ممبئی: بالی وڈ میں ’بیبو‘ کے نام سے مشہور نامور اداکارہ کرینہ کپور نے اپنی خواہش کا اظہار کرتے ہوئے کہا کہ وہ راہول گاندھی کو ڈیٹ کرنا چاہتی ہیں۔

راہول گاندھی بھارت کی بڑی اپوزیشن جماعت کانگریس کے رہنما ہیں جو اکثر کسی نہ کسی وجہ سے خبروں میں رہتے ہیں۔ کرینہ کپور نے ان کو ڈیٹ کرنے کی خواہش کا اظہار سال 2002 میں کیا تھا جب وہ ایک شو میں شریک تھیں۔

انٹرویو میں میزبان نے سوال کیا کہ وہ کس مشہور شخصیت کے ساتھ ڈیٹ کرنا پسند کریں گی؟ اس کے جواب میں کرینہ کپور کا کہنا تھا کہ ’مجھے نہیں معلوم کہ یہ کہنا مناسب ہے یا نہیں، لیکن میں راہول گاندھی کو ڈیٹ کرنا چاہتی ہوں۔‘

اداکارہ نے کانگریس رہنما کی تصاویر سے متعلق شو میں کہا تھا کہ میں ان کی تصاویر دیکھتی ہوں، ان کو مزید قریب سے جاننا چاہتی ہوں، میں سوچتی ہوں کہ ان سے بات چیت کیسے شروع کی جائے۔

ان کا مزید کہنا تھا کہ ’میرا تعلق ایک فلمی خاندان جبکہ اُن کا سیاست سے ہے، اس طرح یہ اور بھی دلچسپ بات ہوگی۔‘

انٹرویو کے سالوں بعد یہی سوال کرینہ کپور سے ایک موقع پر پوچھا گیا تو انہوں نے یہ کہہ کر اسے سنجیدہ ہی نہیں لیا کہ ’یہ بہت پرانی بات ہے اور اس وقت میں مشہور ہو رہی تھی۔‘ تقریباً 22 سال بعد اچانک اس انٹرویو کو سوشل میڈیا پر دوبارہ شیئر کیا جا رہا ہے اور لوگ اس پر تبصرے بھی کر رہے ہیں۔

لاہور: پاکستانی ڈراموں اور فلموں کی نامور اداکارہ ایمان علی کا کہنا ہے کہ پاکستان چھوڑ کر جانے کا سوچ رہی ہوں۔

ایمان علی نے ایک نجی نیوز چینل کے مزاحیہ شو میں شرکت کی جہاں انہوں نے میزبان کے سوالات کے دلچسپ جواب دیے جنہیں سن کر ان کے مداح حیران ہوئے۔

میزبان نے جب ان سے ملک کے معاشی حالات کے بارے میں پوچھا تو انہوں نے کہا کہ بس بہت ہوگیا، میں ملک چھوڑ کر جانے کا سوچ رہی ہوں۔ اس کی وجہ بیان کرتے ہوئے انہوں نے کہا کہ میرے شوہر کینیڈا میں ہیں، اس لیے جہاں وہ وہاں میں۔

ایک سوال کے جواب میں اداکارہ نے سوشل میڈیا سے نفرت کا اظہار کرتے ہوئے کہا کہ سوشل میڈیا سے چڑ ہوتی ہے کیونکہ لوگ بہت بدتمیزی کرتے ہیں، میں سوشل پلیٹ فارمز پر ہونے والی تنقید کا جواب نہیں دیتی۔

آپ اپنی زندگی میں کیا بننا چاہتی تھیں؟ اس سوال کے جواب میں فنکارہ نے بتایا کہ میں ایک شیف بننا چاہتی تھی کیونکہ مجھے کھانا پکانے کا بہت شوق ہے، میں نے 11 سال کی عمر میں کراہی بنائی تھی۔

ایمان علی نے گزشتہ سال نومبر میں اے آر وائی فلمز کی پیشکش ’ٹچ بٹن‘ میں اداکاری کے جوہر دکھائے۔ ان کے ساتھ ساتھ فلم میں فرحان سعید، عروہ حسین اور فیروز خان نے بھی کردار ادا کیے۔

فلم کی ریلیز سے قبل وہ ایک نایاب مرض ملٹی پل اسکلیروسس سے لڑتی رہیں اور اسکرین سے دور تھیں۔ ان کا کہنا تھا کہ بہت عرصے بعد فلم میں کام کرنا اپنے ڈیبیو جیسا لگ رہا ہے۔