پنجاب کے علاقے پھالیہ میں سگے بھتیجوں نے 60 سالہ پھوپھی کا گلہ دبا کر ابدی نیند سلا دیا۔ مبینہ طور پر ملزمان نے دو ماہ سے مقتولہ کی بیٹی کو بھی اغواء کر رکھا ہے۔

تھانہ قادرآباد کے علاقہ بھیرووال میں سگے بھتیجوں نے بیوہ پھوپھی ارشاد بی بی کا گلہ دبا کر قتل کر ڈالا۔ ورثا کے مطابق ملزم قاسم نے اپنے دیگر چار بھائیوں کے ساتھ مل کر دو ایکڑ زمین کے لالچ میں خاتون کا گلہ دبا کر قتل کر دیا۔

ورثا کا کہنا ہے کہ دو ماہ قبل ملزم قاسم نے اپنی 30 سالہ بیوی شہناز بی بی کو طلاق دینے کے بعد دیگر بھائیوں کے ساتھ مل کر اغوا کر رکھا ہے۔

تھانہ قادرآباد پولیس نے شواہد جمع کرنے کے بعد لاش پوسٹ مارٹم کیلیے تحصیل ہیڈ کوارٹر اسپتال منتقل کر دی ہے۔

پاکپتن میں مہنگائی کی ستائی پانچ بچوں کی ماں بجلی کے پول پر چڑھ گئی۔

اے آر وائی نیوز کے مطابق پاکپتن میں مہنگائی کی ستائی پانچ بچوں کی ماں بجلی کے پول پر چڑھ گئی، پولیس کی منت سماجت کے بعد خاتون بجلی کے پول سے نیچے اتری۔

خاتون کا کہنا تھا کہ بچے گھر میں کئی روز سے بھوکے ہیں کھانے کو کچھ نہیں ہے۔

خاتون نے کہا کہ مہنگائی کی وجہ سے بچے بھوک سے بلک رہے ہیں گھر میں فاقہ کشی کی نوبت آن پہنچی ہے۔

پیٹرولنگ پولیس نے خاتون کی منت سماجت کی جس کے بعد خاتون نیچے اتری تو انہیں پولیس پیٹرولنگ چوکی پر ساتھ لے گئی۔

واضح رہے کہ گزشتہ سال سکھر میں نوجوان خودکشی کے ارادے سے لینس ڈاؤن پل پر چڑھ گیا تھا۔ اہل خانہ کا کہنا تھا کہ سراج اعوان کا دماغی توازن درست نہیں۔

نوجوان کے پل پر چڑھنے کی اطلاع ملتے ہی پولیس اور شہریوں کی بھیڑ لگ گئی تھی۔ پولیس اسے بحفاظت نیچے اتارنے میں کامیاب ہوگئی تھی۔

سندھ کے ضلع سکھر کے علاقے روہڑی میں نوجوان بیوی سے ناراض ہو کر خطرناک پل پر چڑھ گیا۔

اے آر وائی نیوز کے مطابق نوجوان کے پل پر چڑھنے کی اطلاع ملتے ہی مقامی پولیس موقع پر پہنچ گئی اور اسے نیچے اتارنے کی کوششیں شروع کیں۔

بھرپور کوششوں کے بعد پولیس نوجوان کو پل سے اتارنے میں کامیاب ہوگئی اور اسے حراست میں لے لیا۔ نوجوان کی شناخت ظاہر نہیں کی گئی۔

گزشتہ سال سکھر میں نوجوان خودکشی کے ارادے سے لینس ڈاؤن پل پر چڑھ گیا تھا۔ اہل خانہ کا کہنا تھا کہ سراج اعوان کا دماغی توازن درست نہیں۔

نوجوان کے پل پر چڑھنے کی اطلاع ملتے ہی پولیس اور شہریوں کی بھیڑ لگ گئی تھی۔ پولیس اسے بحفاظت نیچے اتارنے میں کامیاب ہوگئی تھی۔

لاہور: مسلم لیگ ق کے سربراہ چوہدری شجاعت حسین کی رہائشگاہ پر رینجرز تعینات کردی گئی ہے.

اے آر وائی نیوز کے مطابق مسلم لیگ ق کے سربراہ چوہدری شجاعت حسین کی رہائشگاہ کے داخلی دروازے پر رینجرز اہلکار تعینات  کیے گئے ہیں۔

چوہدری  شجاعت کے گھر کے پچھلے دروازے پر بھی رینجرز کے جوان تعینات کیے گئے ہیں۔

واضح رہے کہ پولیس نے چوہدری پرویز الٰہی کی رہائشگاہ پر آپریشن کیا تھا، شجاعت حسین کے گھر کا دروازہ توڑنے کے بعد  رینجرز کی تعیناتی  کا فیصلہ کیا گیا۔

یاد رہے کہ پولیس  نے گزشتہ دنوں پرویز الٰہی کے گھر چھاپہ مارا  تھا اور پولیس دروازہ توڑ  کر ان کے گھر میں داخل ہوگئی تھی۔

پی ٹی  آئی رہنماؤں کی جانب سے ان کے گھر پر چھاپے کی مذمت کی گئی تھی۔