک پیٹرول پمپ پر غم وغصے سے بھرپور شہری کا کہنا تھا کہ ہم کیا بولیں ہمیں بولنے کے قابل بھی نہیں چھوڑا گیا، کوئی پوچھنے والا نہیں۔

یاد رہے کہ نگراں حکومت کی جانب سے پیٹرولیم مصنوعات کی قیمتوں میں اضافہ کے بعد پیٹرول کی فی لیٹر نئی قیمت تین سو اکتیس روپے اڑتیس پیسے جبکہ ڈیزل کی فی لیٹر نئی قیمت تین سو انتیس روپےاٹھارہ پیسے ہوگئی ہے۔

آئی فون 15 پرو کے خریداروں کو چار سے پانچ ہفتے انتظار کرنا پڑے گا!

کی طرف
ویب ڈیسک
-
0
آئی فون

ایپل کمپنی کا نیا آئی فون 15 پرومیکس رونمائی کے فوری بعد ہی صارفین میں بے حد مقبول ہوگیا ہے، تاہم چین میں اس کے خریداروں کو چار سے پانچ ہفتے انتظار کرنا پڑے گا۔

آئی فون 15 پرومیکس ایرو اسپیس گریڈ میٹریل، موبائل گیمنگ پاور کی ایک نئی سطح اور ایک جدید کیمرہ کے ساتھ تیار کیا گیا ہے جو جدید فون کی دنیا میں تہلکہ مچادے گا۔

امریکی ٹیکنالوجی کمپنی ایپل نے چینی صارفین کو آگاہ کیا ہے کہ آئی فون15 فوری طور پر دستیاب نہیں ہوسکے گا اگر آپ آئی فون 15 پرومیکس خریدنے کے خواہشمند ہیں تو آپ کو کم از کم چار سے پانچ ہفتے انتظار کرنا پڑے گا۔

غیرملکی خبر رساں ادارے کی رپورٹ کے مطابق اس حوالے سے کمپنی کی ویب سائٹ نے اپنے ایک پیغام میں وضاحت کی ہے کہ یہ فیصلہ آئی فون 15 کے بڑے پیمانے پر ملنے والے آرڈرز کے پیش نظر کیا گیا ہے، کمپنی کے مطابق موبائل فون 22 ستمبر سے دستیاب ہوگا۔

واضح رہے کہ چین امریکی کمپنی ایپل کیلئے دنیا کی تیسری بڑی مارکیٹ ہے تاہم گزشتہ دنوں مبینہ طور پر چین کے سرکاری ملازمین پر آئی فون استعمال نہ کرنے کے غیر اعلانیہ حکم نامے کے باوجود ایپل کیلئے آئی فون 15 کے آرڈرز کو پورا کرنے کیلیے کسی دشواری کا سامنا نہیں کرنا پڑے گا۔

مقامی میڈیا رپورٹ کے مطابق اعلیٰ درجے کے آئی فون ماڈلز ایک منٹ کے اندر علی بابا کے تمال مارکیٹ پلیس پر ایپل کے اسٹور پر فروخت ہوگئے تھے۔

اس کے علاوہ ’جے ڈی ڈاٹ کام‘پر جو کہ چین میں ایپل کے سب سے بڑے سیل چینلز میں سے ایک ہے جمعہ کی شام کو اسے آئی فون 15 کے ملنے والے آرڈرز کی تعداد 34لاکھ سے زائد ہوگئی تھی۔

اس حوالے سے چینی وزارت خارجہ نے گزشتہ روز ایک بیان میں کہا تھا کہ چین نے غیرملکی اسمارٹ فون برانڈز کی خریداری اور اس کے استعمال پر پابندی نہیں لگائی۔

کاؤنٹر پوائنٹ کے سینئر تجزیہ کار ایوان لام نے کہا کہ چینی کمپنی ہواوے کے زوال کے بعد ان صارفین کی تعداد میں اضافہ ہوا ہے جن کی قوت خرید 600ڈالر تک ہے، ایوان لام نے مزید کہا کہ نئی آئی فون 15سیریز ان صارفین کیلئے ایک اچھا انتخاب ہے جو آئی فون 11/12 استعمال کر رہے ہیں اور اپ ڈیٹ کے متبادل کی تلاش کر رہے ہیں تاہم ہواوے کی میٹ 60 سیریز بھی ایک چیلنج ہوگی۔

’جیسے آپ کی مرضی!‘ درفشاں سلیم مداحوں کی شکر گزار

کی طرف
ویب ڈیسک
-
0
درفشاں سلیم

معروف اداکارہ درفشاں سلیم ڈرامہ سیریل ’جیسے آپ کی مرضی‘ میں اداکاری پسند کیے جانے پر مداحوں کی شکر گزار ہیں۔

ڈرامہ سیریل ’جیسے آپ کی مرضی‘ میں میکال ذوالفقار (شیری)، درفشاں سلیم (علیزے)، علی سفینا، کرن ملک، جاوید شیخ، علی طاہر ودیگر اداکاری کے جوہر دکھا رہے ہیں۔

جیسے آپ کی مرضی کی ہدایت کاری کے فرائض صبا حمید نے انجام دیے ہیں جبکہ اس کی کہانی نائلہ جعفری نے لکھی ہے۔

فوٹو اور ویڈیو شیئرنگ ایپ انسٹاگرام پر درفشاں سلیم نے نئی تصاویر شیئر کیں جس میں انہیں گلدستہ تھامے خوشگوار موڈ میں دیکھا جاسکتا ہے۔

درفشاں سلیم نے بتایا کہ ’جیسے آپ کی مرضی‘ میں علیزے کے کردار کو مداحوں کی جانب سے پسند کیا جارہا ہے اور مثبت پیغامات مل رہے ہیں۔

اداکارہ نے کردار کو پسند کرنے پر مداحوں کا شکریہ بھی ادا کیا۔

واضح رہے کہ گزشتہ دنوں ڈرامے کی چھٹی قسط میں ناقدین کے تبصروں پر درفشاں سلیم نے بتایا تھا کہ علیزے کے مختلف کردار ہونے کی وجہ سے انہوں نے ڈرامہ کرنے پر آمادگی ظاہر کی۔

گزشتہ قسط میں شادی کے بعد پہلی ہی صبح جب علیزے ہوتل میں اپنے شوہر شیری کے پیچھے بھاگ رہی تھیں تو اس منظر سے متعلق ایک سوشل میڈیا صارف کے سوال کے جواب میں درفشاں نے لکھا کہ ’میں جب یہ کمنٹس پڑھتی ہوں تو میں روتی ہوں اور شاید اسی لیے میں اس طرح کا اسکرپٹ پڑھ کر اسے کرنے پر قائل ہوئی ہوں۔‘

درفشاں نے مزید لکھا تھا کہ ان رشتوں، شادیوں سے باہر نکلیں جو سرخ جھنڈے ہیں، چاہے وہ مہینوں کے بعد ہو یا پھر سالوں کے بعد۔‘

واضح رہے کہ جیسے آپ کی مرضی کو ہر منگل اور بدھ کی رات 8 بجے اے آر وائی ڈیجیٹل پر نشر کیا جاتا ہے۔

پیٹرول کی فی لیٹر قیمت میں‌ 26 روپے 2 پیسے کا اضافہ

کی طرف
ویب ڈیسک
-
0
پیٹرول

اسلام آباد: نگراں حکومت کی جانب سے پیٹرولیم مصنوعات کی قیمتوں میں بڑا اضافہ کردیا گیا ہے۔

اے آر وائی نیوز کے مطابق پیٹرول، ڈیزل کی قیمتیں ملکی تاریخ کی بلند ترین سطح پر پہنچ گئی ہیں، نگراں حکومت کی جانب سے پیٹرول کی قیمت میں 26 روپے 2 پیسے فی لیٹر اضافہ کیا گیا ہے۔

پیٹرول کی فی لیٹر قیمت 331 روپے 38 پیسے پہنچ گئی ہے۔

ڈیزل کی قیمت میں بھی 17 روپے 34 پیسے فی لیٹر کا اضافہ کیا گیا ہے جس کے بعد ڈیزل کی فی لیٹر قیمت 329 روپے 18 پیسے ہوگئی ہے۔

’گیس کی قیمتیں بھی بڑھنے والی ہیں‘ ماہر معایشیات عابد سلہری

ماہر معاشیات عابد سلہری کا کہنا ہے کہ گیس کی قیمتیں بھی بڑھنے والی ہیں، عوام میں بے چینی آئے گی، معاہدہ اپنی جگہ لیکن آئی ایم ایف نے ٹارگٹڈ سبسڈی سے کہیں نہیں روکا۔

انہوں نے کہا کہ عالمی منڈی میں تیل کی قیمتیں بڑھیں لیکن ان کا اثر ابھی پاکستان پر نہیں پڑنا چاہیے تھا، اگست میں امپورٹ کیا گیا پیٹرول اس وقت ملک میں فراہم کیا جارہا ہے۔

انہوں نے کہا کہ توانائی سیکٹر میں 5 ہزار 400 ارب روپے کا گردشی قرضہ ہے، گردشی قرضہ ختم کرنے کے لیے کچھ کچھ اقدامات تو کیے جائیں گے۔

عابد سلہری نے مزید کہا کہ توانائی شعبے کے ذریعے ہی حکومت اخراجات کنٹرول کرنے کی کوشش کرے گی، توانائی شعبہ ایسا ہے جو ہر شہری استعمال کرتا ہے۔

عابد سلہری نے کہا کہ آئی ایم ایف معاہدے کی وجہ سے بھی نگراں حکومت کو مشکل فیصلے کرنا پڑ رہے ہیں۔

کراچی، شادی میں فائرنگ سے دلہن کی بہن جاں بحق

کی طرف
سلمان لودھی
-
0

کراچی میں شادی کی تقریب میں فائرنگ سے دلہن کی بہن جاں بحق ہو گئی۔

پولیس کے مطابق واقعہ قائدآباد کے علاقے میں پیش آیا جہاں شادی کی تقریب میں فائرنگ سے خاتون جاں بحق جب کہ 2 افراد زخمی ہو گئے۔

پولیس کا کہنا ہے کہ جاں بحق خاتون دلہن کی بہن تھی اور فائرنگ کا واقعہ ذاتی رنجش کا شاخسانہ ہے واقعے کے بعد ملزم فرار ہونے میں کامیاب ہو گیا۔

لاش اور زخمیوں کا اسپتال منتقل کر دیا گیا ہے۔ میت کو ضابطے کی کارروائی کے بعد لواحقین کے حوالے کیا جائے گا۔

پولیس نے واقعے کا مقدمہ اندراج کی کارروائی شروع کر دی ہے جب کہ ابتدائی شواہد اکٹھے کر لیے ہیں اور عینی شاہدین سے مزید تفصیلات جمع کی جارہی ہیں۔

کے الیکٹرک کو 31ارب کا نقصان ہوا، سی ای او

کی طرف
ویب ڈیسک
-
0
کے الیکٹرک

کراچی : کے الیکٹرک کے چیف ایگزیکٹو مونس علوی نے ادارے کے مالی سال 23-2022 کے مالیاتی نتائج کے حوالے سے اپنے بیان میں کہا ہے کہ اس دوران31 ارب کا نقصان ہوا۔

مونس علوی نے کہا کہ مالی سال کے ابتدائی9ماہ میں خسارہ40 ارب روپے تھا، ان تمام چیلنجز کے باوجود کے ای نے ویلیو چین میں سرمایہ کاری جاری رکھی۔

ان کا کہنا تھا کہ کامیابیوں میں900میگاواٹ کا بی کیو پی ایس تھری کا آغاز،500کے وی کا کے کے آئی ،دھابیجی 220کے وی گرڈز پر پیش رفت شامل ہے۔ نیٹ ورک میں 484بلین روپے سرمایہ کاری کا منصوبہ بھی تیار ہے۔

سی ای او کےالیکٹرک نے کہا کہ جنوری میں قابل تجدید توانائی کا حصہ 30 فیصد تک بڑھانے کا منصوبہ پیش کیا اس کے علاوہ پاور سیکٹر کی لبرلائزیشن پر بات چیت میں شامل رہتے ہیں۔

کے الیکٹرک کے مالیاتی نتائج کا اعلان

سی ای او کے الیکٹرک مونس علوی کا کہنا ہے کہ کے الیکٹرک کیلئے مالی سال 2023 مشکل ثابت ہوا۔ متعدد چیلنجنگ سماجی و سیاسی اور میکرو اکنامک عوامل نے کے-الیکٹرک سمیت متعدد شعبوں کو متاثر کیا۔ افراط زر، پالیسی کی شرح میں اضافہ، روپے کی قدر میں کمی اور اقتصادی سکڑاؤ نے آپریشنز کو متاثر کیا۔ معاشی سرگرمیوں میں کمی نے بھی ترسیلی یونٹس میں %7.3 کمی کی۔

ریگولیٹڈ ماحول میں تقسیم کار کمپنی صارفین کیلئے بجلی کی قیمت مقرر نہیں کرسکتی۔ حکومت کی طرف سے مقررکردہ قیمتوں میں اضافہ و میکرو اکنامک دباؤ سے بلوں کی ادائیگی میں کمی سے کےالیکٹرک کی ریکوری%96.7 سے%92.8 ہوگئی۔ مجموعی طور پر ان عوامل کے نتیجے میں کمپنی کو 30.9 ارب روپے کا نقصان ہوا۔

جنوری2023 میں ہم نے اپنے انرجی مکس میں قابل تجدید توانائی کا حصہ %30 تک بڑھانے کے لیے ایک جامع منصوبہ پیش کیا تاکہ درآمدی ایندھن پر انحصار کم ہو اور سستی توانائی تک رسائی کو ممکن بنایا جا سکے۔ ہم نے نان ایکسکلیوسو لائسنس کے لیے درخواست کی منظوری حاصل کی، جو ایک اہم سنگ میل ہے۔

ہم پاور سیکٹر کی لبرلائزیشن پر بات چیت میں شامل رہے ہیں اور اس نئی ڈیویلپمنٹ بارے حکومت کی پالیسی لیول کی رہنمائی کے مزید منتظر ہیں۔ اس سلسلے میں موجودہ پالیسیاں ون ایم ڈبلیو اور اس سے اوپر کے لیے لاگو ہوتی ہیں۔

کے الیکٹرک گورننس میں مزید بہتری کیلئے اقدامات کیے، صارفین کی سہولت کو مدنظر رکھا،100ٹن وزنی چوری میں ملوث کنڈے ہٹائے اور واجبات کی ادائیگی میں ایک لاکھ صارفین کی مدد کی۔ نیپرا ہدایات کے مطابق پرانے واجبات والے کنکشن منقطع کیے۔ چوری و بلوں کی عدم ادائیگی میں کمی ہماری توجہ کا بنیادی مرکز ہے۔

اگرچہ رواں مالی سال مشکل صورتحال کا سامنا کیا لیکن کراچی کیلئے ہمارا عزم مضبوط ہے۔ ہم مناسب قیمت پر قابل اعتماد سروس فراہم کرنے اور درپیش مسائل کے حل کے لیے حکومت پاکستان اور اسٹیک ہولڈرز کے ساتھ رابطے میں ہیں۔

1...6,5596,5606,561...30,602صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025