پی ٹی آئی چیئرمین عمران خان کا کہنا ہے کہ قوم کو واضح کردوں کہ میری جان کو صرف تین افراد سے خطرہ ہے۔

اے آر وائی نیوز کے مطابق سابق وزیراعظم عمران خان نے ٹوئٹر پیغام میں کہا ہے کہ وزیر داخلہ کہتا ہے میری جان کو بیرونی ایجنسیوں سے خطرہ ہے لیکن میری جان کو صرف تین افراد سے خطرہ ہے وزیر آباد حملے کے بعد ان تینوں کو نامزد کیا تھا۔

انہوں نے لکھا کہ ایک ویڈیو میں مزید تین لوگوں کی نشاندہی کرچکا ہوں، 18 مارچ کو اسلام آباد جوڈیشل کملیکس میں مجھے ختم کرنے کی کوشش کی گئی اگر مجھ پر دوبارہ حملے کی کوشش ہوتی ہے تو یہی لوگ ذمہ دار ہوں گے۔

بعینہٖ اسی طرح اب یہ بیرونی ایجنسیوں کی آڑ میں ایک اور شیطانی چال چلنے کی کوششیں کر رہے ہیں۔میں اپنی قوم پر بالکل واضح کر دینا چاہتا ہوں کہ میری جان لینے کی کسی بھی کوشش کے ذمہ دار وہی لوگ ہوں گے جن کی نشاندہی میں کرچکا ہوں۔

— Imran Khan (@ImranKhanPTI) April 26, 2023

عمران خان نے لکھا کہ وزیر آباد حملے کا الزام ایک مذہبی جنونی پر لگانا محض ایک دھوکا تھا، بیرونی ایجنسیوں کی آڑ میں شیطانی چال کی کوششیں کی جارہی ہیں۔

انہوں نے کہا کہ انہیں خوف ہے اقتدار میں آکر ان کا محاسبہ کروں گا یہ لوگ میرے قتل کی کوششوں میں اہلکان ہوئے جاتے ہیں۔

چیئرمین پی ٹی آئی نے کہا کہ ’قتل کیا گیا تو ذمہ دار وہی لوگ ہوں گے جن کی نشاندہی کرچکا ہوں۔

اسلام آباد: اسپیکر قومی اسمبلی راجا پرویز اشرف نے ’پارلیمان کے اختیارات میں مداخلت‘ کے عنوان سے چیف جسٹس عمر عطا بندیال کے نام خط لکھ دیا۔

اے آر وائی نیوز کے مطابق اسپیکر قومی اسمبلی کی جانب سے پانچ صفحات پر مشتمل خط لکھا گیا ہے جس کی کاپی اٹارنی جنرل اور رجسٹرار سپریم کورٹ کو بھی ارسال کردی گئی ہے۔

راجا پرویز اشرف نے لکھا کہ اسپیکر اور ایوان کے محافظ کے طور پر آپ کو خط لکھ رہا ہوں، سپریم کورٹ کے3رکنی بینچ کےفیصلےسےپارلیمنٹ کااستحقاق مجروح ہواہے، یقین دلاتاہوں اگلےمالی سال کےبجٹ میں عام انتخابات کیلئےرقم رکھی جائےگی۔

انہوں نے لکھا کہ سپریم کورٹ کے3رکنی بینچ نےقومی اسمبلی کےاقدامات کونظراندازکیا، سپریم کورٹ کے3رکنی بینچ کےاحکامات پرتشویش ہے۔

اسپیکرکی جانب سےخط میں آئین کےآرٹیکل73کابھی حوالہ دیاگیاہے، خط کے متن کے مطابق عدالتی فیصلےقومی اسمبلی کے2بنیادی آئینی اختیارات سےتجاوزہے، چیف جسٹس کی توجہ آرٹیکل73کی طرف دلاناچاہتاہوں،حالیہ فیصلوں، ججز کے ریمارکس پرارکان قومی اسمبلی کےتحفظات ہیں۔

راجا پرویز اشرف نے لکھا کہ اسمبلی شدت سےمحسوس کرتی ہےحالیہ فیصلے 2 بنیادی آئینی فرائض میں مداخلت ہے، ان آئینی امورمیں قانون سازی اور مالیاتی امور پرفیصلہ سازی ہے، آرٹیکل 73کےتحت مالیاتی بل کی منظوری قومی اسمبلی کاخاص اختیارہے، آرٹیکل 79سے 85تک کےاخراجات کی منظوری منتخب نمائندوں کا اختیار ہے۔

انہوں نے لکھا کہ آئین کی ان واضح شقوں اوراختیارات کی تقسیم کےتناظرمیں تشویش سے آگاہ کررہا ہوں۔

راجا پرویز اشرف نے لکھا کہ تین رکنی بینچ نے رقم جاری نہ ہونے پر وفاقی حکومت کو سنگین نتائج کی دھمکی دی، افسوس کے ساتھ کہنا پڑرہا ہے یہ قومی اسمبلی کو تابع بنانے کی کوشش ہے یہ آئینی طریقہ کار کے خاتمے کے مترادف ہے۔

الیکشن کے لیے پارٹی ٹکٹ تبدیل ہونے پر پی ٹی آئی کے امیدوار نے خودکشی کی کوشش کی۔

پنجاب میں عام انتخابات کے لیے ٹکٹوں کی تقسیم کے معاملے پر فیصل آباد ‏سے ٹکٹ تبدیل ہونے پر پی ٹی آئی امیدوار احسان طور نے خودکشی کی کوشش کی۔

احسان طور کے والد نے چیئرمین تحریک انصاف عمران خان کی رہائش گاہ زمان پارک کے باہر‏احتجاج کیا۔

پی ٹی آئی نے پنجاب میں اکیس نشستوں پر امیدوار تبدیل کر دیے ہیں جب کہ خالی رہ جانے والے نو حلقوں پر بھی امیدواروں کا اعلان کر دیا گیا ہے۔

ذرائع کا کہنا ہے کہ پی پی 7 سے طارق مرتضیٰ، پی پی 10 سے اجمل صابر، پی پی 11 سے عارف عباسی ، پی پی 73 سے سہیل گجر، پی پی 79 سے نذیر صوبی، پی پی 50 سے افضل مہیسر کو ٹکٹ جاری کر دیا گیا ہے۔

ذرائع کے مطابق پی پی 57 سے علی وکیل خان، پی پی 61 سے رانا نذیر، پی پی 62 سے محمد علی، پی پی 137 سے ابوذر چدھڑ، پی پی 162 لاہور سے فیاض بھٹی، پی پی 101 سے شہیر داؤد، پی پی 108 سے ندیم آفتاب سدھو، پی پی 189 سے چاند بی بی، پی پی 194 سے سلمان صفدر اور پی پی 201 سے محمد سرور کو ٹکٹ جاری کیا گیا ہے۔

پی پی 197 سے شکیل نیازی، پی پی 198 سے محمد دمرہ کو ٹکٹ مل گیا، پی پی 234 سے زاہد اقبال، پی پی 251 سے احمد یار، پی پی 253 سے اصغر جوئیہ، پی پی 257 سے راجہ سلیم، پی پی 266 سے غلام محمد سولنگی، پی پی 269 سے احسان الحق، پی پی 271 سے نادیہ کھر، پی پی 272 سے جان یونس، پی پی 273 سے عمران، اور پی پی 276 سے معظم جتوئی کو ٹکٹ جاری کر دیا گیا ہے۔

لندن: مسلم لیگ ن کے قائد نواز شریف کے استقبال سے لندن والے پریشان آگئے اور سیاسی سرگرمیوں پر پابندی لگوانے کا اشارہ دے دیا۔

اے آر وائی نیوز کے مطابق مسلم لیگ ن کے قائد نواز شریف عمرہ کی ادائیگی کے بعد لندن واپس پہنچے تو ایون فیلڈ اپارٹمنٹس کے سامنے کارکنان نے ان کا استقبال کیا اور پھولوں کی پتیاں نچھاور کیں۔

مقامی کونسلر نے ایون فیلڈ کے سامنے ہجوم اور مظاہروں پر تشویش کا اظہار کیا ہے۔

کونسلر نے کہا کہ ایون فیلڈ کے سامنے سیاسی سرگرمیوں پر پابندی لگوانا چاہتے ہیں، ہجوم سے متعلق پولیس سے بات کررہے ہیں۔

کونسلر فشر نے کہا کہ رہائشگاہ کے سامنے مظاہروں سے مقامی رہائشی متاثر ہوتے ہیں۔

انہوں نے کہا کہ رہائشگاہ کے سامنے مظاہروں سے مقامی رہائشی متاثر ہوتے ہیں، نواز شریف کا استقبال کریں اور جلد از جلد خالی کریں۔

مقامی کونسلر نے کہا کہ نواز شریف کو میرا پیغام دیں کہ ہم نظر رکھے ہوئے ہیں۔

واضح رہے کہ گزشتہ دنوں مسلم لیگ ن کے قائد نواز شریف لندن سے سعودی عرب عمرے کی ادائیگی کے لیے پہنچے تھے۔

بنوں میں باپ نے مبینہ طور پر چار بچوں کو قتل کرکے اپنی زندگی کا خاتمہ کرلیا۔

اے آر وائی نیوز کے مطابق بنوں کے علاقے تھانہ ڈومیل کی حدود سے پانچ لاشیں برآمد ہوئیں، مبینہ طور پر ایک شخص نے چار بچوں کو قتل کرکے خودکشی کرلی۔

پولیس کا بتانا ہے کہ جائے وقوع سے پستول اور موٹرسائیکل برآمد کی گئی ہے جبکہ مقتول کی شناخت کلیم اللہ کے نام سے ہوئی ہے۔

بھائی نے بتایا کہ کلم اللہ کی کسی سے کوئی دشمنی نہیں تھی ٹائر پنکچر کی دکان چلاتا تھا اور ذہنی طور پر بہت پریشان تھا۔

ڈی پی او ضیا الدین احمد کا کہنا ہے کہ کلیم اللہ نے پہلے بچوں کو قتل کیا پھر خود کو گولی مار لی۔

پولیس کا کہنا ہے کہ واقعے کا مقدمہ 302 کے تحت بچوں ک یماں کی مدعیت میں شوہر کے خلاف درج کیا گیا ہے۔ایف آئی آر میں خاتون نے موقف اپنایا کہ کلیم اللہ کا دماغی توازن درست نہیں تھا وہ دوائی لے رہا تھا۔